صديقتي محتاجة دعائكم ومشورتكم ....

يابنات باقول لكم سالفة صديقتي وهي تتابع المنتدى عشان تشوف ردودكم ومشورتكم
أنا أعرف صديقتي من أيام الدراسة على خلق ودين تقريبا صار لي الحين معها أكثر من 15 سنة وأعرف كل شي عنها وهي نفس الشي تعرف عني كل شي وقريبين من بعض جدا ولكن هي الله امتحنها واستأذنتها أكتب سالفتها في المنتدى فسمحت لي وهي تتعالج عند الطب النفسي في الفترة الأخيرة بسبب طلاقها من حبيبها وزوجها قبل الدخلة بتقولون كيف زوجها وهو مادخل عليها بأقول لكم هو من أقاربها وتقدم لخطبتها وهي بالمرحلة الآعدادية وتم عقد القران ( الملكة) وبعدها جاء وسكن عندهم ماأعرف ليه وهي كانت رافضة هذا الشي من البداية بس أبوها يقول لها لا عادي خليه تطردينة وش الفرق بينه قبل الملكة وبعدها ( طيب زيادة عن اللزوم وكبير جداً في السن ولايهمه الا الحلال ( الابل) وبالنسبة لمجتمعنا هذا الشي غريب علينا أن الخطيب يسكن عند الزوجة وماصارت لاعند البدو ولا الحضر ولكن مشيئة الله وعلى فكرة هي ماعندها إلا أخ أصغر منها بكثير وكانت من قبل الخطبة تروح مع خطيبها وأخوه واهله كانوا صلة القرابة قوية جدا جدا جدا طبعا هي تحبه من صغرها حتى قبل الملكة وبعد ماجاء سكن عندهم صار معيشها في العسل وهي تعشقه عشق الجنون بصراحة كان جدا طيب معها بشهادتي طبعا لاني أعرفهم وبعدها بخمس سنوات من عقد القرآن صار يتغير عليها شوي شوي وصار يكذب عليها طبعا كان يلقى مخرج على طول لكذبه ولكن المصيبة وقت ماباعها عشان وحده استغفر الله العظيم (( ؟؟؟؟؟؟؟؟)) فهمتو قصدي وهي سبب تغيره لدرجة أنه في المحكمة صديقته معاه في المحكمة عشان تتأكد أنه طلق رفيقتي (( تخيلي نفسك بالموقف هذا زوجك يطلقك أوخطيبك عشان متعته وعشان وحده ماتسواك)) ولا همه أنه جرح كرامة أنسانه والناس صارو يقذفونها من كل صوب ليش ترضى يسكن عندهم وغيره من الكلام القذر اللي مايقبله الدين ولا الملة وبعد اربع سنوات من طلاقها منه راح زعقد قرانه على وحده ثانيه من أقاربها (( طبعاً قهر )) والناس حاطيين أن هي سبب كل شي والبلى من تحت راسها صدقوني لانها مسكينة وضعيفة ومالها أخوان والا كان ماصار هذ كله والحين بعد ملكته صارت توسوس بالموت والاخرة والقيامة ولا شي من المستقبل تفكر فيه وصارت ماتطلع وقطعت علاقتها بجميع الناس حتى أنا بس نتواصل بالمسجات وانا أعذرها بصراحة واذا اتصلت بعد مدة طويلة كان صوتها اللي توه قايم من النوم ومكتئبة وبعدها راحت عند دكتور نفسي وقال عندها اكتئاب حاد من تراكمات سنين وهو عايش حياته مادرى أنه دمر حياة وحده مسكينة مادرى ان سبب اللي هي فيه منه مادرى ان الله يمهل ولايهمل مادرى أن الناس صارو يقذفونها بسببه هو مادرى ان حياتها صارت جحيم مادرى ان المستشفيات صارت بيتها الثاني بعد العز اللي هي مادرى انه دمر حياة بنت بعمر الزهور مادرى ان الناس يقومون الصبح مفرفشين وهي تقوم الصبح تدور حبوبها عشان تقدر تكمل يومها ومادرى ومادرى ومادرى وهو عايش حياته بالطول والعرض ...
انا كتبت الموضوع بعض من كل اللي صار لها والان اريد منكم الدعاء لها ورفع الموضوع لاني باقول لها تقراه
اسفة على اسلوبى بالكتابه لانه ركيك.....