بمناسبة الدجل والشعوذة
هاحكي لكم حاجة من حياتي الخاصة (حقيقة والله العظيم)
كنت في شغل سابق وفجأة وانا قاعدة مع زمايلي لاقيت واحد فيهم راح قايل لي انت معمول لك عمل وباين في عينيك
انا: نعم انت بتهزر والا ايه
هو: والله ما باهزر- يا فلانة (زميلتي وجارته) تعرفي عني اني ليا في الحاجات دي قصده الأعمال، قالت له لأ اول مرة
أنا: يا سلام طيب قوللي بقى الحكاية
هو: راح مطلع كتاب قديم عمري ما شفت زيه وفتحه واخد اسمي بالكامل وعمل حسبة غريبة، وبعدين قاللي: واحدة بنت وصفها كذا اخذت من عندك حاجة كانت موجودة في المكان الفلاني وعملت عليه لأنها شايفة انها اجمل منك والمفروض تكون احسن منك، وخلي بالك من فلان اللي وصفه كذا وفلان اللي وصفه كذا لأنه عاوز يئذيكي وقرابته بك كذا
أنا: ما نطقتش
عارفين ليه؟ لأن كلامه كان كله صح الحاجة اللي قاللي عليها فعلا اختفت من فترة وقلبت الدنيا عليها ، والبنت اللي وصفهالي هى والاثنين التانيين أنا عارفاهم فعلا وعارفة نيتهم ايه من ناحيتي
تخيلوا
طبعا كذب المنجمون ولو صدفوا بس والله ده اللي حصل لي، والحمد لله على كل حال الكلام ده من كم سنة 4 او 5 سنين وانا رحت بعدها عمرة ودعيت ربنا يفك اى حاجة ويحفظني والحمد لله اللي استجاب دعوتي ان شاء الله
المضيفة المصرية: اتفضل اشرب شاي
متابعة النقاش، صفحة 366