السلام عليكم ورحمة الله
مالكم في الطواله ابشركم انا ولدت قبل واحد وعشرين يوم بقيصريه وجبت بنوته ربي يحفظها ويخليها لي قصة ولادتي بقوللها بعدين بس احس بأعراض وميته خوف ووسوسه ما انام الليل لأن مسويه العمليه في مستشفى حكومي كله اهمال ونذاله دكاتره يعني مسلمه الامر لله
اللي ابي اتأكد منه عن ها الاشيء
اول ما صحيت من العمليه سألني طبيب التخدير وش تحسين قلت احس ان اجرح في بطني يوجعني واحس اني ارتجف طبعا هذا في غرفة الافاقه قالي بدقك ابره ويروح كل هذا
السؤال انا لي واحد وعشرين يوم والد ولين الحين احس بطني من اسفل فوق العمليه بشوي لايزال مخدر ما احس فيه هل هذا امرطبيعي خصوصا بعد مرور هالمده؟
والا مفروض ان تأثير البنج راح والا وش السالفه هذا اكثر امرمقلقني وما انام الليل من الوسوسه:44:
ثاني شي انا من ولدت ماكنت امشي الا يومني في المستشفى بعد ين يوم طلعت التهب الجرح وصار يطلع مويه ودم وتنومت يومين وشافه طبيب التخدير وقال نص سانتي مفتوح ما راح اخيطه ابي اللي فيه يطلع وكتب لي خروج ومضاد حيوي وبعدين خذيت مضاد حيوي من مستوصف خاص وصارالجرح احسن وتسكر
بس بقى مكانه زي الندبه يعني كانك سافطه قطعه قماش بس صغيره واذا لمست مكانها احس كأن المكان منتفخ هل هذا طبيعي؟
فيه حاجه بعد من يوم طلعت من العمليه وانا احس بألم في جوانب بطني لين اليوم هل هو طبيعي ومن ايش هذا الأم؟
واللي مرعبني اكثر واكثر اني اذا مشيت احس كأن فيه ثقل وضغط على الاسفل في المنطقه التحتيه من جسمي .......... ويوجعني ظهري في نفس الوقت هل هل بعد طبيعي والا انا اعراضي غير؟
واحس بعد في الليل اذا تمددت بتنميل بسيط فس العمليه بعدين يروح؟؟
ومن الجانب الثاني احس ان نفسي مسدوده من الاكل بالموت اكل؟؟
احس بالضيق الشديد والملل ورغبه في البكاء؟
احس بخوف ورعب من الولاده وغرفة العمليات والصراخ اللي سمعته في غرفة الولاده؟
تجيني كوابيس وانا نايمه واحس بخوف على زوجي وبنتي وهواجيس كثيره ؟
متى اقدر انا م على جنوبي لأني تعبت من نومة الظهر؟؟
والله ان حالتي صعبه واعذروني انا بكريه وابي من يطمني
ابي من تجاربكم اشوف وش اللي طبيعي واللي ماهو طبيعي عشان اتطمن او اروح اراجع المستشفى؟
اتمنا ما تطنشوني تكفون
تقبلوا التحيه
شاركي في النقاش
سجلي الدخول لإضافة تعليق.
التعليقات
31- مبروووك المولوده والحمد لله عالسلامه
بس ابعدي عنك الوساويس وحالتك النفسيه شي طبيعي تمرفيها كل والده اهتمي بنفسك وكلي زين وامشي قد ماتقدرين علشان تطيب عمليتك توك ياقلبي لحمك طري والجرح الداخلي ماالتئم زين اشربي مرقه لحم علشان تخيط جروحك وان شاء الله مافيك الا العافيه:26: - الف مبروك حبيبتي والله مشتاقتلك والله تعب الحمل خلاني ماأسئل عنك سامحيني لاتخافي ولاتفكري ان شاء الله فتره وتعدي لازم تتغذي كويس واسئلة العمليه ان شاء الله البنات يساعدوكي لاني الحمدلله ماجربتها انتبهي لنفسك ولبنتك الله يخليها لك وعقبالي اولد هذا الأسبوع ان شاء الله...
- سبحان الله وبحمده سبحان الله العظيم..
- النوم على الجنب بعد العملية بيومين اما الالام فما اتذكر انه صارتلي الحمدلله على حسب شطارة الدكتور اللي اجرى العملية
- مبروووك المولوده والحمد لله عالسلامه
طبيعي ياعمري الي تحسين فية بالنسبة المنطقة مخدرة شيء طبيعي لان الاعصاب تتقطع مع العميلة وتاخذ شهور الى ان تبني اعصاب جديدة انا جلست شهور الى ان رجعت والم الجوانب حاولي انك تنامي على الجوانب اتحركي لاتجلسين بس على الظهر مرة اقلبي يمين ومرة يسار الى ان يخف الالم بعد كل مرة ةلاوم تمشين كثير بالبيت علشان بسرعة تطيب العلية وحاولي تمارسي حياتك شوي شوي لا تجلسبن على وتيرة وحدة حتى ماتصير التصاقات بالرحم حاولي تجلسيت على الارض حتى لو شوي وبعدبن تقومين بس لازم جسمك يتعود علشان يرجع والم يخف ومن ناحية الي ينزل من البطن برضة علشان ينشف الجرح انا لما كنت امشي كان ينزل مني وسالت الدكتور عادي طبيعي ومسحة بالمسحة الطبية على طول واستمري كم شهر
وشيء طبيعي الحالة النفسية تكون سيئة ان شاء الله فترة وتعدي وربي يكتب لك الولادة الطبيعة الم ساعة اهون من الم شهور
ومن ناحية خايفة من صراخ الحريم ترى المستشفيات تطورت عندها مسكنات ماتحسين بالطلق وقت الولادة كمام لاتخافين ***** الله يكتب لك الولادة الطبيعة
مواضيع مشابهة
تابعي تجارب أخرى من هذا القسم.