و ليش أتجوز و أنا أدرس و ابلش نفسي ببزوره و زوج بس إسم إني أتجوزت صغيره أي نعم أدرس أولا و أعيش حياتي ثانيا و الزواج على 23 أو 24 سنه مناسب أكون فاهمه و ناضجه مو بزره يعني إذا إتزوجت صغيره إيش المكاسب اللي حجنيها مثلا و لاشي غير إن شي فوق إحتمال إنسان و في النهايه إنتي و هيا إسمكم متزوجات بس هسا كان عندها أشياء مهمه في حياتها تعملها غير الطبخ و الغسيل و إلخ إلخ
و الرجال اللي يبغى صغيره إنسان متخلف الرجال لمن يتزوج يقول أبغى وحده مثقفه و متعلمه واعيه مو بزره
مو كل من قال أبغى أتزوج صار عقلو كبير خو صحبتي عمره 30 دوبو ملك قلهم أبغى وحده كبيره و فاهمه و خطبوله وحده مناسبه له عمرها 27 سنه ماشاء الله معيده في الجامعه و العريس و العيله من أحسن مايكون وفرحها في أفخم قاعه يعني ماهو بالصغر اللي ربي كاتبلها جوازة هنا حتتجوز لو عمرها 40 و نفس البنت أخوها التاني عمره 25 قالهم ماأبغى بزوره أبغى وحده أصغر مني بسنتين
ووحده أعرفها عمرها 40 سنه ماشاء الله لاقوة إلا بالله فيها جمااااااااااال دوبها إتزوجت قبل كم شهر من واحد أرمل و ماعنده أحد في البيت و صارلها ملكه و غمره و فرح كلها في قاعات عاد الفرح حط المبلغ في يدها قلها إنتي تسوي كل شي و في قاعه فخمه سوالها فرح من ألف ليله و ليله و شهر عسل سافرت دبشها كله جهزته من لبنان الله يحميها من العين
و بعدين هادا نصيب ما أحد يختار عمره لمن يتزوج و لا البنت اللي ماكلمت جامعه بسبب ضروف لأنه نصيبها بس برضه مو مؤيده لتزويج البنت قبل الجامعه
و تصدقي إنك مسكينه تقولي ليش نتشرط إتزوجوا سكيتي و عيشو عند أهله و على إيش دي التنازلات لا يكون بتزوج و ليام مثلا و إلا إذا ما إتزوحت بموت حبيبتي ترى إحنا بنات ناس ما نطلع من بيوت أهلنا إلا بهزه مو سكيتي و اللي ما يقدرني ما أبغاه و في النهايه ماني ضامنته عريس الغفله على الأقل دراستي تنفعني
على فكره تراني ماني كبيره عمري 23 سنه بس عندي مخ و ترى خطبوني أنا و أختي عيله مره كبيره و مرتاحه لكن رفضنا لأنهم ما يبغونا نتوظف مخهم مقفل ترى مو عشاننا بنات نقبل بأي شي
لا تزعلوا مني يا بنات بس هذا اللي صاير [استوفى حقه من الردود]
متابعة النقاش، صفحة 10