السلام عليكم ورحمه الله وبركاته
ياحلوات ابي همتكم
ابي نتبادل الافكار عن وجبات الاطفال المفيده
ابي كل وحده تكتب عمر طفلها والوجبات اللي تسوويها له
بصراحه يابنات لقيت مواضيع كثيره عن هالموضوع بالارشيف
لكن حبيت اسوي موضوع جديد نتناقش فيه لايف
يالله بسم الله
راح ابدي مع كتكوتتي عمرها ست شهور
انا مااحب الاكل المعلب ابدا مااعطي اطفالي
لانه كله مواد حافظه وسكر
يعني مامنه فايده غير سد الجوع واحتمال يتفخ الطفل تفخه مو طبيعيه
وكذلك السيريلاك مااحبه بس مرات استخدمه لللضروره اذا كنت منشغله بس
واستغني عنه بصمون طازج اطحنه بالطحانه واحطه بعلبه بالفريزر عشان مايخرب
ويعطي نفس نتيجه السيرلاك
ريوق بنتي
تمر منقوع بماي حار
احطه بالخلاط مع نص تفاحه مقشره
اطلعه من الخلاط واخلطه مع ملعقتين صمون مطحون
او استبدل الصمون ببسكوت اطفال اذوبه معاهم
او
نشا بالفواكهه موز وتفاح اغليهم بماي
واضيف عليهم ملعقتين نشا
او
استبدل النشا بالشوفان
الغدا
عدس
رز
جزر
كوسا
بطاط
قرع
اطبخهم مع بعض واحطهم بالخلاط
قبل التقديم
اضيف نص ملعقه صغيره زيت زيتون
هذي نصيحه من استشاري اطفال لازم اضافه زيت الزيتون لطعام الاطفال
العصر
عصير برتقال شرب
المغرب
خوخ مهروس مع روب
العشا
باقي الغدا اسخنه
وبس هذي وجباتي لبنتي
ولقيت وصفه حلوه نستخدم فيها الخوخ المجفف مع النشا
ودي اجربها لان الخوخ مو كل يوم متوفر عندي
ويالله يابنات خلونا نشوف تفاعلكم
ووجباتكم
شاركي في النقاش
سجلي الدخول لإضافة تعليق.
التعليقات
56- بنتي اطحن لها كورن فليكس مع الحليب كـ فطور
وزيك انا انقع لها تمره
سيرلاك
بس هالفتره مادري وش فيها ماتبي اي اكل من البيت الا الشي الحلو >>>تشوكليت حلويات الخ
عمرها 11 شهر - موضوع حلو وياريت نلاقي تفاعل من البنات
جنى بنتي باقي لها 10 ايام وتكمل الشهر الخامس فديت عيونها
اعطيها ع الغدا ارز مع بطاطس وجزر او كوسا واحيانا اغير لها واعملها شوفان
وعصير برتقال او تفاح
ولسى لي اسبوع بدات اعطيها الشوفان كوجبة ثانية بس بكمية قليلة عشان مايثقل ع معدتها
بنات ابغى اسالكم التفاح ضروري اسلقه ولا عادي اهرسه بالخلاط وهو طازج؟؟
والموز عادي اعطيها شوية ولا لسى بدري؟؟ - حبيبتي حلم وردي
الله يخلي لك بنيتك
بالنسبه للكورن فليكس انا مااحبه ابد ابد
ولااعطيه عيالي حتى الكبار مااشتريه ولاادخله بيتي
احس انه اكل تجاري ومافيه فايده
استغني انه بالبسكوت بالنخاله او لب الصمون افضل لها
بالنسبه لبنتك ماتاكل يمكن تسنن
حاولي تغيرين وتنوعين لها اكلها
واذا تحب الحالي عطيها روب بالفواكه
جنى نور عيوني
بنتك صغنتوته الله يخليها لك
بما ان ماتمت الست الشهور الافضل تعطيهل التفاح مطبوخ
وحلو لو تسوينه هالبخار
تجيبين قدر تحطي فيه شويه ماي وتثبتين فوقه مشخال مال الطحين وتحطين التفاح مقطع شرايح بالمشخال وتغطينه بغطايه وتتركينه يستوي عالبخار
والموز اهرسيه عادي بالخلاط مع عصير برتقال او مع حليبها وعطيها بالمعلقه
وبالعافيه - تسلمي حبيبتي
الله يخلي لك بنوتك - للرفع
مواضيع مشابهة
تابعي تجارب أخرى من هذا القسم.