بسم الله الرحمن الرحيم
سافرت المدينه المنورة بتاريخ 18 - 8 ورجعنا يوم 20 - 8
احنا نسافر من أجل الحرم النبووي نصلي فيه ونرجع للفندق وكذآآ
رحنا مع النقل الجماعي مع امي ، لانو بابا مسافر الله يرجعه للسلامه ..
..
استأجرنا فندق جمب جمممممب الحرم وهو عند فندق بهاء الدين بس مش هو وانا حأستره ومش حأقول اسمه ، للأسف انه اغلى من بهاء الدين + اكتشفنا فيه حاجه تجيب المراره بس أصبرو حأقولكم هو بعدين
مارحنا لبهاء الدين لانه كان فــــل
المهم ودخلنا الغرفه ، كبيرة وواسعه وفيها طاقه ( شباك - دريشة ) كبير نقدر نتفرج منه ، اوكي حلو ، وفيه 5 سرر .. اووكي حلووو كمان ...
وصلنا للمدينه على المغرب ..
المهم ورحنا صلينا المغرب والعشاء بالحرم النبووي .. ورجعنا ومعانا عشانا من برآآ
وفي اليوم الثاني تقريبا ع العصر نزلت أتبضع واشتريت هديه لمامتي وشفت المحلات الي عند الحرم واشتريت منها .. جدا حلوووه المدينه يانااس ، روحانيه + انشراح صدر وسعاده ماتعرفي من ويت تجي ..
في اليوم الثاني سمعت اختي الصغيره تقول ترا في صرااااصيير المهم واكتشفا انو الشقه فيها صرااااصيييييييييييييييييييييييييييير
انا تعبت نفسيتي وصرت خايفه وانام بقرف بس ايش اسوي ؟؟
وخفت على عبايتي لانو لونها اسود فـ حيمشو عليها ..
بعد كذا
جيت من صلاة العصر وأخذت لي غفوه وشنطتي جمبي والعبايه عند رجلي وصحيت ألاقي عبايتي على ماصه ( طرابيزه ) ، ، وكان شئ مقرف وطلعت ماما حطته عليها
وشفت صرصار قد مشي عليها ،، والله شئ يقرف وانقهرت اول مره يمشي صرصار على حاجاتي من المواقف الي حصلت لي هي جزمتي :(
سافرت بجزمتي جديده وغاليه ، ولما جينا نطلع مالقيتها ، كل اخواتي لقو جزمهم إلا انا
انقهرت بس مافي اليد حيله واشتريت جزمه تانيه من الحجات الي برا ( الان عرفت ليه يبيعو جزم ، ترينو عشانها بتضيع
)وبعدها لما دخلت الحرم مرة تانيه وصلينا وطلعنا برضووو مالقيت جزمتي مع اني حطيتها بالزبط جمب جزمه اختي بس الحمدلله على كل حال ...
لما طلعت اشتريت لي جزمه وقلت للحجه تخيلي دي تاني مره اشتري جزمه ، فقالت : ان شاء الله تضيع مره تانيه !!
هيا بالله شو رأيكم ،، انا انصدمت بس طنشت قلت الله يهديها ..
والصلاه الي بعدها برضو دخلت الحرم وصليت والحمدلله ماضاعت الجزمه ، لاني صرت احطه بوسط جزم اخواتي:22: ..
ورجعت الفندق مبسوووطه كأني عملت انجاز وكله لانها ماضاعت ، لكن يافرحه ماتمت
رحنا الحرم بثاني يوم باليوم الي حنسافر فيه صلينا فرض وبرضوو مالقيت جزمتي
( افتكرت الحجه وكلامها
)..
لما دخلت الروضه اول مره شفت منظر ، صعقت منه جدا
شفت الحريم يكتبو ع الجدار من جوا وكله مكتوب الزهراء والحسين ومدري ايش ، حسبي الله على هذولا الشيعه .. شوهو منظر الروضه والله انقهرت مرررررررررررررررررره
وصارو قويات ويدفعو حسبي الله ، وفي بعضهم تخصصهم اذيه السنيات وماما مسكينه وحده دفتها بكوعها وصار في أثر وغير كذا يقطعو صلاة الوحده ..
طبعا أنا عصبت و مستحيل أسمح لهم بده الشئ
وصاررت الي تدفني اقولها ليييييييش تفيني وهي تهرج بكلامهم الي ماينفهم هههههههههه
وطبعا يتبركو ع الجدار فصرت انصح الهنديات او السنيات الي يقلدوهم ومايعرفو انو ده شرك وبدعه !
اخواتي جلسو يضحكو علي لما انصح هنديه وأقولها : نهي نهي وامسح بالجدار واقولها نهييييييي نهيييييييييي ( يعني لااا تسوي كذا )
والاندنوسيات واحجامهم الصغيره واقفه تصلي ولما تبغا تسجد مش لاقيه مكان تسجد لانو الحريم واقفين قدامها وهي تجلس واقفه تنتظر حضراتهم يمرو !! .. منجد غلبانيين ..
منجد احنا من واجبنا اننا ننصح الي بتعمل افعال شركيه بدون ماتدري ، لانو ربنا حيحاسبنا اننا مانهيناهم عن هذه البدع .. يا اخواتي ..
وكل وحده انصحها واقولها مايجوز انو تتمسحي بالجدار يسمعو الكلام طبعا هذولا الهنديات او الاجنبيات مش الشيعيات !!
لانو الاجانب السنيين جاهلين ومايدرو ويشوفو الشيعيات بيعملو كذا فيقلدوهم وعلى بالهم انهم على صواب :(
وأخيرا ..
كانت رحله منجد رائعه ، اتعرفت على ناس طيبين واسأل الله انو اروح لها مره تانيه ..
والسلام عليكم ورحمة الله وبركاته