السلام عليكم ورحمة الله ..
كيفكم بنات ..
بدون مقدمات
أنا طفشاااااااااااااااااانه من عمري قسم واللي خلقني كل شوي ادعي دعاء الموت على نفسي :06:
والسبب خطيبي ..
مدري متى نتزوج واجلس على قلبه واوريه العين الحمرا لما يهجد :16:
المهم ..
عارفين انكم بتسالون ليش ماتزوجتو للحين ..
ماتزوجنا ننتظر ابوي يرجع من ألمانيا عشانه كان مريض ياعمري بس ان شاء الله بنتزوج بعد العيد ..
من اسبوعين تقريبا صار بينا مواقف سخيفه أنا اتدلع وازعل واطنش خطيبي ولا اكلمه ولا حتى ماسن ..
وراح هو عناد فيني واخذ تذاكر وحجز على المغرب مع ربعه ..
وأنا من دريت انهبلت وقمت ابكي بس ماقلت له لاتروح لآني كنت انتظر هو من نفسه يقول ماني رايح ولا قال
سافر للمغرب وكنت أظن أني عادي بطنش لكن تفاجئت أني انجنيت وانهبلت وصرت ادق عليه وابكي وارسله انت ماتحبني انت وانت :icon33::44:
وهو يحاول فيني يمين شمال يبي ارضى يغير السالفه مافي فايده ..
المهم بدت المعاناه من صرت ادعي على نفسي صار ينهبل ويهاوش ويتوعد ان دعيتي ياويلك وانا اعاند وادعي لاني صدق ودي أموت ولا يسافر :icon33:
ماكنت ادري اني غيوره لهالدرجه :icon33:
قالي خلاص تبين ارجع عن طريق البحر رجعت لانه دور حجز عوده ولا لقى اقلت لا لاترجع الا بطياره اخاف عليه بالبحر :icon33:
قال مالقيت دوري لي حجز وارجع كان منعتيني قبل لا اروح وشقيت التذاكر موب الحين تقولين ارجع اركب اجنحه واجي والا وش اسوي
انا خلاص
نفسيتي اندمرت وصديقتي هبلت بي تقول انهم يسافرون عشان الحريم واتحدى اذا كل يوم موب مع وحده :06:
أنا أعصابي انهارت وزعلت بقووووه وصرت ما اكل بس ابكي وكل شوي ارسل له ياخاين ياحقير
وهو يقول اهدي يالمى يحاول يسكتني بس انا زعلانه ..
طبعا حبيت اهبل فيه قلت له بسجل بمنتدى مختلط قال ياويلك وقام يحلف وانا قسم مالي نيه بس بشوف ردة فعله
حلف علي قلت لا ياترجع يا اسجل
قمت وسجلت ويوم دخل ماسن قلت له افتح البريد حقك وناظر رسالة المنتدى الحين بيفعلوني
انهبل وجن جنونه وسكر بوجهي وطلع من الماسن
ارسلت له قال انقلعي ياخاينه خلي المنتديات تنفعك
انا انهبلت وقمت ادعي عليه حسبي الله عليك الله ينتقم منك ودعاوي اشكال والوان
هو عارف اني اصلا مستحي اسجل او اشارك بغير عالم حواء وحلفت له انا اني ماشاركت ولا دخلت المنتدى حتى بس ابيك تغار وتزعل وترجع ..
قال خلاص اعتذري لي قلت لا وكملت هواش عليه ..
رجع يراضيني وعييت ارضى وبعد ساعات ومحاولات شرطت أني ارضى بشرط انه يحلق شعره ويلبس ثياب مايكشخ
قال وانتي ترجعين تاكلين الفيتامينات والاكل عشان عندي فقر دم قلت لا وزعل وحلف اني اكل وانا حالفه ما اكل وقال قسم ان كلمت بكرا وانتي ما اكلتي لا تشوفين شي ماشفتيه
قالي بحلق شعري وترضين وانا هونت مابي ارضى لو ايش لان صديقتي تحلف ان محد يروح للمغرب الا للخيانه :06:
وش الحل ماني متقبله ابد سفرته وماني قادره انفصل عنه لأني احبه ..
وش اسوي ياناس ومين الغلطان ؟
هو مارضى اسجل بمنتدى واعتبرها خيانه وانا يبيني ارضى بسفره ويحلف انه ماخان
ناويه اروح بكرا اقص شعري بوي واخليه ينقهر لانه يحب الشعر الطويل
ودي ارد كرامتي المجروحه
ساعدوني ربي يسعدكم لان مالي خوات اشكي لهم وامي ماقدر اقولها اخاف تعلم ابوي ويخلوني انفصل عنه ..
هو بنظره الحين اني مكبره السالفه واني شكاكه واني انا الغلطانه واني حساسه والغيره اعمتني ..
هل صدق انا موسوسه وغلطانه والا من حقي اللي سويته ..
تراني بقوه اهاوشه
واسكر بوجهه
واقوله ياخاين ياحقير يابو الحريم :o
الموضوع مغلق