التفكيــر بيذبحنــي ..

شوفي حبيبتي انا فسرت وش تقصدين انتي (شرهااانه ) على امك ليش انها تركتك وزي كذا بس والله ياحياتي بتتندمين على الاوقات الي ضيعتيها بدون ماتبرين بأمك والله أول حنا كنا انا وخواتي كل وحدة مع بزرانها كل خميس ببيت أمي من الظهر إلى وحدة بالليل والداخل والطالع مايخلصون وعيال خواتي مالين البيت وكل شوي البقالة جايه ورايحه وبعض الأحيان ننام كلنا عندها ونقوم نفطر مع بعض ونهببل وقلوبنا على بعض والحين امي توفت وتعالي شوفينا لاداخل ولاطالع وصرنا مانحب بيت امي لانها تذكرنا بها وكل شوي خانقتني العبرة واصيح والبت ظلماااا اول كان مستحيل يتفوت خميس بدون ماأشوف خواتي والحين يمر الشهر ماأشوفهم وخواتي ضايقة صدورهم اول كنا بعز والحين الله يخلف علينا ,, والله اني ندمانه على الايام الي ضاعت ومابريت فيها امي .استغلي عمرك وبري بأمك وترى الدنيا ماتستاهل بكرا الدنيا تدور عليك كلها كم سنه وانتي متزوجه لاتفوتين احلى أيام عمرك ابدئي حياتك من جديد تخيلي انها صفحة وانطويت بحلوها ومرها والي فات مات واذا ابليس بدا يوسوس لك ويذكرك بالماضي استعيذي منه واشغلي نفسك بأي شي افنحي بالنت مقاطع عن بر الوالدين وان شاء الله رمضان داخل استغليه بالدعاء لك ولأمك لاتفوتين عليك رمضان خليه هالسنه رمضان غييير سوي لك خطه انك تختمين هالسنه 5 ختمات وختمة انوي انها لأمك ويصير كأن امك الي قاريتهاواذا ختمتي ارسلي لها رساله قولي لها والله ياأمي توني خاتمة المصحف وابشرك ان نويتها لك هذا اعظم شي تقدمينه لأمك وياحبيبتي أكثري من الإستغفاااار استغفري باليوم اقل شي 1000 مرة خلي معك الساعة الاكترونيه الي تحسبين بها عدد الاستغفار .. انصحك بكتاب جدا راائع وسهل وملون ويفتح النفس ضروري تقرينه اسمه ( افتح النافذة ثمة ضوء ) لخالد المنيف صدق يعيد لك حياتك من جديد .. بإذن الله اني ماني ناسيتك من دعائي في رمضان الله يرزقك بر أمك ويشرح لك صدرك وييسر لك أمرك لاتحزنين ولايضيق صدرك كلنا نمر بظروف اشد منك لكن مااحد يعلم بمصيبة اخوانه فيحس انه هو الوحيد الي مصاب .. فكري بكلامي زين والله يفتح علييك

يابنتي ::::
لمن تضعين بروالديك وحبهم والرحمه بهم نصب عينيك ولما يترتب عليه من الاجر الدنيوي قبل الاخروي تمضينا في حبها وفقني الله واياك وجميع المسلمين لبر والدينا

قلبي ماراح اقول انك غلطانه او ظلمتي امك
معك حق انه كان موقف صعب وانتي تنتظرينها تقولك اجلسي عندي او انها ماتبيك تكلمينها كل شوي
لكن انتي ماتعرفين تفاصيل موضوعهم واكيد كان عندها عذر والرسول صلى الله عليه وسلم وصى ان نوجد لاخينا المسلم سبعين عذر فما بالك بامك
يابنتي مافيه ام ترخص ببنتها الا مجبورة
ننتظر تقولين لنا تفاصيل زيارتك لها وعتابها وتصفين قلبك عليها

لو سمحتي الخط مرررررررررررررره متعب ما قدرت اكمل قصتك يا ليت تكتبين بخط اوضح وبلاش تكرير الحروف احسه متعب للعين