أخت زوجي جاها عريس ووووووووو تعالوا شوفوا شصار

قاعده لوحدي ومن الطفش ماغير أسولف مع الجدران قلت بجي أسولف لكم سولافه صارت أمس مجرد فضفضه

أمس كلمتني عمتي أم زوجي وقالت بيجينا اليوم خطاب ومحد يساعدني كل البنات مسافرات تعالي قلت طيب

ولبست وكشت ورحت قلت لعمتي مابدخل أنا خليهم يشوفون فلانه لوحدها الي هي أخت زوجي قالت عمتي لا



ادخلي قهويهم وكذا ونا بجلس أسولف معهم سئلتها منهم قالت مانعرفهم بس سمعوا فينا وبيجون يشوفونها ويتعرفون المهم اذن المغرب وجو واستقبلتهم عند الدرج خخخخخخخخخخ شفاحه أبعرف منهم وضيفتهم

وحطيت العصير وجلست شوي قالت لي ام المعرس باقي لك سنه وتتخرجين قلت انا لا انا توي اول جامعه قالت مو انتي العروس :o أنا تقلب وجهي أنحرجت فزعت عمتي قالت لا ذي زوجة ولدي قالت وين عروسكم ورحت ناديتها ودخلنا انا وهي سوا وفجئه نطت أم المعرس قالت ماعندها أخوات:16: قالت عمتي مانزوج الصغيره قبل الكبيره وذي اكبرهم وجبت الشاهي وأنا اصب لهم قالت لي أنتي ماعندك خوات قدام عمتي وبنتها

أنا أنحرجت وقلت حتى لو عندي خوات ترا مايساون فلانه اقصد أخت زوجي ونا أصلا عندي أخت وحده نتفه بس ا

أنحرجت للبنت وسولفوا وقامت أخت زوجي من المجلس قالت اخت العريس هي حلوه بس تعرفين الشباب

يتشرطون قلت اذا له فيها نصيب بياخذه واذا ماله الله يستر عليكم وفرصه عرفناكم وطلعوا لمن طلعوا أخوات

الصغار الباقيات مو صغار بالجامعه بس أصغر من العروس الي دخلت عالناس قالوا لامهم أنتي غلطانه ليش تخلين

فلانه تدخل معها ألي هي أنا قعدو يفرقون بينهم أكيد عشان كذا ماعجبتهم أختنا أنا من الاحراج سكت وأنحرجت


وحكيت زوجي بسالفه قال صح لو مادخلتي معها كان أمكن تعجبهم:06: طيب أمها طلبتني ماكنت أبي أدخل

وبس هذي السولافه شي بالخاطر وطلعته فضفضه لاغير وياكره المواقف المحرجه