خانني و جرحني و يحب غيري و يناديني بإسمها بالغلط احيان ..والحل لقيته بالبوصله الشخصيه

السلام عليكم

كيفكم حلوات ..؟؟

موضوعي عن البوصله الشخصيه .. واغلبنا راح و قرأ ايش هي البوصله الشخصيه

واغلبنا سمع عن البوصله وكثير مدحوها انها تعرف نمط زوجك او اخوك او ابوك

...>> انا وحده من هالبنات اللي راحت ودورت وسألت و حاولت تفهم شخصية زوجها

كان بيني وبينه مشاكل .. وكنت ابي اعالجها وبنفس الوقت القى اسلوب ينفع اتعامل فيه معه

ولقيت منتدى .. وسجلت فيه .. وحليت الأسئله وعرفت نمط زوجي

وبديت ادخل المواضيع اللي اتخصه

ولقيت اشياء تنطبق عليه صح ..؟؟

بس وربي وربي وربي مانفعني بأي شي

غير خيانته لي وانا توي عروس 3 شهور

لا وربي ... المشكله اللي صاااارت لي مو سهله ومصيبه محد يتحملها

بس ونعم بالله .. كل شي بإذن الله راح يتسهل .. وان شاء الله ربي يصبرني

معليش طلعت عن الموضوع

بالنسبه للبوصله .. انا فكرت فيها

حسيت في شي بالموضوع غلط غلط غلط

البوصله ..؟؟ اسئله اتجاوبي عليها .. تعرفي نمط زوجك .. وتتبعي اسلوب معين معاه

طيب وبعدين ..؟؟

في اسئله ما سألناها نفسنا ..؟؟

معقوله من عشر اسئله اجاوب عليها يعرفون الاسلوب المناسب مع زوجي

تعرفون ايش جا ببالي

الأبراج >> هذي الابراج الفلكيه حقت الثور والعذراء والعقرب وكل واحد يعرف مدري ايش عن نفسه

حسيت في تشابه بينهم

الابراج .. علم بالغيب

البوصله كمان علم بالغيب<< وش درا ابوهم عن شخصية خلق الله
تعرفون قارئ الفنجان .. هو يقرأ ويقعد يخمن انت كذا كذا كذا .. من بين عشره اشياء يقولها لك
يطلع واحد فيهم صح .. نفس طريقة الأبراج وكمان نفس طريقة البوصله((يقترحون عليك اكثر من اسلوب الين واحد فيهم ينفع معه)) .. وحنا نصدق

البوصله نفس الطريقه بس بشكل جديد
تدرون حنا ليش صدقنا البوصله واهتمينا بهالموضوع
لأننا نبي حل لمشاكلنا .. وندور هالحل بكل مكان ..
والله يابنات انا حافظه موضوع البوصله عن ظهر قلب
في اشياء معينه فقط تطابقت مع زوجي وحاولت معه
اسلوب واحد نفع معه و الباقي كله فشل
واروح وادور اساليب ثانيه في الموضوع وهكذا ألين صار حل مشاكلي في البوصله

وأتواصلت مع وحده في هذاك المنتدى عن طريق الرسايل الخاصه .. واتقولي وتنصحني
وبعد فترررره طويله اكتشفت شي صراحه ما انتبهت له ابد
ان هالبنت شيعيه .. وانا متأكده بنسبة 100%
طيب في بنات ينزلو بذاك المنتدى مواضيع عن البوصله من مجهودهم الخاص طيب وش درانا عنهم.. وش فهمهم هم عن هالمواضيع

وهنا مخي بدأ يستوعب .. اصلا اللي كاتبين الموضوع محنا داريين عن هوا دارهم

وحنا ماشيين وراهم وياغافل لك الله

يعني الموضوع مشتبه فيه

لا تجي وحده واتقول دكاتره نفسيين مسويين هالموضوع

لانهم حتى لو صدق دكاتره نفسيين ... اقص يديني الثنتين اذا هالدكاتره سنيين

أبيكم يابنات تتركو خرابيط البوصله قسم بالله كذب x كذب
وإذا مانفع الاسلوب معه وتجي وحده تكتب رد انها نفذت بالضبط الاسلوب اللي قالو عليه بس مانفع معها.. يقولون لك التربيه لها دور في شخصيته ومأثره عليه << تصريفه

انا مانفع معاه الا شي واحد بس وربي ... ((اذا عصب لا تعصبي وتصرخي وخليه يهدا وبعدين عاتبيه)) اتوقع كل الرجال لازم يكون معهم هالاسلوب .. ماينفع الصراخ عليهم .. انا لأني على طول اتنرفز وأمي الله يسامحها ما وجهتني .. بس لما قريت بالمنتدى اذا عصب سوي كذا وكذا .. حاولت و مسكت اعصابي ونفع معه وفرحت ورحت ادور حل لمشكلتي الثانيه معه وهكذا إلين أدمنت الموقع

يابنات فكرو فيها بالعقل ..

وين راح يكون حل مشاكلنا بـ سهام الليل أو بـ البوصله اللي ممكن اتكون فكرة هالموضوع شيعي او كاهن يدعي علم الغيب .. الكفره يبغو يضلونا عن دينا ويدخلو لنا عن طريق هالمواضيع الحساسه ..

ما أقول الا الله يكفينا شر الفتنه
اللي مجربه هالموضوع تجي اتقول لنا اذا هي استفادت منه وانه حل مشاكلها وحياتها سعيده مع زوجها و كل اللي قالو عليه بالموضوع صدق مو كذب و و و
أو العكس..؟؟

بنات تكفون ارفعو الموضوع بدعوه حلوه
وابيكم تدعون لزوجي ان ربي يشفيه




118 تعليق 14,074 مشاهدة

شاركي في النقاش

سجلي الدخول لإضافة تعليق.

التعليقات

115
  1. @mhtrm

    ماشاءالله عييين العقل انا من الأساس ماأقتنعت بهالأشياء اسمع فيها بس مافكرت اقراء عنها او اتعلق فيها ‏
    مشكوره الله يجزاك الجنة ووالديك
  2. @mhtrm

    ماشاءالله عييين العقل انا من الأساس ماأقتنعت بهالأشياء اسمع فيها بس مافكرت اقراء عنها او اتعلق فيها ‏
    مشكوره الله يجزاك الجنة ووالديك

تابعي تجارب أخرى من هذا القسم.