ماجهزت شي للولادة تتوقعون يمديني ولادتي اخر ذو القعدة؟؟؟

هلا بنات
كل عام وانتم بخير وينعاد رمضان عليكم

انا من زمان عن الحمل فاصلا ناسية كل التجهيزات
طبعا الاسبوع الجاي بدخل السابع ان شالله
وحتى الان ماشريت ولا شي
سواء للمولود او لي انا

رمضان ماحب اطلع اسواق ابدا اغراض العيد لعيالي مجهزتها من بدري

واصلا المشكلة الكبرى انه ماعندي ميزانية للمقاضي حقة الولادة

واقول ان شالله ربي يرزقني على العيد وزوجي مواعدني انه بيعطيني من راتب شوال

مرة متضايقة اقدر اجهز للولادة وانا بالثامن مب تعب علي واصلا بيمديني

اليوم طلعت السوق وتفرجت بس ماقدر اشتري شي مامعاي فلوس


وانا ببدا من الصفر ماعندي ولا شي


نفسيتي زفت مدري عادي ولا تاخرت اني ماجهزت

26 تعليق 8,602 مشاهدة

شاركي في النقاش

سجلي الدخول لإضافة تعليق.

التعليقات

26
  1. لا توك وبعدين النونو لاتكثرين له لانه يكبر ويتغير جسمه بسرعه

    الله يتمم لك على خير ويتمم لي بعد
  2. كل عام وانتي بخير والله يتمم لك حملك على خير
    ويفرح قلبك بشوفت مولودك
    ياحبيبتي لاتضايقين نفسك اهم شي العافيه وكل شي ان شاءالله لاحقه عليه وباقي معاك وقت طوووووووووويل ان شاءالله بتخلصين ا\ا توفرت الفلوس لان كل شي جاهز
  3. @anaoaayaly

    ابيمديس يا بنت الحلال بعد العيد ان شاء الله توس بتسيريين بالثامن انا دائما اقضي لولاداتي من الثامن والله يهون عليس ويقومس بالسلامه
  4. لاياقلبي يمديك فيه وقت واصلن الشهر الثامن المشي زين لك ولاتضايقين نفسك واهم شي مفرش النفاس يعني خليه او شي بعدين ملابسك وملابس النونو وان شاء الله تقومي بخير وسلامه يااااااارب

    بالله عليكي ادعيلي ان الله يثبت اجنتي كل ماقمتي تذكريني
  5. @alaayon_alnaaash_4

    عادي يالغلا انا دحين في السابع وولادتي
    حتكون إن شاء الله نص القعده والين دحين
    ماشتريت ولاشي بإذن الله بعد العيد راح
    أبدا اتقضى
    لاتشيلين هم إن شاء الله بالعكس انا اشوف في الثامن
    احسن لانو راح نمشي كثير
    ومبارك عليك الشهر

تابعي تجارب أخرى من هذا القسم.