السلام عليكم خواتي
شوفي يالغاليه..عشان مايكون همك(وش بطبخ اليوم) ومايضيع وقتك بالبحث بالنت وهالوصفه زينه ووهذي ناقصه مقاديرها ..لقيت الحل
إنك تسوين جدول بعدد الوجبات اليوميه وعند كل يوم تكتبين وصفاته أو إذا ماتبين تتقيدين فقط إكتبي أسماء الوصفات لتكون مرجع لك وتذكرك وتكونين يا أما كاتبتها بدفتر خاص وتخلينه قريب عندك أو حافظتها بالمفضله.وتشوفين هالجدول بالليل عشان تشوفين إيش المقادير الناقصه وتجهزينها إلا إذا عندك أحد بيجيبها الضهر..المهم
أنا سويت جدول من ثلاث خانات
القسم الاول(صنف الحلى)
والقسم الثاني(صنف الموالح)
والقسم الثالث(وجبة السحور)
لان نظامنا صنفين بالفطور+الشوربه...ووجبة سحور...
والحمد لله على النعمه
..والله يتقبل منا يارب
وإن شاء الله تعجبكم الفكره والسموحه كانها قديمه وإلا مكرره...
:)
شاركي في النقاش
سجلي الدخول لإضافة تعليق.
التعليقات
31مواضيع مشابهة
تابعي تجارب أخرى من هذا القسم.