يوم جوني الناس من كل الجهات
=قايلين اصبر..مقدر لا تصيح
البقية في حياتك والوفاة
=امر ربي والمصايب يا جريح
ما ترد دموع عينك شئ فات
=ادع ربك كان تغليها صحيح
امرضوني الناس من كثر العزاة
=لين خلوني على فراشي طريح
قبلها بشهور ما ذقت الهناة
=من مرضها اسهر بليلي واصيح
واصبح الماضي بعيني ذكريات
=اتخيلها ودمعاتي تسيح
يوم شالوها الفجر بعد الصلاة
=اظلمت دنياي والعالم تبيح
ما قوى جسمي وقوفي والسواة
=كل ما اقف ينحني جسمي واطيح
متشائم يا عرب من ذا الحياة
=حطوا امي في القبر كيف استريح
يرحمك ربٍ عطاك احلا الصفات
=كل صفات الامهات اللي تريح
يغفر ذنوبك عسى يوم النجاة
=ومن سوى الله يغفر الذنب ويبيح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الله يرحم امك..وأمي وأبوي ويغفر لهم ويجعل مثواهم الفردوس الأعلى ياأرحم الراحمين.
مر على وفـــــــــاة أمي الغالية شهور كيف يمر العيد بدونك يايمه....الله يرحمك ويجمعني فيك أنتي وأبوي في الجنه *****الله..
لبيه يآ أمي وكلي تحت رجليكـ
لبيه آنـآ وروحـي وضحكاتيـ ..
افديك يا امي بروحي انا افديكـ
وآقدمه عمري يافرحة حياتيـ ..
آآآآآآآآآآآآآه يابنات وش اقول وش اخلي..جرحي الي عمره مانام صحى..وينك يمه عني" / قديم
متابعة النقاش، صفحة 7