تجمع الموقنات برحمة الله(خبرات متبادلة حول مراكز العقم في مصر)الجزء 22

السلام عليكم

ازيكم يا احلا اخوات

رمضان كريم علينا كلنا

ويارب يتقبل منا جميعا

ومبروووك للحوامل الجدد وربنا يطمنا عليكي يا بندقه
ويطمنا علي بقيت البنات يارب في هذا الشهر الفضيل

اولا والله والله والله وحشتونييي جدا جدا فوق متتخيله
وكل يوم بتابعكو ونفسي اكلمكو بس بكون متردده
لكزا سبب هقولكو عليه

ثانيا انا الحمدلله حامل بس انا حكايتي حكايه
انا ههحكلكو ايه اللي حصل معايا وليه مكنتش بدخل

بس ياريت قبل ما اكتب وتقرو كلامي ياريت كل واحده تحط نفسها مكاني


اول محصل الحمل اعدت التلات شهور الاولانين في رعب وقلق ما يعلم بيه الا ربنا وحده
لانكو عارفين تاريخي في توقف نبض الجنين والاجهاض 4 مرات -ربنا مايعدها عليا ولا علي اي حد ابدا ابدا يارب-

فاتفقت انا وزوجي مش هنقول لجنس حد الا لما ادخل الشهر ال4 واكون مطمنه اني عديت فترة الرعب بتاعتي
المهم قلت لجوزيبعد مدخلت ال4 انا هقول بئه لصحابي في المنتدي قالي قولي

دخلت ووالله كنت عامله حسابي هقول بس لاقيتكم أفشين علي مصريه رقيقه انها طلعت حامل وخبت
ياربي طب انا لو قلت هيدايقو اني خبيت وانا اقسم بالله مخبيت لا عشان حسد ولا خوف من العين ولا كده

السبب اني زهقت من كتر ما كنت بفرح الحواليا بخبر حملي وافرح انا كمان
وبعدين اتصدم وأصدم اللي حواليا
ومش بقدر افوق من الصدمه الا بعد فتره محترمه بكون نفسيا وجسديا تعبت فيها وتعبت اللي حواليا

وكنت كل ما اشوف كلامي ليكو لما عرفت اني حامل في جنوب افريقيا فاكرين ؟؟
وقد ايه فرحتولي وبعدين اتصدم انا وانتو لما حصل اللي حصل واأقرا كلامي وانا بقول انا بموت ...انا مش قادره اصدق... انا تعبانه

ياااااه كل مقرا كلامي ده بتخنق واعيط
بجد محبتشي ده يتكرر قلت لما اطمن عشان تبقي بجد الفرحه ليها طعم بجد
مش فرحه مؤقته

المهم لما لاقيتكو زعلانين من مصريه رقيقه قلت استنا شويه لحد ما الامور تهدي
وفعلا قلت لبعض البنات اللي ليا علاقه بيهم برة المنتدي وعارفه نمرتهم

استنيت ولاقيتكو برده اعدتو تشتكو من اللي بتخبي و وووو
قلت يا ربي استنا تاني لاني حسيت لو قلت في الوقت ده هتفهموني غلط وتفتكرو اني قلت عشان بس لاقيتكو مدايقين من اللي بتخبي وخفت منكو وكده وو

دخلت تاني علي اساس اني اتكلم
لاقيت عزيزة المنال
قالتلكو انها حامل في توأم وفي ناس كتير زعلت وناس عذرتها

قلت يا دي النيله اعمل ايه بئه
قلت استني تاني

شفتو بئه انتو صععبتو عليا الموضوع ازاي

يارب يارب تكونو فرحتو بخبر حملي ومتكونوش زعلتو اني اتاخرت وتعذروني
مع اني والله من بعد مخلصت شهور الاولي بتاعت النبض ده
كان نفسي اقولكو اوي

انا عايزة احكيلكو عن حكايه حملي من الاول خالص عشان البنات اللي مشكلتها زيي يستفادو والله
زي زينب ابراهيم
وتقريبا واحده اسمها دينا مش عارفه هي لسه متواجده ولالا

ورمضان كريم علينا كلنا
بحبكو اوي[/QU


يا حبيبة قلبى الف مليون مبروك يا رب يتملك حملك على خير

طيب والله كان قلبى حاسس وكنت عمالة اقول لنفسى المرة اللى فاتت كنت انا ومتفائلة حوامل تقريبا مع بعض باليوم يارب تكون حامل معايا المرة دى كمان والحمد لله طلعتى حامل بسم الله ما شاء الله بس قليلى بقى فى الاسبوع الكام علشان اعرف معايا ولالا

متفائلة الف مبروووووووووووووووك وعقبالى انا وباقى البنات الموقنات برحمة الله

يلا احكيلنا حصل ايه علشان البنات يستفادوا