شاركي في النقاش

سجلي الدخول لإضافة تعليق.

التعليقات

93
  1. صاحبة الموضوع
    zouza
    ما شاء الله ربنا يخليكي يا دندونه وتسلم ايديكم يا احلي بنات .....والله لسه كنت باسأل علي طريقه البسبوسه دي بافتح لقيتها في وشي شكلها تحفه هاجربها ....
    كهـــــرمانــــــــــــه

    شوربةالبصل


    المقادير :
    3 بصلات كبار
    2 كوب مرق
    نصف كوب حليب
    للتقديم:
    خبز او توست محمص
    جبنة شيدر او موتزاريلا او برمزان
    نقطع البصل قطع صغيرة الي متوسطة و نشوحهم في معلقتين زبده علي نار هادئه حتي يدبل بس مش يتحرق و يفضل لونه اصفر علي ابيض كده
    نرش معلقتين دقيق علي البصل و نقلب جيدا
    ثم ناخد الخليط ونضربه في الخلاط مع اضافة اللبن الحليب(لبن عادي مش رايب) ونرجع الخليط مرة اخري علي نار هادئه مع اضافة رشة ملح وفلفل اسود نتركها دقائق هنلاقيها تخنت معانا شويه صغيرين مش زي شوربه الكريمه
    وعند التقديم نضيف التوست المحمص المقطع شرائح صغيرة مع رشة الجبن ويدخل الميكروييف ثوان فقط لتذوب الجبن
    بس للاسف اليوم ماكان عندي جبن بس برضو مذاقها شهي ومميز جدا
    وبالهنا والشفاء علي قلوبكم








    طبقات البطاطس باللحمة المفرومة والكريمة





    المقادير:
    بطاطس مقطعة شرايح
    رفيعة اتخن من سمك بطاطس الشيبسي بشوية

    بصل مفروم

    كم فص ثوم مفروم ناعم
    مرق
    كريمة الي هي ويبنج كريم تقريبا200 ملل او حسب كمية البطاطس

    لحمةمفرومة
    فلفل رومي وطماطم مقطعين صغير/بقدونس(مهم للطعم)
    مكعب ماجي/ معلقتين معجون طماطم



    اول شئ هنقطع البطاطس بالحجم دة ونملحها ونسيبها علي جنب
    وبعدين نجيب الطاسة نصفر فيهاالبصل ولما ياخد لون ذهبي مش غامق خالص نضيف الثوم دقيقتين كدة وبعدين ننزل بالفلفل الرومي تقليبة وبعدين ننزل باللحمة المفرومة ونسيبها تنزل مايتها وتتعصج ولو عندك لحمة مفرومة متعصجة ممكن تضفيها برضو بس بعد الفلفل الرومي مايكون دبل شوية ونضيف الطماطم بس يفضل نضيفها في الاخر خاااالص بعد اللحمة ماتستوي كويس
    وبعدين نرفعه من عالنار ونضيف البقدونس المقطع
    نكون جهزنا الشوربة المغلية (المبهرة بالقرفة الخشب وورق اللورا والحبهان) ونضيف عليها معلقتين معجون طماطم والكريمة ومكعب الماجي ونظبط حدقها
    نجيب بقي البايركس نرص فيه شرائح البطاطس وعليه خلطة اللحمة ونرص طبقة بطاطس كمان ونغطيها بالشوربة والكريمة وممكن تغطيها بورق فويل وفي الاخر بعد مالبطاطس تستوي تشليه عشان تعمل وش جميل ذهبي تقريبا بتاخد ساعة ونص بس انا مش بغطيها بس ناخد بالنا عشان متنشفش مش مفروض تبقي ناشفة بيبقي فيها شوية شوربة
    البطاطس بتبقي ناااااااعمة زي الزبدة بتذوب في الفم














  2. صاحبة الموضوع




    التواقـــــــــــــــــــه للخيــــــــــــــر
    الزلابية المظبوطة أوى التواقه للخير



    بصوا هنتفق من الأول
    مش مشكلة الشكل النهائى بس والله الطعم حلو جدا
    زى المحل بتاع البطاطس والزلابية
    اللى ليه فروع كتير
    مقرمشه من برة ومن جوة طريه (( مش عجين)) لأ طرية وتحفة
    المقادير ::
    كوب دقيق
    م ك نشا
    م ص سكر
    م ص بيكنج بودر(( وده مهم جدا وهايفرق فى العجين ))
    م ص مليانه خميرة
    ذرة ملح
    كوب ماء دافىء
    الطريقة ::
    نخلط كل المكونات مع بعض ونصب الماء شوية شوية عشان يكون سمكها حلو ونسيبها تخمر ساعة أو ساعة إلا ربع
    ودى بعد ما خمرت تقريبا ساعة إلا ربع
    وبعد كده نحمرها ونحطها فى الشربات
    أو ترش بسكر بودرة
    أو ترش بسكر بودرة المخلوط بالقرفة البودرة
    معلش الشكل مش مدور بس والله الطعم لازم تجربووووووووووووه
    الشربات ::
    2 كوب سكر
    1 كوب ماء
    2 م ص عسل أبيض
    كيس فانيليا
    ومفيش ليمون
    هنقلبهم على البارد ونسيبهم يغلوا على النار ويقعدوا تقريبا 10 : 15 دقيقة وبس
    وطبعا يبقى بارد والزلابيه سخنة
    ورمضاااااااااااااااان كريم ...... بحبكوا



  3. صاحبة الموضوع
    don
    التواقـــــــــــــــــــه للخيــــــــــــــر الزلابية المظبوطة أوى التواقه للخير بصوا هنتفق من الأول مش مشكلة الشكل النهائى بس والله الطعم حلو جدا زى المحل بتاع البطاطس والزلابية اللى ليه فروع كتير مقرمشه من برة ومن جوة طريه (( …
    zouza


    الشوربه الليبي


    لحمه مكعبات صغيره (حوالي نص كوب
    1 طماطم مقطعه مكعبات صغيره
    بصله صغيره مبشوره
    كزبره خضرا متقطعه صغير (نص كوب)
    معلقه كبيره لسان عصفور محمر
    مكعب ماجي
    الطريقه :
    نقلب البصله مع السمنه لغايه ما تصفروننزل عليها اللحمه ونقلبها شويه
    ونحط عليها ميه تستوي
    قرب ماتيجي تستوي ننزل الطماطم ولسان العصفور ونسيبهم شويه ونضيف التوابل والملح والفلفل ومكعب مرقه
    وفي الآخر الكزبره الخضرا تاخد غلوتين وبالهنا والشفا


    2

    لفائف الجلاش المقرمشه بالجبنه او اللحمه المفرومه

    نجيب الجلاش ونقطعه بالطول وبعدين نقطعه مربعات
    ناخد كل تلات راقات مربعه ونحشيها عصاج اوجبنه حسب الرغبه لغايه مانخلص المقدار
    نرصها في صينيه مدهونه بالذبده وندهن الوش زبده
    وندخلها الفرن لغايه ما تحمر جميله جدا ومقرمشه وتتاكل مع سلطه الطحينه بالزبادي

    3

    سلطه الطحينه بالزبادي

    كوب زبادي كبير
    معلقتين طحينه
    توم وكمون وليمون وشطه وملح
    نحط كوب الزبادي في بوله ونقلب معاه الملح والشطه والكمون والتوم والليمون
    ونحط الطحينه ونقلب كويس وعلي الوش زيت زيتون ورشه كمون وشطه

    4


    الطبق الرئيسيشعريه وفراخ محمره

    نسلق الفراخ ونتبلها مع الشوربه
    نقلب الشعريه في السمن لغايه ما تتحمر ونضيف عليها شوربه الفراخ ونظبط ملحها
    ونسيبها تغلي غلوتين وبعدين تستوي علي نار هاديه
    هيه بتستوي بسرعه عشان كده مانحطش عليها شوربه كتير يادوب بس نغطيها بالشوربه
    نغرفها في سرفيس ونحمر اللوز ونجمل بيه الوش ونرص الفراخ المحمره علي جوانب السرفيس
    ونرش عليها شويه ملح وفلفل

    5

    الحلو

    صينيه البقلاوه بعين الجمل

    نجهز الشربات كوبايه ونص ميه علي كوبايه ونص سكر ونسيبه علي النار وقبل ما نشيله نحط نقطتين ليمون
    نجيب صينيه مستطيله وندهنها سمنه ونحط راقتين جلاش وندهن لغايه ما نوصل لنص مقدار الجلاش
    نكون مجهزين عين الجمل المجروش ونخلط معاه قرفه وسكر ونحطهم فوق الجلاش وبعدين نكمل فردالجلاش بنفس الطريقه
    راقتين وندهن وندهن في الآخر وش الصينيه كويس ونقطعها مربعات صغيره تبقي علي قد قطمتين وندخلها الفرن
    اول ماتطلع من الفرن نحط عليهاالشربات البارد
    وبالهنا والشفا
  4. @aatr_alshmoaa

    تحفه ماشاء الله عليكم يا بنات تسلم ايديكم
    و عقبال كل سنه
    ربنا يكرمك يا ابله دون بجد هيفيدني اوي الملف

تابعي تجارب أخرى من هذا القسم.