احب اشكر كل وحده دخلت وعطتني رايها
وانا استخرت كثيررررررررررررررر وماحسيت اتجاهه باي راحه
انا صح مطلقه بس اقعد مطلقه ولا اعيش مع انسان لايعتمد عليه
وفوق ذا بخل
قبل فتره قلت يابنت اخزي الشيطان وعطيه فرصه دام يحبني على قوله
كلمني وقال ماغيرتي جوالك قلت انا بلاك بيري قال ليه ماشريتي اي فون احلى قت اوكي جيب لي واحد
قال ابشري بواحد بكره انا فرحت وقلت يارب ياكريم شكلي فاهمته غلط
انتظرت اليوم الثاني اتصال او رساله كل شوي اناظر جوالي اخاف يكون صامت
قمت ارسلت له شكرا على الاي فون وسحب علي
قمت ارسلت مره ثانيه ترا امزح مابي منك شي
بعدها دق وقال وش فيك انا كنت مشغول قلت الرجال عند كلمته وبس حبيت اعرفك انك بياع كلام وبس
قال انا قصدي اجيبه لك عالرواتب (الله اكبر )
يكذب بشكل مو طبيعي انا عارفه ان الظروف اللي مر فيها هي اللي خلته كذا بس انا ابي اعيش حياتي مرتاحه
يكفيني اللي شفته بحياتي
انا اللي اعرفه الخاطب يطلع احلى ماعنده ايام الخطوبه
والله مكالماته ترفع الضغط كل ماجاء يتكلم يقول نسيت وش اقول لك
ومره شاف بيدي ساعه قال بكم ذي قلت ب3000 قال اعوذ بالله انا ساعتي ب80 وهي في الحقيقه ب15 وماني راعي ساعات وحركات قلت مع نفسك انا مدلعه نفسي الحمد لله وانت حر
وكل شوي يقول ترا الف بنت تتمناني قلت رح الله يبارك لك وتلاقي احسن مني
وبناته لهم سنه من راحت امهم قاعدين لحالهم معاه ولايختلطون باحد اهله مايبونهم
ولااخوته شفتهم وربي ينرحمون نفسيتهم مرره تعبانه وفيهم ضعف مو طبيعي ولاينامون الا الفجر عشان يبقون طول النهار نايمين لين يجي من الدوام
الله يرحم حالهم ويكتب لي مافيه الخيررررررررر دعواتكم ياحبايبي
خطيبي مريض نفسيآآآآآآ
متابعة النقاش، صفحة 12