شاركي في النقاش

سجلي الدخول لإضافة تعليق.

التعليقات

865
  1. @bnt_fhd

    لولو كاتي
    الله عليج يا مرت راعي الغنم سوالفج مع ابو الشباب ما تنمل وعلى طاري الغنم ذكرتيني بالذي مضى عمي عنده غنمات مقدسات عنده مغير مقابلهن وبالربيع نخيم عنده اذكر اني ماني بكبيره بذاك الوقت يمكن عمري ثمن او تسع سنين وكان فيهن جرب وقاعد يداويهن وا…
    الله يغربل بليستس فطست من الضحك

    قولي امين يعل التفاح ينقطع عن الديرة
  2. لولو كاتي
    الله عليج يا مرت راعي الغنم سوالفج مع ابو الشباب ما تنمل وعلى طاري الغنم ذكرتيني بالذي مضى عمي عنده غنمات مقدسات عنده مغير مقابلهن وبالربيع نخيم عنده اذكر اني ماني بكبيره بذاك الوقت يمكن عمري ثمن او تسع سنين وكان فيهن جرب وقاعد يداويهن وا…
    الله يسعدك دنيا واخره لانك جعلتيني اضحك من كل قلبي

    الله يخلي لك زوجك واولادك



    انتظر القصه الجاي على احر من الجمر
  3. @mrt_raaay_ghnm

    صاحبة الموضوع
    لولو كاتي
    الله عليج يا مرت راعي الغنم سوالفج مع ابو الشباب ما تنمل وعلى طاري الغنم ذكرتيني بالذي مضى عمي عنده غنمات مقدسات عنده مغير مقابلهن وبالربيع نخيم عنده اذكر اني ماني بكبيره بذاك الوقت يمكن عمري ثمن او تسع سنين وكان فيهن جرب وقاعد يداويهن وا…
    بسم الله الرحمن الرحيم ****


    عزيزاتي المتابعات لمسلسل (مذكرات مرت راعي غنم)

    >>>> في الحقيقه لقد جاءتني عروض كثيره من دور النشر في لبنان وسوريا والاردن للتعاقد معي في الحصول على حقوق النشر على مستوى العالم العربي في نشر مذكراتي.....بس اني قلت: حرام احرم محبي عالمنا من سويلفاتي...خخخخخخخخخخخ ( وحده واثقه) تراني امزح لتحلتونن الحين خارج المنتدى ..

    ***.لو يا ترى يصير هالشي صز هل يطيع راعي الغنم ؟؟؟؟؟ والله انا ما اظن انه يطيع (اناابخص)يخليني انشهر واستقل بذاتي عنه.. :D
    يبيني مثل هالغنم دايم تحت ابطه والا وش رايكم ؟؟؟ المهم انا الحين اقوم بمحاوله اصلاح وترميم فيه شي فاد,, وشي ما فاد ,,..ومن ضمن هالاشياء:: حاولت اعلمه الرومانسيه** لاني يوم اني بنت قبل اتزوج احب الرومانسيه جدا جدا.وما زلت. وفي احد الايام كنت انا وياه نتجاذب اطراف الحديث""
    وقلت ::
    يا ابو فلان تراك مقصرن بحقي**ماتطلعن ولاتمشين ولاتعشين برا :::
    قال: وين برا
    قلت: في مطعم
    قال: اعوذ بالله !!!!!!اعوذ بالله!!! استغفري استغفري.!!!!!
    قلت: وش انا قايله انا ملعنه (والتلعين عندنا شي)
    قال: اشد!!!!
    قلت:افا وش ذا الحاله زميلاتي يودونهم ازواجهم ويعشونهم برا يله عاد خل نجرب وشيضرك
    قال : انت مهبوله منتيب صاحيه والله لو انس تفيفيحه صغيره ام خمستعش سان اقول ذي جاهله واخذس على قد عقلس.
    .قلت :وتوديني؟؟؟
    قال ايه ...
    .قلت :يعني العجز يجدعن؟؟
    قال: لا عاد ما يجدعن,,, بس مايوخذ ن لها لاماكن,,
    قلت: اجل وين يوخذن,,
    قال: للبر,, للغنم ,, للمستشفى ,,
    قلت: شف انت شكلك تراوغ وتتهرب << لاكن انا بعزمك على العشا الليله
    ,,قال :لا الليله انا معزوم .
    قلت :ماشاء الله انت كل يوم تتعشا برا اليوم اجلس ابسويلك جلسه شاعريه ,
    ,قال : وش بتسوين؟؟؟
    قلت :مفاجاه!!!
    !قال خلاص خليها بكره **ويوم جاء اليوم الموعود ..وانا اقوم وانوم عيالي واسوي ذاك العشاء واكلمه بالتلفون ,يله وينك ؟؟
    قال" وش تبين ؟؟
    قلت: هه..يله تعال !
    !قال :يكثرس وش تبين؟؟(نسى الرجال)
    قلت اماي عازمتك اليوم على العشا!!!!
    قال:اووووووووه..نسيت,,,غديس تهونين .(.بكل برود)
    قلت:قسم بالله لو ماتجي انيصيرشي ماصار**
    *قال حلاص ..خلاص جاي جاي يله,
    <<<,واقوم واطفي الانوار واولع الشموع في كل مكان والله وعشر دقايق ولاوه جاي ويدخل ام فلان وش بوه الكهرب؟؟؟؟
    قلت: مابوه شي... ادخل..حياك..
    .قال :وراس مولعتن كل هالشمع وحده تكفي وشوله الاسراف
    قلت :انت ما تعرف الجو الشاعري هذي اسمها رومانسيه!!
    قال: يالله انتخلف اختلت المره!!
    قلت :انت وشفيك اقعد خل انتعشى ونسولف الضوء خافت يريح الاعصاب ويبرمج المشاعر!!!يله كل بس من هالاكل الزين وقل لي وش رايك ؟؟
    قال :والله انا ما احب هالخرابيط جيبيلي طويسة لبن ,,وولعي هاللنبات الله يخليس والله ان هالظلمه تتك القلب. :16:
    .واقوم واولع اللنبات واطفي الشموع واجيب له اكبر طاسه عندي واملاها لبن واجيبها له** :30:
    قلت: اقحن !!!!..ويطرقع الطاسه وهو يقول لي: كن ها اللبين حويمض ؟؟ :
    قلت: والله الحموضه في صدري**** :(
    والى لقاء قريب انشاء الله
  4. لولو كاتي
    الله عليج يا مرت راعي الغنم سوالفج مع ابو الشباب ما تنمل وعلى طاري الغنم ذكرتيني بالذي مضى عمي عنده غنمات مقدسات عنده مغير مقابلهن وبالربيع نخيم عنده اذكر اني ماني بكبيره بذاك الوقت يمكن عمري ثمن او تسع سنين وكان فيهن جرب وقاعد يداويهن وا…
    الله يسلم ايديك

    اسلوبك رائع ومشوق لدرجه اني تاركه زوجي تحت وقاعده متسمره قدام النت علشان اكمل القصه .

    ما بعرف شو احكي لك بس عن جد انت موهوبه وزي العسل.

تابعي تجارب أخرى من هذا القسم.