البنت صايعه وماتفتكر بحد

السلام عليكم
هذه اول مره اشارك في هالقسم وحبيت اشارك بهالموضوع الي يثير استغرابي
بنت من معارفنا عمرها 15 سنه والبنت مزيونه وجسمها حلو وباينه عليها الانوثه
المصيبه انها من عمرها 11 سنه ويمكن اقل تكلم شباب
اول مره تقول حبت وجيت انصحها وهاوشها مافي فايده وتمادت بانها قابلتة في الملاهي وقبلته
ويوم قالتلي انصدمت صدمه جامده وقلت لها كيف انتي تفكرين كذيه انتي توج ياهل المهم وبعد مانتهت علاقتها من الاول كلمت ثاني وثالث ورابع
وبعدين اهلها دروا فيها احبسوها فتره طويله وضربوها وبعدين رجعت ريمه لعادتها القديمه
والي قاهرني ان اهلها معطينها موبايل
واكتشفت بعدين انها تمادت في علاقاتها زياده وانا بصراحه احبها واجد واخاف عليها
هي تتمنى الزواج وتحسب الي تكلمهم بيجون وبياخذونها وانهم يحبونها حاولت افهمها ان هذا غش وخداع لكن مافي فايده لين هي ماتكتشف بنفسها وبعدين تقولي معاج حق ولكن اتأدب لا
فمازلت تكلم ويوم سألتها انتي كم شخص كلمتي لين الحين تعرفون شو قالت
اعتقد فوق السبعين
وهي تكلم شباب اعمارهم من 20 وطالع يعني 25 او 30 ومافوقققققققققق
قولولي شسوي وياها واللله اني اخاف عليها واعتبرها مثل اختي

10 تعليق 4,472 مشاهدة

شاركي في النقاش

سجلي الدخول لإضافة تعليق.

التعليقات

10
  1. هدي من روعك اختي رمايه
    شوفي انا بقولك شي الحرمان يسوي اشياء اكثر من الي فيه قريبتك في المشكله مو في نفسها المشكله في البيت
    طيب اوكي ضربتوها اخذتو مابيايلها وبعدين كذا تزيد تعاند
    انا متاكده ان المشكله في البيت والي حولها بس واذا انعدلو بتنعدل هي
    صديقتي امها عرفت انها تكلم وحد تعرف ايش سوت ما راحت علمت البيت وتعالو اضربوها لا جت عند بنتها وقالت لها الجوال عندك والتلفون والسواق متى ما تبغين تطلعين اطلعي ولا تشاورني ولكن فكري في نفسك قبل لا تفكرين في اي شي ثاني
    انتي من سرتي تكلمين تعتبرين نفسك كبيره اوكي انا بشيل يدي من كل شي حتى منك وانتي احسني التصرف
    واجزم لك ان صديقتي تمر بظروف قاسيه مع اهلها واهلها كل واحد في فلك يسبح
    ما ادري بس ما اقدر اقول اكثر من كذا وكنت اتمنى لو اكلم البنت هذي بنفسها امكن تقتنع يا ليت تاخذين حلول من جميع الاخوات وتطبيعين لها وتورينها
    قوليلها اذا تفكرين ان ماحد يحبك غير هذولي الاولد فان في احد يحبها ويخاف عليه
    والبنت في سن حرج تحتاج اهل قبل الصديقه
    وفي سنها هذا تفكر انها كبيره
    امكن يفيد معها
  2. @rmayh

    صاحبة الموضوع
    تدرين الي يشوفها ويقعد معاها يعطيها اكبر من سنها بكثير احس انها تفهم في كل شي بس مثل ماقلتي هي تحس بنفص في الحنان شوي وانا فهمتها كل الي ممكن الي يصير لها في هالطريق بس الظاهر ما اقنعتها
  3. لا حول ولا قوة الا بالله...اختي انصحج اتقربين منها وتقولين لها عن مضار اللي تسويه وان الله يمهل ولا يهمل واللي تسويه اليوم راح تشوفه بكره في زوجها وبناتها وان الناس ماترحم وراح يتكلمون عنها لين اخريوم في حياتها ولاتقول ان محد يدري ترى
    الدوحه صغيره وكلن عارف الثاني واهم شي الخوف من رب العالمين
    اللي يشوفها في كل وقت ... وعلى فكره هي فيها نقص وتدور حد
    يهتم فيها والمفروض الاهل يوفرون لها الاهتمام
  4. اختي اكيد بتكون اكبر من سنها لانها معايشه الشباب ذولي وهم يعلمونها بشياء مو كويسه
    والله اني خايفه عليها تقع في مصيبه ولا احد يلعب بشرفها لان سكت الشباب صعبه وكلها شوك
    الله يهديها يا رب
  5. @almbdaah

    السلام عليكم
    اختي حاولي تشغلين البنت في امور اهي تحبها وبعدين تخوفينها من الله وان الموت ما ينتضر احد لمين يكبر وعلميها ان السعاده تجي بطاعت الله مهب بالتلفون ومشكوره واطلب من الله ان يعينك

تابعي تجارب أخرى من هذا القسم.