ملـــــــــــــــف الفــــول والسحــــــور
http://forum.hawaaworld.com/showthread.php?t=2538251
()ملفنــــا الرمضـــانى المشتـــرك ()كل عام وانتم بخير *
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
93don فطيرة البيسترى بالتفاح تسلم ايديكم المقادير مغلف عجينة باف بيسترى مجمد 8 قطع مربعات او قطعة عجينة جاهزة ان امكن نصف برطمان صغير مربى المشمش شرائح رفيعه من التفاح المقشر بيضة و عليها فانيا للتلميع 3 ملاعق سكر 3 ملاعق زبدة مزابه على النار …
- ما شاء الله ولا قوه الا بالله ايه الجمال ده تسلم الايادى يا بنات بجد
- وصفه مجرباها وبجد تحفه تحفه تحفه من دوره الفصول الاربعه
سلطه البطاطس بالمايونيز
- حبتين من البطاطس .
- نصف كوب منالمايونيز .
- 5 ملاعق كريمة للطهي .
- ليمونة .
ملعقة من البقدونس المفروم.
- ملح وفلفل اسود .
الطريقة :
بنغسل البطاطس كويس من التراب وبعدين نغزها بالسكين فى كذا مكان
نسلقها بماء مع ملعقة ونصف كبيرة ملح حتى تنضج تماما .
بعد ما تستوى البطاطس نفتح عليها الميه البارده
نقشر البطاطس ونقطعها الى مربعات صغيرة ونضعها فيوعاء
نعصرالليمونة ونأخذ نصف مقدارعصيرها الناتج ونضعه فوق قطع البطاطس ونقلب وبعدين نتبل البطاطس بالملح والفلفل
نقلب البطاطس حتى تختلط هذهالمكونات فيها .
في وعاء نخلط الكريمه الطازجة والمايونيز والنصف المتبقي من عصير الليمونة ونحرك جيدا حتى تمتزج .
نضع المزيج فوق البطاطس المقطعة ونحرك جيدا .
نضع الطبق في الثلاجه قبل التقديم بحوالي الثلاث ساعات وقبل التقديم نضع البقدونس المفروم ونحركه جيداوبالهنا والشفا sadnightbird23 ما شاء الله ولا قوه الا بالله ايه الجمال ده تسلم الايادى يا بنات بجد
كفتة حسن باشا كهرمانه
المقادير:
لحمة مفرومة حسب الكمية - بطاطس مسلوقة ومبهرة - بصل مفروم وبقدونس
قليل من الحليب السائل او اللبن وقطعة زبدة صغيرة
هنضيف البصل المفروم عاللحم المفروم مع البقدونس او الكسبرة المفرومين ونشكل اللحمة علي شكل طبق شوربة صغير زي كدة
وبعدين نككون سلقنا البطاطس وبهرناها وملحناها ونخففها بشوية لبن سائل وممكن اضافة قطعة زبدة
ونضيف بطاطس علي اللحمة ونحط عالوش قطعة زبدة الكمية حسب الرغبة
ونضيف صلصة طماطم او معجون طماطم بيكون لونه احلي بس ماكان عندي فاضفت عصير طماطم مصفي مع ملح وفلفل وممكن اضافة بصل جوانح
وندخلها الفرن حتي تنضج اللحم
وهنا بعد ماطلعت مالفرن
بالف هنا وشفا
المسخن: la rose
فرخة واحدة مسلوفة (بدون نزع الجلد عنها) ومتقطعة 4 وممتحمر وشها على شواية الفرن
4-5 بصلات كبار متقطعين شرايح او مكعبات صغيرة
كمية من السماق (حوالى 10 معالق كبار او اكتر)
زيت زيتون (حوالى كوب او اكتر المهم يغطى كمية البصل ) انضف شئ الفلسطينى ويليه الاردنى
كيس واحد خبز شيراك او خبز الصاج او خبز طابون (المتوفر)
ده كيس الشيراك الجاهز
مكسرات مقلية (لوز شرايح , سودانى, صنوبر)حسب الموجود
الطريقة:
فى حلة نحط كمية زيت الزيتون كلها واول ما يسخن نحط البصل كله ونقلب تقليبتين ونغطيه (لازم يكون الزيت مغطى كمية البصل كلها لاننا عايزين البصل يستوى مش يتحمر) لما يطرى البصل شوية نحط السماق ونقلبه ونغطيه 5 دقايق وبعدين نكشفه وندوق لازم يكون البصل بقى طرى ومش بيقرش او فيه قرشة خفيفة جدا نطفى عليه ونسيبه على جنب
ده شكل البصل بعد ما استوى
فى صينية نحط رغيف واحد بس كاول طبقة طبقة خبز شيراك ونثنى الاطراف لداخل الصينية بحيث يكون العيش كله جوا الصينية ولو حسينا العيش ناشف شوية من الاطراف ممكن بالمعلقة نسقيه خفيف جدا من شوربة الفرخة على الاطراف بس (يعنى نرش معلقتين شوربة على الاطراف كلها مش اكتر من كده)
طبقة بصل وسماق بس نحاول ميطلعش معاهم زيت كتير عشان متبقاش الاكلة تقيلة ( كفاية الزيت اللى شاربه البصل) ورشة مكسرات
اول طبقة :
, ثم طبقة تانية من العيش وبنفس الطريقة وهكذا لغاية ما يخلص العيش ( الكيس هنا بيكون فيه 5 رغفة) ولو هتستعملو عيش طابون بيكون تخين شوية يشبه العيش الملدن كفاية 3 لان لما يشرب الخلطة هيبقى تقيل قوى وبيشبع جامد وتختارو صينية على مقاس العيش عشان ميبقاش صغير عليها والزيت يسيح ويملاها من تحت على الجوانب.
اخر طبقة عيش هنثنى اطرافها لجوه تحت الرغيف عشان المظهر العام زى ما بنعمل فى صينية الجلاش ونرش خلطة البصل والمكسرات ونحط الفرخة على الوش وعليها باقى الخلطة ومكسرات
وندخلها جوا الفرن على الشواية لمدة 3 دقايق بس عشان وش العيش يتحمر
ده الشكل النهائي وشوفو اطراف العيش متحمرة ازاى بتبقى مقرمشة وحلوة
بيتاكل معاها سلطة زبادى او سلطة خضار بس وفى ناس بتعمل جنبها شوربة فريك بس انا شايفة ان هتبقى كتير لان دى لوحدها بتشبع
ملحوظة: لاحظتو انى مجبتش سيرة الملح او اى توابل او بهارات اخرى
الاكلة دى مبيتحطلهاش ملح خالص غير فى سلق الفراخ بس لان السماق وزيت الزتون لوحدهم كفاية بيزبطو ملحها
حلاوة طعم الاكلة دى بيعتمد على نضافة نوع السماق وزيت الزيتون
قرع العسل بالارز والكراميلsama sehab
المكونات قرع عسل مقشر ومقطع مكعبات ثمرهصغيره
سكر بكميه مناسبه تترك لتقديرك - حفنة ارزمصري - زبيب - بندق ولوز
لبن - فانيليا - نشا - جوز هند - م زبده
الطريقه
في اناء نضع القرع والسكرلليوم التالي
تاني يوم يرفع على نار هاديه حتى يطرد ماؤه
نضيف الارزحتى ينضج ويتشرب الماء
نضيف قليل من اللبن مضاف به فانيليا وقليل من النشاليتماسك الخليط بعض الشيء
يترك على النار حتى تمام نضج الارز ويصبح القواملزج و ثقيل بعض الشيء ويضاف جوز الهند
يقدم في اطباق
ويذاب بعض السكرلعمل كراميل ويصب على الوجه وتحمص المكسرات والزبيب في الزبده وتضاف علىالوجهdon كفتة حسن باشا كهرمانه المقادير: لحمة مفرومة حسب الكمية - بطاطس مسلوقة ومبهرة - بصل مفروم وبقدونس قليل من الحليب السائل او اللبن وقطعة زبدة صغيرة هنضيف البصل المفروم عاللحم المفروم مع البقدونس او الكسبرة المفرومين ونشكل اللحمة علي شكل ط…
شوربة لسان عصفور
تسلم ايديكم
ِ
المقادير
زبدة او سمن - مرقة منكهة بالحبهان و ورق اللورا و القرنفل و المستكة و الجزر و البصل و الكرفس - لسان عصفور
2 ملعقة شوفان..اختيارى - ليمون - ملح - مكعب مرقة دجاج...اختيارى
الطريقة
1- نضع الزبد او السمن فى اناء الطهى ...ثم بعد ان تسخن نضع لسان العصفور و نقلب جيدا حتى يتلون باللون الذهبى الجميل
2- نضيف المرق ومكعب المرقة اذا احببتى...و نضبط الملح و ندعها تغلى برفق و نغطى عليها حتى قرب النضج...نضع الشوفان.وفائدته يعطى طعم جميل و قوام و فائدة صحية.
3- تعتمد جودة هذه الشربه على طعم المرق المستخدم...فكلما كان به منكهات خفيفة و متنوعه ...كلما كان الطعم جميل...لذلك انصح بوضع الحبهان و ورق اللورا و القرنفل و المستكة و الجزر و البصل و الكرفس اثناء صنع المرق مع اى نوع من اللحوم حتى يصبح لدينا اساس رائع
4-تغرف و تقدم ساخنه مع عصير الليمون
طاجن اللحمة بالبصل و بطاطس بيورية
تسلم ايديكم
المقادير
قطع من اللحم - بصل مقطع جوانح
بهارات لحم - فلفل اسود - ملح
الطريقة
1- نحضر طاسه تيفال ثم نضعها على النار و نرفع درجة حرارة النار حتى تسخن الطاسه...نضع قطع اللحم والغرض من الخطوة السابقة اغلاق مسام اللحمة و عدم خروج المياه منها و نتركها لتأخذ لون الشواء المميز..
لاحظى لم نضع اى مادة دهنية هنا...
نرش القليل من الملح و الفلفل الاسود على قطع اللحم
-نقلب اللحمة على الناحية الاخرى ...و نرش هنا ايضا الملح و الفلفل
...و عندما يتلون كلا الوجهين ..نضيف البصل المقطع جوانح..و نتركه ينزل كل مياهه و نقلب حتى تأخذ كل الاجزاء العالقة فى الطاسه التى بها النكهة...و يتلون البصل بلون جميل
-الان نضعه فى طاجن ثم ندخله الفرن مع اضافة نصف كوب ماء او كوب ماء على الاكثر...الفرن متوسط و الشبكة فى المنتصف و ندعه ينضج بدون استعجال...ولو احتاج لبعض الماء فى منتصف النضج نضيف القليل منه و نتابع ...بعد ساعه تقريبا و على حسب نوع اللحم يكون جاهز للتقديم
بطاطس بيورية
تسلم ايديكم
المقادير
بطاطس مسلوقة و مهروسة- 1 كوب حليب سائل - 2ملعقة كبيرة زبدة
2 بيض - ملح و فلفل أسود
الطريقة
نضع الحليب و الزبدة و الملح و الفلفل الأسود علي النار حتي الغليان
ثم نطفي النار و نضع البطاطس المهروسة ناعم ...نترك المزيج يهدأ قليلا قبل اضافة البيض حتى لا يتحول الى اومليت..ثم نضيف البيض
و نقلب المزيج جيدا...ثم ندهن القالب بالسمن و يصب المزيج في القالب
و يدخل الفرن الساخن مسبقا حتي يحمر الوجه
و تترك لتهدأ قليلا و تقطع و تقدم كطبق جانبي
جلاش بالسبانخ
تسلم ايديكم
المقادير
باكيت جلاش -كيس سبانخ مجمده -بصله مفرومه فرماً ناعماً
ملعقة كبيرة سماق - عصير ليمون - ثوم مفروم
زيت - ملح و فلفل اسود
4 ملاعق طعام جبنة فيتا - سمن سائحة
الطريقه
1-نخرج كيس السبانخ المجمده خارج المجمد و نتركها تسيح ...ثم نحضر مصفاه و نضع بها السبانخ و نصفى بالضغط كل مياه السبانخ.
2- يشوح بصل بقليل من الزيت حتى يذبل ثم يضاف له الثوم المفروم و يترك حتى يطهى و تظهر رائحته و تفوح ...تضاف السبانخ وتقلب حتى تنضج حوالى 8 دقائق...ثم نضع الملح و الفلفل و السماق و عصير الليمون...نتركها قليلا ثم نبعدها عن النار
3-نقوم بفتح باكيت الجلاش الغير مجمد و نخرج الاوراق و نغطيها بفوطة كى لا تنشف...و نحضر السمن السائح ثم نفرد ورقة ورقة من الجلاش و بين كل واحده و الاخرى رشة وفيرة من السمن حتى ننتهى من كل الكمية(حوالى نصف الباكيت)
4-نحضر خليط السبانخ و نمزجها بالفيتا ثم نضعها اعلى الجلاش و نفردها..و يمكن هنا عمل اى شكل جمالى من الجلاش و دهنة بالزيت..توضع داخل فرن متوسط الحرارة حتى يحمر الجلاش و ينضج
شيش طاووق
تسلم ايديكم
المقادير
صدور دجاج مقطعة - زبادي - فصوص ثوم مفرومة ناعما
زنجبيل بودر - بابريكا بودر - قرفة - فلفل أسود ملعقة صغيرة
عصير ليمون- أربع ملاعق كبيرة زيت - بهارات مشكلة
ملح حسب الرغبة- 4 ملاعق صلصه طماطم
كاتشب2 ملعقة- فلفل شرائح عريضة - بصل قطع متوسطة فى حجم السيخ
اسياخ شوى خشبية منقوعة فى الماء على الاقل نصف ساعه حتى لا تحترق
الطريقة
1- نخلط كل مكونات التتبيله مع بعض و نضع صدور الفراخ المغسولة و المصفاه بها و نتركها فى الثلاجة على الاقل ساعتين و يفضل ليلة بأكملها
2- نقوم بأحضار الاسياخ و بالتناوب نضع قطع البصل و الفراخ و الفلفل حتى ننتهى من الاسياخ
3- نقوم بوضع صينية بها الاسياخ و نفتح الشواية من اعلى فى الفرن و نقلب الاسياخ على كل الجهات حتى تتلون و تصبح جاهزة....كما يمكن ان تشوى فى طاسة تيفال
سلطة المايونيز بالخضار السوتيه
تسلم ايديكم
المقادير
1 ملعقة زبدة - خضار مشكل...بسلة جزر بطاطس -مايونيز
الطريقة
1-نضع الخضار المشكل فى اناء الطهى و ملعقة الزبد و نزود بماء يغطى الخضار قليلا فقط..ثم نضعه على النار و ندعه يغلى برفق و عند قرب النضج نضع رشة ملح...فائدة الزبد انها تعطى للخضار طعم جميل جدا ..مختلف عن مجرد السلق فى الماء الممل جدا
2-بعد ان تنضج و لا داعى لان تتشرب كل الماء و لاداعى لان تهرى من كثرة النضج...نريدها متماسكة و ليست مفتته...نقوم بتصفيتها و نحتفظ بالسائل الذى تبقى لان به فوائد الخضار و طعمه جميل ...و نستخدمه مره اخرى و نضيفه الى شوربة الخضار او الى المرق...عندما يصبح الخضار المصفى دافئا نضع المايونيز عليه و نقلب و ندعه يتشرب منه
3-ملحوظة يمكن اضافة ملعقة كاتشب او اكثر الى المايونيز لاعطاء نكهة جميله للتغيير
4-فى حالة الرغبة فى الحصول على خضار سوتيه عادى بدون مايونيز...ننتظر ان تجف مياه السلق و قد نصفيها اذا كان قد تم النضج فعلا...و نضع ملعقة زبد و الخضار فى طاسة تيفال و نقلب نقلب..حتى تغطى الزبد بطعمها الرائع كل الخضار و يتشوح قليلا على النار و يقدم بعدها...و يلاحظ هذه الطريقة تجعله جميل جداا و محبب و مختلف عن مجرد السلق العادى المنفر
تشيز كيك الفراولة بالجبنة قريش
تسلم ايديكم
المقادير
الطبقة السفلى
كيكة عنب كانت عندى
او بسكوت مفتت + زبدة سائحة
الطبقة الثانية
300 جرام جبنة قريش منقوعه 24 ساعه و ده اساسى
2 باكو ايسكريم دريم بالفراولة او اى نوع بالفراولة
1 باكو جيلى فراولة مذاب فى 1 كوب ماء..تعويض عن الجيلانين
2 كيس دريم ويب ...او 6 ملاعق كريم شانتيه خام
1 كوب لبن او ماء
3 ملاعق طعام لبن بودر نيدو...كيس صغير
سكر بودر...حسب الرغبه
الطبقة العلوية
1 باكو جيلى - كوب فراولة مجمدة 2 ملعقة نشا ا كوب ماء
عنب او فراولة للتزيين - جوز هند
الطريقة
1-نضع طبقة الكيك فى اسفل الصينية و نضغط عليها...و ممكن تفتيتها ثم كبسها اسفل الصينية...او تحضير البسكوت المجروش و الزبده السائحة و مزجهم ثم كبسهم جيدا فى الصينية...نضعها فى الفريزر حتى تتماسك
2-نقوم بتصفية الجبنة القريش ثم نضربها بالمضرب الكهربى حتى تنعم و تصبح مثل الكريمة و فائدة النقع حتى تكون مثل الكريمة و لا تكون كتل لا يمكن ان تتفكك...نقوم بوضع كل مكونات الطبقة الثانية مع بعضهم و الخلط جيدا بالمضرب الكهربى...لو وجدتيها تقيله جدا يمكن اضافة من ربع الى نصف كوب ماء او لبن او عصير فراولة مصفى
3-بعد تماسك الكيك نضع عليه الخليط و نضعه فى الفريزر حوالى نصف ساعه الى ساعه حتى يجهز للطبقة الاخيرة...او 3 ساعات على الاقل فى الثلاجة و اهم شئ ان تضعى يدك على الوجه و تشعرى انه متماسك و مستعد للطبقة الاخيرة
4-نضع فى الخلاط كل مكونات الطبقة العلوية ثم نضعها على النار و نقلب جيدا حتى تتماسك و نتركها فى درجة حرارة الغرفه حتى تبرد تماما بدون دخول الثلاجة
5-بعد تماسك طبقة الكريمة نضع عليها الخليط النهائى ثم فى الثلاجة حتى تتماسك ....حوالى 6 ساعات او اكثر
6- ملحوظة لاننى لم انتظر وقت كافى لتماسك الطبقة الوسطى و استعجلت فى اضافة الطبقة العليا...امتزج الاثنين قليلا...فقمت بعمل تموجات بينهم على السطح و اضفت العنب للتزيين....ولكن انظرى الى القطعه الصغيرة التى عملتها و تركتها لتبرد و لم استعجل...خرج شكلها سليم
مواضيع مشابهة
تابعي تجارب أخرى من هذا القسم.