حبيبتي ملاذ
اذا كان فيه احد حاس فيك ماراح يكون كثر ماانا حاسه فيك لاني عشت نفس موقفك ويمكن اصعب انا حملت بعد رحلة علاج من مستشفى لثاني ورزقني ربي بالحمل بتوم اولاد وفي الشهر السادس جتني طلوق وتنومت اسبوع وبعدها ولدت وكانوا اولادي عايشين شفتهم قدام عيني وجلسوا فالحضانه يومين وانا ازورهم وادعي ربي وبعدها مات واحد حزنت كثير وبكيت وقلت الحمدلله باقي واحد واليوم اللي بعده مات الثاني ورجعت بيتي اطالع اغراضهم اللي شريتهالهم وربي بغيت اموت وجتني حاله مايعلم بها الاالله ويئست من الحياه بس من رحمة ربي مايئست ورجعت مع زوجي بيتنا وبعد ماخلصت نفاسي سافرنا اناوياه خمس ايام غيرناجو وكنت مااجيب طاري هالسالفه حمدت ربي انه ماحرمني من زوجي والعيال اناوياه جبناهم بعد الله واللي عطاناياهم بيعطينا مثلهم واحسن صح ان الحزن موجود بس الامل بالله كبير واحب ابشرك اني الحين حامل في السادس حملت بعد عيالي باربعه شهور بدون علاج سبحان الله والحين ادعي ربي يتمم لي حملي والصدمه اللي صارت لي ولزوجي بينت لنا قد ايش نحب بعض وعرفت اني احتاجه اكثر من اي شي
معليش طولت بس قلت يمكن تلقين بقصتي عزاء لك وامل بالمستقبل ولاتنسين انهم شفعاء لك ولابوهم يوم القيامه
والله اني مانويت افتح ملفات القضيه * لكن اني شفت شي يفقد العاشق صوابه
متابعة النقاش، صفحة 6