اعطوني حل مع سلفتي الله يصلحها

مساء الورد ياحوائيات
كل سنه وانتم طيبين
هذي سلفتي ساكنه معي بنفس العماره اول ما تزوجت كنت عادتها مثل اختي اساعدها بشغل البيت وبكل شي وتستفيد مني من ناحيه تدبير البيت ومثل هالاشياء المختصر كانت علاقتنا حلوه لدرجة اني اترك باب شقتي مفتوح وادخلها لحد غرفة نومي وبعد فتره وهي متغيره معي ومن بعد حملها زادت الحاله(السالفه صار لها اكثر من سنه) لدرجة اذا دخلت عليها ببيتها ما ترحب فيني ولا تسلم اول ما تشوفني تخلص اللي بيدها بعديييييييييييييييين تسلم المهم كل مره اطنش عشان زوجي واخوه ما تتأثر علاقتهم وعشان اهل زوجي طبعا يهمهم ان ما فيه مشاكل ما بيننا عشان اولادهم واخر شي رحت عندها عشان اسلم على ام زوجي قامت سكرت باب غرفتها بوجهي ولا سلمت علي ولا حتى قالت اهلين زعللللللللللللللت مرررررره لدرجة اني قلت لزوجي السالفه وبكيت من القهر وحلفت معاد ادخل بيتها ابد بعد ماجيت من السفر بكم اسبوع وبيوم من الايام كنت ناويه اتصل عليها اعزمها تشرب قهوه معي الا وهي مرسله لي صحن حلا وانا كنت ناويه اكلمها عاد كلمتها وقلت لها وجت تقهوت معاي وبعدها بكم شهر سافرت وبعد مارجعت من السفر مريت عليها وانا طالعه من بيتي وسلمت عليها لأنها جار وقريب ولها بدل الحق حقين
انا ما ادري وش فيها لا احد يقول كلميها واسئليها لأن لسانها طويل وما اضمن انها ما تغلط علي كنت باكلم ام زوجي قلت باكبر السالفه وما فيه مشكله الحمد لله
انا ماراح ادخل بيتها الا اذا هي عزمتني مع العلم اني ما ازورها الا اذا كانوا اهل زوجي عندها وكل مره هم اللي ينادوني واذا اجتمعوا عندي انا بنفسي اتصل عليها واناديها وهي ما عمرها صلحتها واحيانا اذا جتها امها اروح اسلم عليها لانها قريبتي
وفكرت اقول لاخت زوجي الكبيره عشان اوضح لها الامر واحلفها ما تفتح معها الموضوع لان يمكن تقول لزوجها وزوجها (اخو زوجي)ملقوف ويمكن اذا تكلمت اخته ما يرضى على زوجته ويصلح سالفه ومشكله انا في غنا عنها بس ابيها تعرف انوا اذا اجتمعوا عنداخوهم ماراح اجي معاهم لأني ما القى اي تقدير
ها وش رايكم اعرف كثرت هذره وترى ما قلت كل شي لان سوالف الحريم ما تخلص والله صار اشياء كثيييره منها بس مافيني اكتبها اخاف اغتابها وانا في غنا عن الذنوب الزائده
سبحانك اللهم وبحمدك اشهد ان لا اله الا انت سبحانك اني كنت من الضالمين

28 تعليق 6,190 مشاهدة

شاركي في النقاش

سجلي الدخول لإضافة تعليق.

التعليقات

23
  1. @mngo

    يختي إتركيها براحتها إلي عليك سويتيه ومافيه داعي تقولين لأحد عن الموضوع لإنك بكذا بتفتحين عليك باب صعب إغلاقه

    خلاص عيشي حياتك وببيتك وزوجك وإذا حابه تعزمينها إعزميها وإذا ماعزمتك بكيفها ماتقدرين تغصبينها حتى لو أهل زوجك

    زاروها وقالو لك تعالي المفروض ماتروحين لين تعزمك صاحبة البيت .. وأنتي مثل ماقلت لك عيشي حياتك وحتى لاتسألينها وسوي

    نفسك ولا كأنه حاصل شئ إذا هي فتحت الموضوع كان بها ما فتحته لا تتكلمين مع أحد بخصوصه
  2. @dan_aldnya_28

    خلاص خليك رسمية إلين يتبين لك سبب التغير
    يمكن هي ما تبي الميانة الزايدة
    اصبري
    و نصيحة لا تدخلي أي أحد
    مهما كان الوضع حساس شوي
    إلا ما تتضح الأمور
    و الله يصلح أموركن على خير
  3. @nfrtyty_111

    صاحبة الموضوع
    اسعدني مرورك يا منجو
    بس مافهمتك(حتىلو اهل زوجك زاروها وقالو لك تعالي المفروض ماتروحين لين تعزمك صاحبة البيت )
    يعني انا غلطانه اني اروح لها لما يكلموني اهل زوجي....... هذا غلط مني وشي يزعل؟ والله ماقصدي شي بس اروح عشان مايزعلون او يحسون بشي
  4. @mlokhyh_ork

    ماتروحي لعندا خلص مبين مابدا ياكي
    ممكن عم تغار منك وعم تقول بقلبا لا عين تشوف ولا قلب يحزن
    وقال الضره بتصير متل اختك والسلفه مابتصير اختك

    ولا تقولي لحدا
    وخلص كتير بسيطه
  5. @am_khald_100

    اذا شفتيها سلمي عليها
    واذا نادتك عندها روحي
    واذا مانادتك لا تروحين واذا صار
    عندك عزيمه ناديها
    بعض الناس صعبه طبيعتهم
    وانت شكلك طيبه وبنت حلال
    الله يهديكم لبعضكم

تابعي تجارب أخرى من هذا القسم.