بسم الله الرحمن الرحيم
حلمي بصراحه غريب وياليت تساعدوني بتفسيره00
انا بنت مو متزوجه كنت نايمه على يميني وعلى طهاره
بصراحه رئيت بالحلم اني منسدحه على سريري وكنت نايمه على يميني
وارسلي الله ملك يحنيني وحناني حناء قبضه بيديني من جو بس ماحنى اظافري (يمكن لاني بالواقع مااحب الحناء على الظافر)
وقالي الله هاه تبين شي ثاني قلت ايوه ارسلي ملك يغطيني وكان علي الغطاء بس طاير عن ارجولي وجاني الملك وغطاني كلي وكنت فرحانه مره لدرجت اني ارفع ارجولي واضرب بها على السرير من الفرحه وكنت اضحك وقالي الله اطلبي أي شي إلا الزواج لانه ماراح يتحقق
وكنت حاطه يديني اليسار على السرير واليمين على رقبتي وفجئه جاء ملك وخنقني بيدي اليمين وضغط بها على رقبتي لحد ماحسيت اني بموت وقمت اصارخ بكل صوتي وقمت من السرير وانا اصيح وآخذ اخوي الصغير كان نايم على الارض عندنا (بس في الواقع ماكان ينام معانا في الغرفه)
واناديه بأسمه وانفضه بكل قوه ابيه يصحى واروح لاختي وبرضه كانت نايمه على الارض (وهي ماتنام على الارض) واصحيها وامسكها بكتوفها وانفضها بكل قوتي وانا اصيح واقول قومي وصحت بس ماقالت لي شي وبعدين من الصياح كحيت كحه وحده وسمعتني امي وجت من مكان مظلم ومن باب اتجاهه مو نفس اتجاه باب غرفتنا وانا يوم شفت امي سكت ومسكت نفسي عن الصياح وكتمت لاني مابي امي تدري اني ابكي وكانت حاطه طرحتها على راسها ومسويتها على شكل شماغ رجال وهي مدنقه ورفعت بس نظرها ومدت على زيت لونه اخظر (تستخدمه دايم لرجولها)
وقالت خذي ادهني ارجولك وقلت طيب وسكت وصحيت من النوم وانا مفجوعه0000
بعده باسبوع ونص تقريبن صار بحياتي حدث بس مادري هوه تفسير له ولا لا وراح اقولك بالحدث بعد التفسير
وبعد اسبوع من هذا الحلم
شفت حلم ثاني شفت اني داخله فلسطين واشوف المسجد الاقصى من بعيد ودخلت زي البيت الشعبي وكان فيه حريم جالسين على بلك او طوب وكانوا يغسلون ملابس وانا كنت خايفه لا يشوفونا اسرائيل وكنت ابي اندس او اتخبى عندهم و كانهم يقولون لي لا يشوفونك اسرائيل وفجئه جانا ثلاثه رجال لابسين ثياب سود ووقفوا على الباب وخفنا منهم مره لانهم طلعوا من اسرائيل وقالوا كلمات مادري وشي بالضبط وصحيت وانا خايفه من هذا الحلم
وماعليش ياختي طولت عليكم
ومشكورين على هذا الموضوع والله يجزاكم كل خير...
نتواصل بعد انقطاع مع0000تفسير الاحلام0000
متابعة النقاش، صفحة 104