شاركي في النقاش

سجلي الدخول لإضافة تعليق.

التعليقات

15
  1. @ghmamh

    غيري الزوليه الي في الصاله لانها الممر الاساسي في البيت وكمان الخداديات زيدي اضائه في البيت حطي على جهه من الكنب مفرش مللون اشري طقم كامل من اباريق كاسات بيالات وفنجان واباريق الشاي على غسالات اليدين غيري التحف من ابو ريالين وحطي فوط لليدين جديده تجي ثلاث مع بعض طقم في سيب المجلس او سيب الغسالات حطي قطعه زوليه جديده بس هذي افكار والله يعينك
  2. شوفي.. اول شي اختاري لك ثلاث الوان.. تكون الثيم حق كل التجهيزات..

    اذا تعرفين للفوتوشوب..صممي لك شعار بالالوان اللي حددتيها..مع عبارة" عيدكم مبارك"

    واذا ما تعرفين للفوتوشوب دوري بقوقل للصور تصميم جاهز الوانه تعجبك وتمشي مع اللي اخترتي..

    كذا نكون خلصنا مرحلة التصميم..

    نجي مرحلة التجهيز والتطبيق..

    اشتري صحون بلاستك وملاعق بلاستك ملونة..مو بيضاء.. وتكون نفس الالوان اللي حددتي..

    ومناديل سفرة برضو ملونة.. واحلا انها تكون سادة بدون رسومات..

    وجيبي شرايط و لفي كل ملعقة وسكين بالمنديل واربطيها بالشريط.. واهتمي بتنسيق الالوان..



    اذا عندك طاولة طعام مستطيلة حطيها بالمكان اللي راح تستقبلين فيه ضيوفك..

    وخليها على جنب.. لازه بالجدار.. الطاولة الدائرية ماراح تكون حلوة وهي على جنب مثل المستطيلة..

    غطيها بسفرة كبيرة وملونه بالوانك اللي اخترتي..

    اطبعي الشعار اللي صممتي وقصي الورق على شكل مثلثات..

    طبعا اشتري ورق ملون جاهز.. وجيبي خيط..وثبتي عليه المثلثات..ثنين سادة وواحد عليه الشعار..

    وزيني فيه الجدران واسفل الطاولة..



    وصفي المناديل الملفوفة.. بعد ما تجمعينهم بسلة على الطاولة..

    ورتبي عليها حلاو العيد..



    وسوي كب كيك.. وكل كيكه اكتبي عليها حرف.. وكوني جملة " عيدكم مبارك"





    جيبي اكياس صغيرة وحطي فيها عيدية الاطفال من حلاو وريال مربوط بشريطة..

    وسكري الكيس بكرت مطبوع عليه الشعار اللي صممتيه..



    وممكن تجيبين حلاو مصاص وتسوين فيه مثل كذا.. باستخدام الشعار اللي صممتي..




    وصينية الشكولاة اللي بتشرينها جاهزة احرصي ان الوانها تناسب الثيم..

    وعلى الباب علقي عبارة "عيدكم مبارك" بطريقة فنكي وجديدة وغير تقليدية.. واكيد نفس الوان الثيم..



    وترامس القهوة والشاي اربطي يدها بفيونكة من نفس الالوان..

    صينية البيالات والفناجيل افرشي تحتها منديل سفرة بنفس لون الفيونكة..

    السكر حق الشاي يكون لون التغليف نفسة او مقارب..

    اضيفي خداديات على الجلسة بنفس الاوان..

    واذا عندك خدامة..فصلي لها لبس بنفس الالوان..مع مريلة بيضاء..



    وكل عام وانتم بخير..

تابعي تجارب أخرى من هذا القسم.