السلام عليكم ورحمة الله وبركاته
كيفكم يابنات حواء امانه عليكم يابنات اللي تدخل تقرأ موضوعي ترد علي وتقولي لو هي في مكاني ايش حتسوي.....................
انا متزوجه لي11سنه وزوجي انسان طيب ويعطيني كل اللي ابغاه ويخاف على عياله مره حتقولولي فين المشكله اصبروا جايتكم بالهرجه............:06:اكيد مافي بيت وما يخلو من المشاكل وأحيانا تكون المشاكل مره تافهه
مره من المرات اكتشفت ان زوجي يبحث على مواقع اباحيه وواجهته وأنكر
وزعلت منه فتره وصالحني ووعدني انه ما يكررها وبعد فتره اكتشفت نفس الحكايه بجواله واتخاصمنا عليها وطولت وأنا زعلانه منه هذه المره لانه كل مره يوعدني فيها يرجع يخلف وعده المشكله انه انا انسانه حساسه جدا
حتقولوا شكلك مقصره معاه لاااااااااااااا بالعكس دايما اعمله اجواء رومانسيه وهو دايما يقولي انه يحبني وما يقدر يستغنى عني المشكله كمان مو هنا
قبل اسبوع زوجي كان خارج يصلي الفجر واعطاني الاب توب وكان على صفحة الفيس بوك ونسي يقفل صفحته وخرج يصلي وأنا بكل براءه جلست اشوف اصدقاءه على الفيس للأمانه صفحته نظيفه ما فيها اي شىء تشكي فيه الا رساله وحده بس لوحده يقولها لا تراسليني على الفيس وراسليني على الماسنجر وكتب ايميله واجهته لما رجع من المسجد وقالي هذا رجال مو بنت ماصدقته ودخلت انام اليوم التاني جا يكلمني ولا كأنه في شي
طبعا انا ماعبرته ورحت بيت اهلي افطر ولما رجعت في الليل ماقدرت اصبر وأنا الصفه السيئه في اني عصبيه.............
جلسنا نتناقش وقلتله اني حاسه انها بنت قالي لا قلتله احلف وان شاء الله ماتتوفق لو كنت تكذب وحلف حسيت انو كذاب وبدأت اصواتنا ترتفع هذا الكلام بعد الفجر قالي خلاص انا حاقولك كل شي بس بكره بعد الفطور قلتله طيب
بعد الفطور في اليوم الثاني بدأ يحكيني وقالي انها فعلا بنت وهذه البنت كان يعرفها ايام الدراسه في الجامعه بس هي ماكانت تدرس معاه كانت تشتغل في شركه كا ن زوجي يتردد عليها عشان صاحبه يشتغل فيها وقالتله مره انها معجبه بزوجي لك ن زوجي مااعطاها اي اهميه.............في الفتره هذه كان يكلم صاحبه وقالو تفتكر البنت اللي كانت معجبه فيك اتزوجت وصار عندها ولد وسالتني عليك قلتلها ادخلي على الفيس بوك وحتشوفيه ارسلتله رسايل على الفيس شك انه هي نفسها البنت وطنشها في البدايه لكن مع اصرارها قالها كلميني على المسن وقالي كلمتها مرتين بس وكانت دردشهيعني كتابه وقالي بس سألت عن احوالي وقلتلها اني متزوج وأحب زوجتيوكل كلامنا كان عادي وقال انه هي تشتكي من زوجهاوحلف انه مافي ايكلام ثاني دار بينهم...............
في الفتر ه هذ\ه هو كان رومانسي جدا من شهرين تقريبا نفس الفتره اللي بدأيكلم فيها البنت واخذني يومين عسل بفندق وكنت مبسوطه مره هذا الكلام قبل رمضان بيومين ورجعت بنفسيه احسن وبدأت اجهز لرمضان ............اللين جا يوم5 رمضان وشفت الرساله اللي كلمتكم عليها طبعا انا ربطت الموضوعين ببعض وهو انه صار رومانسي لما بدأ يكلمها.....رفعت صوتي عليه وعصبت وقلتله ليش خبيت الموضوع علي مع العلم انه قاللي على البنت بعد الزواج يوريني انه لقطه وضحكت عليه اياميها
المهم بدأيعتذر وقاللي ان ماحيكررها وأنه ليه فتره اصلا مايكلمها ما سمعت منه وقمت اشيل اغراضي عشان اروح عند اهلي وجلس يترجاني انه مااروح
لما شافني معصبه مره خرج من البيت وأنا ماعرفت كيف اتصرف ولمين اشتكي لأنه ماني متعوده اطلع مشاكلي بره كلمت اختي وقلتلها اني حروح بيت اهلي وحكيتها الحكايه قالتلي ايش حتستفيدي خليك في بيتك مادام زوجك قالك على كل شى واعتذر غيره مايسويهافكرت ت في كلامها وهديت شويه رجع زوجي مره ثانيه وقاللي والدموع في عينه كنت خايف ادخل البيت وما الاقيك صالحني ووعدني ما يخبي علي شى..........انا طبعا ما ارتحت واسلتلها رساله على الفيس بوك وسبيتها وقلتلها ابعدي عن زوجي ردت علي اليوم وقالت لي انه زوجك يحبك مره بس انا كنت كمستشاره واععطيته بعض النصايح وكيف يعاملك بالدليل انه متحسن معاك مره ورحت كمان يومين تغيرو جو ورديت عليها برساله اقولها ايش قالك عني بالصراحهوعن حياتنا ردت علي قالتلي اقولك بالصراحه قال عنك انك نكديه وتحبي المشاكل وهي بدورها قامت تعطيه ارشادات وقالتلي نجحت في كذا صح طبعا انصدمت لما عرفت انه زوجي كلمها على بيتنا وقال انه انا النكديه كلمته على الجوال وقلتله تعال ابغى اتكلم معاك وريته المحادثه اللي صارت بيني وبينها عصب وقالي ليش تتكلمي معاها واحنا انتهينا من الموضوع وشكلها تبغى تخرب البيت قلتله انت الغلطان وأنت اللي اعطيتها المجال ليش تطلع اسرار بيتنا وانت كذاب لأنك قلتلي انه هي عندها مشاكل طلع انت الللي عندك مشاكل قاللي لو كلمتيها مره ثانيه اعتبريه اخر يوم بينناردييت عليه وقلتله طلقني
اااااااااااااه يابنات اول مره انطقها بعد11سنه زواج انصدم زوجي وخرج من البيت وللحين مارجع المشكله يابنات انه جرحني بمشاعري لما قام يشتكيني عندها وانه اتغير هذه الشهرين للاحسنرغم انه حياتنا كانت حلوه
ولو انه فيها خلافات احيانا...........بس للاسف ماعرفت انه فكرة تغيير الجو كانت فكرتها ولا فكرته يابنات الله يسعدكم قولولي ايش اسوي حتى لو سامحته ماراح ترجع الثقه زي اول تعبببببببببببببت..............
شاركي في النقاش
سجلي الدخول لإضافة تعليق.
التعليقات
35- **** يهدي سركم
- قفلي الموضوع و شي حلو انك عرفتي فيكي عيب زوجك ماصارحك فيه فضروري تراجعي تصرافتكم و العصبيه الي مالها معنى تطفش الزوج فاكسبي زوجك باللين لا تفكرين رفعه الصوت و كثرة الخصام بتكون حل لزوجك لا راح يسايرك عشان يتقي شرك
بس راح يجي اليوم و ينفجر فيه فانتي ليش تحدينه على هاليوم؟!!
الحين قفلي الموضوع و خذي منه عهد قوي انه ما يكلمها و قوليله انا راح اثق فيك و ان شاء الله بتكون ثقتي عند محلها بس احذها من عندك ولا عاد تفتحي الموضوع مره ثانيه - أنا موظفة ،، و فيه واحد من العملاء يكلمني دائما عن زوجته و عن مشاكلها ، و يقولي انه يرتاح لي اكثر شي و يحس انه يعرفني من زمان ، و احنا الاثنين متزوجين ،، انا دائما انصحه كيف يعامل زوجته و العلاقة بينهم اتحسنت كثيييير ،، و انا هو ما بيننا الا كل خير ،، و ما نتكلم ابدا الا في الامور العادية لنا الان اكثر من 5 سنين ،يعني اموره اتحسنت مع زوجته بسبب نصايحي ، يعني مو كل وحدة كلمت زوجك يعني بينهم علاقة ،،، انا ما اقولك خليه يكلمها و يأخذ راحته ، بس لو هو كلمها و اتحسنت علاقتكم خلاص لا تعاتبيه و لا تكلميه ، بالعكس شوفي من ايش يشتكي زوجك و ابعدي عن عصبيتك و خليك هادئة ،، و اكيد ما في حرمة ترضى أنه زوجها يكلم غيرها ، بس احنا الموظفين علاقتنا مع بعض غير ، نعتبر بعض اكثر من اخوة فحاولي تعطي لزوجك فرصة يحسن علاقته معاك و الله يهدي بينكم و خاصة انه بينكم عشرة عمر ،، و الله يسخركم لبعض
- حبيبتي تعوذي من ابليس
وحنا بشهر فضيل خليك أهدا من كذا
شوفي ياغلاتي فكرة مين الطلعه لاتشغلين نفسك فيها حتى لو مو فكرته يكفي ياقلبي انه يدور حلول عشان يرتاح بحياته معك
غيره والله يفكر بالزواج مره ثانيه اذا حس بأي نكد
لكن زوجك يبك انتي بحياته
شاريك انتي
ويبي السعاده معك مو مع غيرك
ارسلي له مسج الحين وقولي له انا عصبت واسفه على اللي حصل
وحاولي تضبطين أعصابك معه
ترا مو كل مره بيكون هادي
بيجي له يوم وينفجر
عاد الرجال اذا انفجر يموت الحرمه قهر
اذا مو عشانه
عشان عيالكم عدو هالمشكله
الله يصلح الحال
دعواتك - الله يهدي سركم
لما يرجع سوي نفسك ناسيه كل شي
وابداي معاه من جديد اعطي زوجك ابو عيالك
فرصه احنا قاعدين نعطي ناس ماتسوا كل يوم فرص
مواضيع مشابهة
تابعي تجارب أخرى من هذا القسم.