راح ابتدي برجيم "بيفرلي هيلز" لمؤلفته جودي مايزل وابي من يخاويني من26-3حتى 29-4/ قديم

السلام عليكم...
اليوم الثامن
والله بنات بقولكم عن يوم الجمعة .. وزنت أول ما صحيت الصبح وشفت وزني واصل 55 والله فرحت يعني على اللحم الي كلته نزلت نص كيلو.. بس مثل ما قلت مااقدر اكل اناناس فكلت فراوله للمغرب .. وبعدين ضعفت إرادتي شوي .. رحت فدركرز وكليت سلطة قيصر مع الدجاج .. المفروض إني اكل سلطة خاليه بس ماقدرت .. المهم اليوم وزنت الصبح بس وزني رجع 55.5 صادني احباط .... يالله اليوم عندي عنب باكل كثر ما اقدر عشان اعوض خسارة يوم امس..

مديونه.. توكلي على وابتدي ... حطي هدفك اسبوع وإنشاءالله بتواصلين .. أول يومين صعبين بس بعدين نوعا ما تتعودين..

عطر الليل.. أنا نفسك بعد المعكرونه نوعا ما وزني ثبت بس بعد ما كلت الأناناس والباباي نزل كيلو فصبري شوي وراح ينزل

MiSs.Mp3: يالله المعكرونه بتعوضك... وكليها على مهل علشان تستمتعين بها

فاتنة الحي: يالله توكلي على الله وإنشاءالله مايصير خاطرك إلا طيب

وردة المنتدى: مع إني تكدرت إنك تركتيني بس يالله اتمنى لك التوفيق في الرجيم الي يناسبك

هلا شوااقة
والله الحمدلله انا للحين ما خربطت وان شاءالله ما اخربط يااااااااااااارب
ومشكووورة على النصيحة وان شاءالله احاول اتبعها اخاف الا يصير طق مطاقق خخخخخخخخخ

أنا باقول لكم كم نقصت على الريجيم ..

بس لا تحبطون .. لانه انا لي فترة اسوي ريجيمات .. عشان كذا نقصي بطيء ..

بس أنا مبسوطة فيه .. لانه قبل الريجيم هذا مهما اسوي ريجيمات ما كنت انقص ..

ظل وزني ثابت ..

انا لي 13 يوم مسوية ريجيم .. وقست اليوم .. اللي هو بداية اليوم الـ 14

لقيت نفسي ناقصة 3.8 كيلو :)

نعمة والحمدلله ..

يلا .. أنا باروح آكل المشمش . . بالليل عندي مفتوح اليوم :)

يلا يا بنات شدوا الهمة .. وترى نزولكم مرة حلو ..

يا وردة ترى الـ الكيلوين حلو ... كملي .. !

مراحب بأحلى بنات ..


صدقتي اختي شواقه هو وزني بعد المكرونه ثبت شوي ..

و انا الحين باليوم السادس اللي بدلته بالسابع و قاعده اكل اناناس و اشرب ماي ..

اختي فتوتشيني : ترى الثلاثه كيلو خير و نعمه و يا حظج عندج الاكل مفتوح :( ..

الحلوة مديونه : يالله نور موضوعنا بزيارتج و انضمامج لنا ..

مس ام بي ثري : ما اوصيج غطسي في المكرونه خليها سباحه ههههههههههه ..

ورده المنتدى : معليه خيرها في غيرها و مبروك على الكيلويين ..

شواقه : لازم اكل باباي ما يصير ابدله بمانجو ..

اكلـــــــــــــــــــــــــــــــت أكل اليوم ... عشان كان عشاي مفتوح :)

جابوا اهلي من البيك :)

واكلت شوي من فيلية السمك .. وشوي من الجمبري ..

ونص ساندويتش مسحب .. بس المجموع مو كبير مرة .. بس اني نوعت ..

الحمدلله ع النعمة :)

بس يارب ما يزيد وزني .. والحين باقوم اسوي رياضة ..

:)