||✿||~ قوارب الجبنه بالفلفل + الدونات المبتكره تجلس هشه يومين ||✿||~

@aarob_20



السلام عليكم ورحمة الله وبركاته ..

موضوعي اليوم عن دوناتي ومعجناتي الشهيه
على ضمانتي لو طبقتي صح .. (ماشاء الله تبارك الله) راح تجلس يومييييين هشه ولينه وطعمها كأنها من مخبز مو صنع بيت ..

نبدأ بإسم الله :

اول شيء مقادير العجينه ..
3 أكواب دقيق كويتي (ممكن نزيد شويه قدري وقت العجن)
نص كوب حليب بودره
ملعقة أكل خميره فوريه
ملعقه اكل بيكنج بودر
ثلث كوب زيت
نص فنجال سكر << فايدته يعطي طعم روعه ويزيد تفاعل الخميره
رشة ملح << نفس فايدة السكر
ملعقة اكل زبادي << مو ضروري بس رائعه للعجائن عامهً



قبل مانبدأ نشتغل على العجن راح نحط مويه دافيه تقريبا فنجال + مقدار الخميره = نتركهم 10 دقايق
لاحظي قلنا مويه دافيه لان الحاره تقتل الخميره وتفسدها




هنا تحول الخليط الى فقاقيع هواء زي ماتشوفون فالصوره





راح نخلط الزيت والماء والسكر والملح وخليط الخميره
نخلطهم مزبوووووط اكثر من الصوره الظاهره انا صورت فنص عملية الخفق




نضيف الدقيق بشكل تدريجي +الحليب+ البيكنج بودر



وعجن عجن عجن ليييييييين تتماسك العجينه تمااام وكل شويه نزيد دقيقلو احتاج الامر لين ماعاد تلصق فاليد


نغطيها ونحطها فغرفه ماتستعملينها كثير ( ظلام + حراره)






ننتقل الان للدونات






399 تعليق 115,991 مشاهدة

0 0

شاركي في النقاش

سجلي الدخول لإضافة تعليق.

التعليقات

390

  1. @aarob_20

    صاحبة الموضوع




    الدونات




    نفرد العجينه على سطح مرشوش بالدقيق (شيء خفيف)
    نراعي انها مانرقق العجينه .. نخليها مليانه شويه .. ونبدأ نقطعها بأي قالب دوائر

    اما الدوائر الي فالمنتصف تقدرين تسوينها بغطا قلم نظيف



    او بغطاء علبة المويه

    لك الخيار ..



    نرصها على صحن مرشوش بدقيق ونغطيها بمنشفه نظيفه وفمنطقه حاره ومظلمه نتركها ساعه الى ساعه ونص



    شكلها هنا بعد ماتخمرت تمام وصارت جاهزه للقلي



    نجهز النستله + السميد المحموس

    نقليها فزيت غزير وحااار (راعي وانتي تحطينها فالزيت ماتضغطينها عشان مايخرج الهواء الي بداخلها)
    شيليها بخفه وبدون ضغط وحطيها فالزيت ماراح تاخذ تقريباً 20 ثانيه أو اقل
    مجرد ماتاخذ اللون الذهبي خرجيها
    بعد ماتنتهين من القلي غمسيها فالنستله ورصيها ورشي علها السميد المحموس



    هششششه بشكل خيالي ولذييذه ولا بيت الدونات



    رصيها فصينيه وغطيها بالسولفان حق المطبخ لحين التقديم لا تتركينها مكشوفه




    ننتقل الان لـ قوارب الجبنه الحامضه


  2. @aarob_20

    صاحبة الموضوع


    قوارب الجبنه الحامضه

    أول شيء نجهز الحشوه :



    جبنه حامضه +شبت مفروم + فلفل أحمر مقطع صغير +لو تحبينها سبايسي حطي فلفل حار



    كذا حشوتنا صارت جااهزة :)




    نجهز زيت الزيتون +الزعتر البري +فرشه لدهن زيت الزيتون




    نفرش العجينه على سطح مرشوش بالدقيق ونقطعها دوائر .. نحط حشوتنا فمنتصف الدائره




    نلصق الطرفين ونخلي الحشوه في الوسط زي مالصوره موضحه هالنقطه




    ندهنها بالزيت الزيتون مع الجوانب ونغمسها وسط الزعتر ونبدأ نرصها بشكل متلاصق داخل الصينيه (صينيتي زجاج)




    على حراره عاليه (بالفرن الكهربائي ) ما اعرف لفرن الغاز
    نخرجها من الفرن وركزوا فالنقطه هذي تمام
    1- نحط عليها طبقتين مناديل مطبخ عشان نضمن حفظ الرطوبه داخل الصينيه بتوازن وبدون ماتتكثف المويه وتنزل على المعجنات وتخربها.
    2-نغلفها بالسلوفان حق المطبخ تمام ونتركها اقل شيء 20 دقيقه قبل التقديم.



    راح تنتجين بإذن الله معجنات هششششه ولييينه وطعم خرااافي
    وبالعافيه مقدمااااااااً ...







    أسأل الله ان يجعله علماً نافعاً ...
    وحتى لو مارديتي ادعيلي اي دعوة حلوة منك ياعسل :p







    من مواضيعي :
    ✿✿✿ إيدام باكستاني خطييييير quick & so Delicious ✿✿✿
    $$ جربتي الادمااااااان ؟؟؟ تعالي جربية معاي $$ [[للسهرانات ومحبات الباذنجان]]
    [][][][][][تجربتي في إعداد طبق بحري ينافس مذاق ونكهة المطاعم الراقيه ][][][][][]
    ✿✿✿ على الاصول :المكرونه الصينيه من يدي غيييير Noodles ✿✿✿
    ||✿||~لكل ربة منزل تتعامل مع النار والزيت .. هذي تجربتي حطيها فبالك ضروري ||✿||~






  4. @bsmaml_4

    *عـــــروب*
    قوارب الجبنه الحامضه أول شيء نجهز الحشوه : جبنه حامضه +شبت مفروم + فلفل أحمر مقطع صغير +لو تحبينها سبايسي حطي فلفل حار كذا حشوتنا صارت جااهزة :) نجهز زيت الزيتون +الزعتر البري +فرشه لدهن زيت الزيتون نفرش العجينه ع…
    سنعة ما شاء الله عليتس ،،

    أشتهيت دوناتس حييييييييل ،، شكلها يفتح النفس بقووووووووووة

    الله يعطيتس ألف عافية ،،

    ويجعلها مداخيل العافية ..

تابعي تجارب أخرى من هذا القسم.