***^^التجمع السابع لمواليد***^^يناير***فبراير***^ ^ اهلا وسهلا بكم***^^

كيفكم يا حلوات ,,

قلب الأمة أنا من الرياض يا قلبي ...والمركز التخصصي ما أشوف أحد مدحه ...وبصراحة ما جربته بس تعقدت منه

من بعد سالفة صديقتي ...نسيت أقولكم إن ربي عوضها بتوأم بنت وولد ألحين عمرهم اكثر من السنتين ما شا الله ..

وجابتهم بمدينة الملك فهد الطبية ...

اللي أعرفه الحبيب كثير ناس يمدخونه وأنا أراجع فيه حاليا ...ورعاية الرياض (التأمينات) سبق وولدت فيه والحمادي ودله برضه

ممتاز ...وغيرهم ما أدري ...والسالفه وما فيها توافيق من رب العالمين ...أكثري من الدعاء وتوكلي على الله ...

كثير كانوا يسبون التأمينات (رعاية الرياض) بس الحمدلله ولدت فيه قيصرية والحمدلله ما عانيت منه من شي ...

أتذكر وحده نزلت موضوع عن ولادتها بالمستشفى السعودي البريطاني وتمدحهم وتقول انهم باعوها جهاز الكبس حق العملية القيصرية بخمسمية !...كانت مبسوطه والظاهر انها كانت تحسب السالفة زود عنايه منهم !...مع اني ما شا الله بالتأمينات

سووها لي كبس بنفس الجهاز ونفس تكاليف العملية ومن غير ما أدري بعد ...

الله يكتب لك اللي فيه الخير ...




سؤال يا بنات ...أنا ألحين الحمدلله بالأسبوع الثالث من الشهر الرابع ...وأبي أسافر لمكان يبعد عن الرياض ثلاث ساعات بر طبعا

والدكتورة صارفة لي مثبت بس لس شهر ما أخذته مرررررررررره تعبني ...الزبدة ..هل عادي أسافر ؟؟...مع العلم ان الدكتورة في

آخر زيارة تقول ان وضعي ان شا الله كويس ...

يا ليت اللي عندها علم تقولي ...

صباح الخير مساء الخير على أحلى كروشات كيفكم اليوم مُهاجِرةٌ إلى عينيك إذا الدكتورة طمنتك توكلي على الله و سافري وقبل لا تروحي استودعي جنيك الله