. . . . . . . . . . . . . . . . . ( آلصبرُ آلجميلْ ) !

البارت العِشرون
.....
غيداء جالسه تصفق بحماس للي يرقصون
كان ودها ترقص لكن تحس شكلها غلط
العنود – مسكت ايدها - : يالله تعآلي أرقصي معي
غيداء : لآ بعدين
العنود – سحبتها بقوة وخلتها ترقص معاها – ترآ بآين
أنك تبغين ترقصين لآ تلعبين علي
غيداء – ابتسمت- : فاهمتني بسم الله عليك
...
كان فيه بنات كثير طول الوقت يناظرون غيداء
باسحقار وأكثر وحده رشا
...
بيداء – همست لغيداء - : أقول رشا وش فيها اليوم كذا ؟
غيداء – باستغراب - : مادري تصدقين حتى ماسلمت علي
بيداء :غريبه مو من عوايدها
ياسمين – تدخل بينهم- : أنا أعلمكم لييش هالشيء أنا وعواششه
من زمان مكتشفينه وبعد جنان قالت لي
بيداء وغيداء : وشو؟
ياسمين : رشا تحب فهد
غيداء – لا شعوريا صارت تغلي - : جد ؟
ياسمين : ايه وبعد شوفي شكلهآ لييش ماسلمت عليك وضح كل
شيء
بيداء – تضيع الموضوع لأنها لاحظت تغيرلون وجه غيداء - : اييه ماعليكم منها , يالله الناس دخلوا يتعشون
...........
الساعه 12 دق فهد على بيداء
فهد : هلآ بأختي العزيزه
بيداء : هلآ بأخوي الدكتور وشعنده دآق
فهد : حرآم أشوف شلونك ؟
بيداء : ماظنيت , أنا بخير الحمدلله وأنت ؟
فهد : تمام الحمدلله أقول بيود ممكن تقولين
لغيداء تطلع ؟
بيداء : يآسآتر عجزآن تكلم عليها وتقول لها أطلعي
فهد – مايبغى يقول لها أن رقم غيداء مو عنده - : أمممم لآ
لكنّي دقيت عليهآ ولآردت يمكن عشان الطق
بيداء :ممكن خلآص ولآ يهمك أقول لها
.....
بيداء : غيوود فهيدان برا ينتظرك
غيداء –باستغراب - : جد ؟ طيب ليش مادق علي ؟
بيداء : يقول أني دقيت بس ماردت يمكن عشان الطق
غيداء – ناظرت جوالها مافيه مكالمات, أصلا مايعرف رقمي
كيف يدق - : يالله مع السلامة أشوفكم على خير
بيداء : مع السلامة أنزلي بكرى هآه ترآ بنجي
غيداء : ان شاء الله
.....
ركبت السيارة وكان وكالعاده هدوء
غيداء : تدري عآآد اليوم سوو زفه
فهد- من دون نفس - : آهآ
غيداء : اللحين أنا منقهره وتقول – تتطنز - أهآ
فهد : بعذري سآلفتك سآمجه طيب وش أسوي
لك أنا ؟!
غيداء : .................
................
في اليوم التالي
قامت الصبح وراحت للمطبخ
وجلست تسوي الفطور لأن فهد أمس قال لها
..
قام وشم ريحة أكل وراح المطبخ
فهد : السلام عليكم
غيداء : وعليكم السلام ورحمة الله وبركاته
فهد : وش تسوين ؟
غيداء : وش رآيك يعني .. فطور
فهد – ضحك عليها لأنها صدقته - : ههههههههههههههههه
غيداء – مدت بوزها - : وش اللي يضحك ؟
فهد : ولآ شيء , أنا بروح اللحين لفزاع عازمني
غيداء – بقهر - : والفطور ؟
فهد : ما أبغى
غيداء : من اليوم أسويه وأخر شيء ماتبغى
فهد : يعني مسويته عشاني
غيداء : لآ
فهد – لبس شماغه - : يالله مع السلامة
أنزلي تحت بيجتمعون اليوم
غيداء : ان شاء الله
....
غيداء – وهي تاكل بقهر -: اللحين من متى قايمة أسوي
هالفطور وآخر شيء مايبغى والمشكله لآ سويت شيء ولا قلت شيء
قال يعني تبيني عشاني يرفع الضغط يحسبني مايته عليه – سكتت – بعد أنا الغبيه أصلاً ليش أسوي له
....
بيداء - منسدحه هي وغيداء عند التلفزيون وفهد جالس وراء- : ياعريس الغفلة وعروسته ماتبغون نلعب
غيداء : وشي اللعبة ؟
فهد : أنا مو بزر عشان ألعب
بيداء : أقول أنقلع بس طول عمرك تلعب وش اللي
جآك اليوم ماتبغى ؟! , اللعبة لعبة الصراحه
غيداء : أجل ماني لاعبة
بيداء : غيووود بلا سماجه مره أنتي ومره فهد
بتلعبون غصصب عليكم بروح بنادي عنييد دقيقه
وبجيب قارورة وأجي
...
جلسوا
فهد جنبه العنود مقابلة بيداء وجنب بيداء غيداء
اللي تسئل العنود وتجاوب بيداء
..
العنود : أمممممم بيداء ليش رفضتي
راشد ؟ يعني أنتي حاطه ببالك أحد وتنتظرينه يتقدم لك ؟
غيداء : مخطوبه ولآ تعلميني
بيداء : ما وافقت يختي ما أبغاك تفرحين ثمن تحزنين
غيداء : ههههههههههههههههههه أهم شيء
بيداء : رفضته لأني توي وأبدا ماحطيت أحد ببالي
اللي يسئل العنود ويجاوب فهد
فهد : انا لله يالعنود أنتي بعد
العنود : يالله بس خلني أدور لك سؤال مممم
وش سبب أختيارك غيداء ليش ماقلت أي بنت ليش غيداء
فهد – كان نفسه يقول يمّه لكن ماقدر جلس يدور له جواب
ولأن أخته عنيده ماراح يعجبها أي جواب - : اممم بس
العنود : حلوه بس اكيييد فيه سبب
فهد : شوفي أنا كنت أبغى أتزوج بنت من بنات العايلة
وأكثر بنت تناسب لي غيداء
غيداء – انحجرت وبنفسها - : معقووله يافهد هذا الكلام
لا مستحيل ياكثر البنات اللي أحسن منّي
ياسمين وعائشة ورشا وكثيير معقوله يكون صادق لآ لآ مستحييل
بيداء – نغزت غيداء - : وبعض الناس أستحوا
اللي تسأل غيداء للعنود
غيداء : أخيييرا جا الدور عليك
العنود : يالله وشو السؤال
غيداء : اممممم وصفيلي زوجك بكم كلمة
العنود – بحيا - : أمم وش أقول وش أخلي
انسان حبوب وذوق وكل شيء فيه زين الحمدلله
غيداء – تمنت لو فهد نفسه –
اللي يسأل فهد وتجاوب غيداء
فهد : امممم – كان سؤاله صريح – تحبيني ؟
غيداء – تلخبطت ماتدري وش تقول تقول ايه وهي ماتطيقة
تقول لا بيقومون عليها البنات - : ايه
فهد – بنفسه - : معقوله ياغيداء تحبيني أصدق ولآ لآ
بيداء : يآعيني ع الرومانسية
العنود : ههههههههههههههههه
اللي تسأل بيداء لفهد
بيداء : اممممم أبسألك نفس سؤالك لغيداء
تحبهآ ؟
العنود : بصراحه
فهد : لا
غيداء – بنفسها - : وش يبي صرييح ليتني قايلة لا
العنود – تحسب غيداء انقهرت فقالت تهدي الوضع - : وش تبي
أنت مره تقول هي الي تناسبني ومدري ايش
بيداء : الظآهر أنه يبغى يغبي علينا فاهمتك – رفعت حاجبها –
....
غيداء : لييوون حبيبتي تعآلي
لين ( أخت فهد الصغيره مثل ماقلنا اول ): طيب
غيداء – تلعب بشعرها - : كيفك ؟
لين : أنا طيبه الحمدلله
غيداء : ماشاء الله نجحتي لثاني
لين – فرحانه - : ايه وعطتنا المعلمة هديه
غيداء : جد ؟
لين : ايه , عطتنا عروسسه وحلآويات كثيرات واشياء كثيره
أنا أبغى تجي السنة الجايه عشان أروح للمدرسه
غيداء : ههههههههههههههه ليش أصبري تونا ؟!
لين : لا , أنا أبغى عشان أصير بثاني ثمن أروح
لبنات أول وأقول يابزارين
غيداء – ضحكت من برائتها – : ههههههههههههههههههههههههههه
- باستها – البزراين يكبرون
فهد – دخل - : أهلن أهلن ليوون
لين – ركضت له وشالها - : فههد ودني البقاله
أنا وغيداء نبغى نشتري حلويات
فهد : مو أقولك الحلويات الكثيره تضر أسنانك وجسمك
لين : بس شووي طيب
فهد : شوي ميخآلف
.......

مر أسبوعين على زواجهم
ودائما هوااش مره غيداء تهاوش
ومره فهد وعلى هذي الحآله
....
خالد وعياله سافروا للشرقيه
...
عائشة : فههد يآولدي رح عند مرتك
وش تبغى قآعد عندي وأنت متزوج
فهد : يمّه كل ماجلست عندك رح عند مرتك
ماصارت بجلس معك شوي
عائشة – معصبه -: أنت الشوي عندك عشر ساعات ماصارت
محمد – دخل - : ورآكم طآلع صوتكم ؟
فهد – ابتسم - : ولآ شيء يبه أجلس
عائشة : هالولد أربع وعشرين سساعه جالس عندي
ماصارت والمشكلة أنه متزوج
محمد – ناظره نظره صارمه يعني قم - :....
فهد – خاف من نظرة جده - : يبه نآيمة هي
محمد : لآ مانامت روح وشف ولآ ترآ بهذا العصا – أشر على عصاه-
فهد : ههههههههههههههههههههه لآ خلآص قمت – وراح –
......
- فتح الباب وهو طفشان مايبغى يشوف وجهها –
غيداء – وهي جالسة ع الكنبه وتشرب شاهي التفت ع الباب - : جيت ؟!
فهد – جلس على الكنبه اللي جنبها - : لآ
غيداء – رجعت تناظر التلفزيون - : ظرييف
فهد : ماتستحين أنتي ؟ جآلسة تشربين شاهي وأنا قدامك
ولآ تزعميني قومي سوي لي
غيداء – كانت طفشانه وتبغاه يجلس معها حتى لو يتهاوشون – : طيب
فهد – رفع حاجبه - : غريبه !
...
غيداء : ورآ ياسمين ماجت ؟
بدريه : ماقالت لك ؟
غيداء – مستغربه - : وش ؟
بدريه : رآحت مع عمها اللي ساكن بالقصيم
غيداء : أممم طيب متى بترجع
بدريه : بصرآحه مدري ؟ , هي قالت نفسي أطول
تعرفين اجازه وعندها بنت عمها حولهآ
غيداء : آهآ , كذا
بدريه : يآعمري ياسمين مرره منقهره
غيداء : ليش ؟
بدريه :كل مره تبغى تجي تقول أخاف تنزل غيداء
وهي مشغوله بلآهآ أنك متزوجه
غيداء : يآبعد قلبي وش دعوى
أصلي طول الوقت طفششانه وأكثر الوقت عند يمّه
أروى : أسمعوآ ترآ قبل شوي فهد قال أنه بيودينا ملآهي الـ....
غيداء : الله فلـــه من زمان عنّه
بدريه : ايه صدق
غيداء : يالله قهر ياسمين مو فيه هي الخرشه
طيب بتجي عمه لولو ؟
أروى : لولو لآ , رآيحه لأهل زوجها
غيداء – بقهر - : يوه أجل كملت خلآص مآني رآيحه
بدريه وأروى : ورآه ؟
غيداء : مافيه أحد بيلعب معي الا ياسمين وعائشة
أروى : ممكن أنا ألعب
غيداء : لآآ أنتي خوآآفه بتركبين العاب البزارين أنا أبغى قطار
الموت , السفينه شيء
أروى – بخوف - : لآ تكفين الآ هذولي
بدريه : تجلسين بالبيت لحآلك ترآ حتى يمّه مو جآلسة
أروى – طلعت لسانها- : وحبيب القلب بعد – تقصد فهد –
غيداء – وعععع قالت أيش قالت حبيب القلب - : أي عآدي أجلس
بدريه : هه هذا فهد جاء
غيداء – ففف وقته –
أروى : غيداء ماتبغى تروح معنا
فهد – ارتاح - : بكيفها
بدريه : لآ من جدك أنت كلنا بنروح
فهد – ناظر غيداء- : ليش مو رآيحه ؟
غيداء – مرتبكة من نظرته - : أأ ياسمين وعائشة مو معي
وأنا أبغى العب وشو ألعب لحآلي
فهد : طيب يعني انا معي احد مثلا هذي أنا الرجل الوحيد
بينكم وعادي وبعدين مو لازم تلعبين
غيداء : .....
فهد – بنظره صارمه - : أقول روحي البسي عباتك بس
غيداء – خافت منّه- : طيب
..
أروى : ماشاء الله عليك دقيقة ورآحت
بدريه : هههههههههههههههههههههههه
فهد : يالله ترآني ركبت ترآي ما أحب أحد يتأخر علي
بسسرعه تعالوا وقولوا ليمّه
بدريه وأروى : ان شاء الله
..
فهد أخذ جيب يبه محمد عشان سيارته صغيره
ماتكفي
..
طلعوا كلهم
كلهم ركبوا وراء
فهد – بملل - : وغيداء وينهآ ؟
بدريه : مدري قبل شوي نزلت
فهد : وعليها عبايتها ؟
بدريه : مم لآ
فهد : ولييد
وليد : هلآ
فهد : روح ناد غيداء قلها بسسسرعه
وليد : طيب
..
بعد مارجع وليد
وليد : تقول أنها ماتبغى تروح
فهد : أنا أوريهآ – نزل –
بدريه : فههههههههههههههد فهههد
فهد : هلآ
بدريه : خلاص مو لازم تغصبها ماتبغى
فهد : لآ تخافين عادي – راح
..
عائشة : الله يهديه بس
بدريه : عنييييد اف خلآص قالت ماتبغى أكيد
لها ظروفهآ برحتها
أروى : ههههههههههه وش درآك يمكن من الحب الزايد
بدريه : ههههههههههههههه يمكن
..
فهد رقى الدرج بسسرعه راح لغرفتها
فهد – فتح الباب بقوة - : ماشاء الله ماشاء الله
حنا تحت ننتظرك وأنتي حاطه رجل على رجل
قومي تحركي ألبسي عباتك
غيداء : ما أبغى
فهد - من بين اسنانه -: مو على كيفك
غيداء : فههد خلآص قلت لك ما أبغى
فهد – جرها مع شعرها ورماها ع الارض - : الظآهر بنظطر نستخدم الضرب , بتقومين يعني بتقومين
غيداء – تحاول تسحب شعرها منّه - : يعني اللحين وش اللي حارق رزك دامي ما أهمك خلآص ما أبغى أروح
فهد –مسكها مع قميصها بقوة - : والله اذا ماجيتي بتشوفين شيء ماشفتيه
غيداء – حابسه دموعها - :....
...
ركب فهد السياره
عائشة : بتجي ؟
فهد : ايه
بدريه : لآتصير غصبتها
فهد : لآ
غيداء – بس تبغى تجلس عشان تبكي وفتحت الباب اللي ع المرتبه الثانيه مالقت لها مكان - : يمّه ليش رآكبه ورآ تعآلي قدآم
عائشة : يآبنتي أنا ما أحب القدام
غيداء – بدون نفس - : يآسلام مع يبه تركبين قدام واللحين
ماتحبين
عائشة : يآبنتي أركبي أنا ودي أشوفكم مع بعض
غيداء :............
بدريه : خلاص لآ تحاولين أمي لآيمكن تغير رايها
فهد – بملل - : غيداء أركبي ترآك أخرتينا
غيداء – ركبت – وماهي الآ لحظات وتذكرت
يوم فهد يجر شعرها ويمسك قميصها بقوة 18 سنه مافي
أحد حتى مد ايده عليهآ واليوم اثنين مع بعض
وسمحت لدموعها تنزل
...
طبعا لأنها متغطيه ماأحد درا عنها وفجأه
بدت تشاهق ماقدرت تكتم شهقاتها وبما
أن فهد كان جنبها قدر يسمعها
...
وصلوا للملآهي وفهد مسك غيداء يعني : أجلسي بتكلم معك
نزلوآ كلهم
..
فهد : اللحين أبغى أعرف ليش العناد اليوم يعني هذي البدايه؟
غيداء : ................
فهد : اذا كلمتك ردي علي
غيداء :............
فهد : صدق أنا متزوج لي وحده بززر
ليش العناد وليش تبكين
غيداء – مسحت دموعها - : ماعاندت ومابكيت
فهد : حلووه يعني أنا ما أسمع ما أشوف ؟!
غيداء : ...............
فهد : خلاص أنزلي تأخرنا عليهم
ورجاء بدون حركات البزارين مو تبكين عندهم
...
فهد : أروى
أروى : هلآ
فهد : تلعبين معي ؟
أروى : أي لعبة ؟
فهد : قطار الموت
أروى : لآ تكفى أخااف
فهد : يووه ما أبغى ألعب لحالي
أروى : شف مرتك تحب هالألعاب
فهد – ما أعجبته فكرة أن غيداء تلعب معه - : أخاف تصيح علي بعد
أروى : لآلآ
فهد : وينها ؟
أروى : تلعب وجودي
فهد : اها
...
كانت وجدان راكبه لعبه تدور وغيداء واقفه وكلما مرت عليها
صافحوا بعض
غيداء – تناظر وجدان - : حلووو ؟
وجدان : هلووو
غيداء : وه بس يآزين هلووو منّك
فهد : أحح
غيداء – انهبلت من الصوت والتفت - : فهد ؟
فهد : لآ ظله
غيداء – رجعت تناظر غلاوي - :....
فهد : لعبتي بشيء ؟
غيداء – بدون نفس - : لآ
فهد : طيب بلعب قطار الموت تلعبين معي
اذا ماتبغين مو لازم
غيداء – فرحت أنه فيه أحد بيلعب معها حتى لو
أنه فههد - : طيب بس برجع غيداء لأهلي ونلعب
فهد : خلآص بروح أجيب تذاكر وتعالي عند القطار خلاص
غيداء : طيب
...
غيداء ركبت بعربه
غيداء : فهد بركب لحالي
فهد : أقول أصلا العربه كبيره ليش لك لحالك وبعدين
فيه ناس كثير بيركبون اذا كل واحد بياخذ له عربه مافلحنا
غيداء – زحت له مكان - :.........
فهد – يحاول يبعد عنها - : عمرك راكبته؟
غيداء : هذي اللعبة أول مره
فهد – يحاول يخوفها - : من جدك أنتي تراه يخوف
غيداء – بثقة - : لا عادي وش شايفني بزر
...
بدت اللعبة وصراخ وصياح
غيداء مره تطيح على فهد ومره فهد يطيح عليها
ولعبوا مرتين لأن اللعبة كانت ممتعه
...
بعد ماخلصوا
فهد : يوووه تعبت
غيداء : جدد تخوووف
فهد : تلعبين السفينه
غيداء : ايه
فهد : خلآص شوي بجيب تذاكر وأجي
...
غيداء – تحس راسها خلاص وتحس انها بترجع ( تستفرغ ) - : فههد
فهد – مستمتع باللعبة - : هلا
غيداء : تكفى قل له يوقف اللعبة
فهد : حرام علييك يوم ارتفعنا تقولين يوقف
وبعدين بيرفض أصلاً
غيداء : فههد باستفرغ
فهد – يحسبها تستهبل - : زين اذا استفرغتي استفرغي
مع الجهة الثانيه
غيداء – بتعب - : فههد جاده
فهد – حس أنها صادقة وقال لصاحب اللعبة يوقفها -
..
أنتَتَهى ..
الحمدُلِلِه
لَولَا " البَلاَء" لَكَانَ يُوسُف – عَليه الصَلاة والسَلام - مُدَلَلآ فِي حُضنِ أبِيه ولَكن مَع " البَلاء "
أصبَح يُوسُف – عَليه الصَلاة والسَلام - عَزِيزَ مِصر :")

هههههههههههههههههههههه
تسلمين احلى شي
ابدااااااااااع لابعد الحدود