شاركي في النقاش

سجلي الدخول لإضافة تعليق.

التعليقات

14
  1. @ghym2000

    عدنا ......
    الان سوف اقص عليك خادمة اختي .......
    اتت هذه الخادمه من اندونيسيا كانت بشعة الخلقه كل من يراءها يخرع منها بصراحه
    لكن كانت حسنة الاخلاق .....كانت طيبه ونظيفه جدا..شكلها عكس داخلها سبحان الله
    تحب العمل بشكل رااائع ( ياحظها ) ماشاء الله لاتمل ولاتكل ولاتقول يوما من الايام لا ....
    8 او 9 سنين كرف وعمل وشغل وتعب وصبر وحيويه لا اله الا الله ......
    كان شيء واحد يعيبها وكنا نتضايق منها ماعدا اختي تعتبر هذه الصفه ولاشيء مقابل عملها الرائع وهو رفع صوتها عند الكلام او المحادثه مع احد بطريقه مؤدبه ولكن هذه هى عادتها كذا صوتها جهوري ولاعليها من احد .....
    لكن شاطره وصابره .....الى ان طلبت ان تعود لبلدها وعادت بعد عمر وتعب ومشقه .....
    الله يفرج لها ....اسمها ست سيتي ,,,,

    وحده من اقاربنا ...
    جاتها شغاله اندونيسيه كبيرة بالعمر ...كانت قمة في الحنان والامومه ..كانت تحب الاطفال وتبكي عليهم اذا جاءهم اي شيء .....سبحان الله كانت حنونه مرررررررره
    عاشت مع هذه الاسره 15 سنه في قمة الادب والدين والعمل الصادق ....
    ممكن تظهر عليها بعض بوادرالصفات الشينه ولكن نادره ....
    عاشت معهم في مقام الجده لهم ..كانت تحثهم على الصبر لمجابهة الحياه
    وساعدتهم في تخطي بعض المشاكل الاسريه .....
    كانت مثالية الداده اللي نشوفها بالمسلسلات المصريه ....
    كانت تحب الزوجه لدرجة انها اعتبرتها زي بنتها وكانت دائما تقف معها في اشد الظروف واصعبها وكانت الزوجه تتكل عليها بكل شيء ....

    حتى مرت هذه السنين كلها وبالاخير تعبت مسكينه واحست انها لم تعد قادره للعمل فطلبت ان تعود لولدها وسافرت وبعد فتره ارسل ولدها للاسره انها ماتت وتبعث سلامها لكم جميعا ..
    ماكان على الاسره الا الحزن الشديد واقامة العزاء وصلاة الغائب عليها ....
    فكانت خادمه مثاليه جدا ....


    لكن صدقيني يااختي .....انها نادره هذه الحالات وين ماتلاقي امثالهم
    ولكن مانقول الا
    يااااااااااااااااااله ......يامسهل ,,,,

    شكرا لكم ......
  2. ياااااااااااااااااااازين موضوعك
    جزاك الله خير
    اهلي قبل زواجي كان عندهم شغاله سيلانيه اسمها ميري
    اسلمت عندنا وصار اسمها عائشه
    وهي خفيفة دم مرررررررررره بس كانت كبيره شوي عمرها فوق الاربعين
    وكنا نناديها عيوش وكل الناس يستغربون من زود الميانه بيننا
    الله يذكرها بالخير
    وعندنا سواق هندي كل شوي يتهاوش معها
    خاصة اذا قالت له جيب للبيت كم غرض يعصب ويقعدون يسبون بعض
    وحنا نسمع ونموت من الضحك
    وفي ليله من ليالي رمضان راحت تصلي التراويح مع امي في المسجد
    وشافتها وحده وقالت حتى الشغالات صارو يصلون في المسجد؟؟؟؟
    متى يمديها تخلص شغل البيت وتجي تصلي؟؟
    من بعدها وعيوش تشتكي من الم في راسها وماخلينا مستشفى
    ولا اشعه اكس ري ومقطعيه الا وسويناها لها
    وما فيها شي وكل الاطباء مستغربين من حالتها
    والمشكله مانعرف الحرمه اللي شافتها عيوش في المسجد
    وجلست عندنا بعد هذا المرض سنه وكانت ماتشتغل الا القليل بس ماكان ودنا
    نسفرها حتى لو ما تشتغل
    عقبها سافرت واتصلت فينا بعد الفيضانات اللي صارت بسيلان عشان انتطمن عليها
    يااااااااااااااااالله ماتصدقون وش كثر كنت احب هالانسانه الله يذكرها بالخير
    في يوم زواجي شغلت المسجل عندي في الغرفه قبل الزفه وقعدت ترقص قدام الناس وتقول ليش ماترقصون؟
    ما احد فرحان مثلي؟
    كنت البنت الوحيده في البيت واغلب جلساتي وسوالفي معها وكانت تعتبرني مثل بنتها
    الله يشفيها ويشفي جميع مرضى المسلمين




    اسفه على الاطاله
  3. @am_khzam

    مو من حبي لهم بس عشان ما اظلمهم

    ناس من الجماعه جابوا شغاله مع زوجها سواق اندونيسيه مثل العسل تنحط على الجرح يطيب وحملت وكانت تقوم تشتغل ولا تشتكي من شي ولما جابت بنت فرحوا فيها اهل البيت كانها بنتهم قامت رجعت للشغل وهي ما كملت الاربعين وبكل نشاط وبلا تذمر وبنتها تلعب مع البنات
    وقعدت عندهم 7 سنين ما شافوا منها شي شين وحملت مره ثانيه لما كشفت طلعوا توام وقالت خلاص ما فيها قعده وراحت والاهل ما زالوا يذكرونها ومتحسفين عليها ما شافوا منها الغلط
    وصاحبة البيت كل ما تشرف شغاله جديده تقول الله يذكرك بالخير يا فلانه
  4. @hryrh



    اختي ناصرة الحق
    الله يجعلك من اسمك نصيب
    الموضوع رائع وفيه ايجابيه عاليه
    الله يكثر من هالمواضيع

    شغالتي الحاليه بالرغم من انهاغير دقيقه بالعمل الا انها رغم صغرسنها تحب ولدي وتتعامل معاه بحنان تتحمله واجد وتصبرعليه وهو عندها الأول وقبل كل شي
    وانا صابره عليها لأنها تحب الولد واقدر اامنه معها

    كانت فيه شغاله هنديه عند خالتي لما يجون يطبخون تاخذ جزء من الدجاج مثلا ربع وتجمعهم في الفريزر وكانت خالتي تهاوشها وتقولها ليه تنتفين الدجاج واللحم والسمك
    كانت تقول معليش يجي يوم نحتاجه
    وطريقتها هذي كانت تنقذهم في الأزمات لأن عيالها كبار وموكل يوم ياكلون في البيت والاكل يروح للزباله الله يعز النعمه
    وفيه ايام ينزنقوق وتنفعهم هالبواقي
    عاد خالتي تذكرها دايم بالخير وتقول مااحد نفعني من الشغالات مثل حسينه

تابعي تجارب أخرى من هذا القسم.