اخباركم ياحلوات...
صراحة هالموضوع قهرني شوي..... تخيلوا امس زوجي راح افطر عند ولد عمه وجلسوا بعد الأفطار ينتاقشون حول موضوع الحملة حقت الصومال...
طبعا زوجي على نياتة يقول لهم علقت على الموضوع في صحيفة!!!!!!!!! لان لقى ناس تقول الشعب اولى الأرامل والمطلقات والفقراء واللي يقول ماعندنا ملابس للعيد ومن هالكلام طبعاً ولد عمه مؤيد للكلام ماهو من باب ان الشعب اولى لا على اساس هو مسوي نفسه معارض ويبي يهيض الشعب بها الكلام:30:.....
زوجي يقول لا الصومال اولى مو لاقين رشفة ماء ولا كسرة خبز وعندنا صح فية فقراء وفي مساكين بس اقل شىء يقدرون يشربون وياكلون لو في المساجد وبعدين ابو متعب مو مقصر مع الأرامل والمطلقات كل وحدة لها صراف ونهاية كل شهر ويجيها مبلغ وقدرة واللي مو قادر يجيب كسوة لعياله من الديون ماحد ضربه على يده ويروح يقترض ويورط نفسه يعني مد رجلك على قد لحافك...وبعدين الايام هاذي ايام اخراج الزكاة اعتبرها زكاة وخرجها لأهل الصومال وانت بكيفك
الى هنا مافي اشكالية وجهات نظر...
رجع زوجي البيت ورحنا للسوق ورجعنا ودخل على الموضوع ولقى ولد عمه راد عليه وكاتب وين زوجي شغال وتكلم بكلام بايخ علية:angry2:
زوجي على طول عرف انه ولد عمه قام ودق عليه وهزأه ةقال انت قليل خاتمة مالها داعي ترد بها الأسلوب والشرهة علي انا لاني ناقشتك وخلك مع سعد السفية ياسفية...
زوجي اخذ في خاطره علشان هالحركة
وش :رايكم؟؟؟؟؟؟؟؟؟؟؟؟
شاركي في النقاش
سجلي الدخول لإضافة تعليق.
التعليقات
13- الله يهديهم
بس حبيت اقول زوجك صادق وولد عمه صادق
طيب ودي اسأل احنا عندنا ناس تعيش بصندقه وخيام ولا عندهم مكيف ولا ثلاجه معقول عندهم اعانه من الضمان وكذا عيشتهم ؟؟والله احترت!!
والي عندنا يقدرون يعملون اي شي لو الارمله تخيط او تطبخ وتلاقي رزقه
بس بالصومال مو لاقين قوت يومهم الله يعينهم ويفرج كربتهم ,,آآمين - ولده عم زوجك ماله داعي ليه يرسلك ,,الله يهديه ان شاءالله
- اللي بيتبرع بينه وبين ربه واخواننا في الصومال بحاجه ماسة لانهم وصلوا لمرحلة الموت
واللي يشوف البلد أولى محد جابره يتبرع 
- ياناس المسلمين الصوماليين مساكين يموتون في كل دقيقة وأنتم حيلكم بينكم والله ما نقصة صدقة من مال
ولي متردد يقسم لداخل والخارج وأحتساب الأجر على الله ،،،
مواضيع مشابهة
تابعي تجارب أخرى من هذا القسم.