السلام عليكم يا حريم و بنيات و جدادت و امهات و مراهقات عيدكم مبارك و تقبل الله منا ومنكم الصيام و القيام انتم الحين تعرفون أن العيد على الابواب :icon28: . فحبيت اشاركم و تشاريكوني هالفرحة و هي من خلال انكم تقولون كيف نظامكم بالعيد ؟ و انا راح ابد اول طبعا ما اننام و لاجاءت الساعة 3 نرتب البيت و نغسل الحمامات :09: و بعدين نتروش يعني نتحمم :eek: و بعدين نروح مسجد الحي و نصلي العيد بعدين نرجع البيت نبخر البيت و نفطر و بعدين نستقل ضيوفنا بان أن احنا البيت الكبير لعايله و ما تنطلع الا العصرنروح الملاهي و بعدين نرجع البيت و نصلي العشاء و ننام و ثاني يوم كمان من الصباح الى العشاء و احنا نستقبل ضيوف الى 3 ايام العيد :42:
:26: يالله دروكم :26:
شاركي في النقاش
سجلي الدخول لإضافة تعليق.
التعليقات
6- بالنسبه اول يوم بما انا جماعه كل اللي في الحي يروحوا لبعض يعني نمر على كل بيوت الحاره ناكل من حلوياتها وناخذ فنجان قهوه هذا والرجال في المسجد ولمن يجوا الرجال تكون كل وحده في بيتها ويبدوا الرجال يسوون نفس طريقة الحريم وبعدين كل واحد اذا ماعنده في بيته عيد يروح لاقاربه وبث ونفس الشي 2 و3 بس روووووووووعه مره تحسي بطعم العيد حلوعيدنا صح
- بالنسبالي ليلة العيد انظف البيت تنظيف خفيف لانو قبلها بكم يوم اكون نظفت غرفة غرف مره كويس
وبعدين احمم الأولاد وادخلهم ينامو واقعد انفخ البلونات احب املى البيت بلونات مع العلم محد يجينا بس احسس الأولاد بفرحة العيد
واتحمم واتمكيج وبعدين نروح صلاة العيد وزوجي يوصلنى عند اهلى ويسلم عليهم ويروح يفطر عند اهلو عشان كلهم اولاد مافي الا انا
وانا افطر عند اهلى ويجي ياخدنا ونروح البيت ننااااااااااااااااااام الين المغرب او العصر على حسب التعب
وبعدين نقوم يا نطلع الكباين اذا استأجرنا او نروح الملاهي
ثاني يوم نلف على الأقارب ثالث ورابع يوم ملاهي
وسلامتكم - نحن نظامنا في العيد كل سنة هو اني بعد صلاة العشاء ارتب البيت واجهز الملابس واجهز شنطة السفر عشان اهلي في المدينة وانا ساكنة في مكة وهدايا زوجي واطفالي واعمل كيكة التفاح والقرفة واعمل معجنات ومعمول بالتمر وشكولاتة من باتشي او من شكولاين واعمل مهلبية بالقشطة والفستق الحلبي وعلى الساعة 12 اكون مخلصة شغلي لان المعمول اسويه من بدري وورق العنب اسويه من قبل رمضان وارفعو بالفريزر
وعلى الساعة 1 اروش اطفالي عندي بنت عمرها 3ونص وولد سنة و4اشهر وانومهم واسهر مع زوجي الين الفجر اصحي اطفالي والبسهم لبس العيد ونعطيهم هداياتهم وعيدياتهم ونروح صلاة العيد وبعدين نتجمع عند اهل زوجي للفطور العائلي الكبييير وعلى صلاة الظهر نرجع بيتنا نصلي وننام الين العصر وبعدين نبدا بالمعايدات على الاقارب والمعارف الين الليل نرجع البيت ننام الين الفجر ونحرك على المدينة نكمل باقي العيد عند اهلي - يعني نوع ما نتشبه بنظامنا في العيد
ارجو المزيد - حنا بالليل نتسعد لطبخ وليمة العيد اجهز الرز واطلب من شغالتي تراقبه واروح لصلاة العيد مااجمل اللحظه بعدمانجي من صلاة العيد اعايد زوجي وولدي واقدم لهم الوليمه بصينيه يروحون بمجلس اكبرواحد بالحاره وكل واحد يجيب معه عيده ويصورونه وكل واحد ياكل شوي من عيد الثاني وحتى الحريم يتجمعن كنت اول اروح بعدين بطلت لان زوجي يصير مستعجل على روحة اهله وحنا ماجينا من جمعة الحريم
نروح لاهل زوجي نجلس عندهم حول الساعه بعدين اروح لاهلي عاد ماشاءالله اربعة ايام والناس رايحين جايين لدرجة اني وخواتي نتعب من كثرة الناس لان امي وابوي الله يطول باعمارهم ناسه كثيرين مره اصير رايحه وجايه على بيت اهلي والصراحه تعب بس وناسه ورابع ايام العيد نتجمع مع اهل زوجي بالاستراحه ومسابقات وتوزيعات والحمدلله وكل عام وانتم بخير
مواضيع مشابهة
تابعي تجارب أخرى من هذا القسم.