بسبوسة حياك الله يا عسل
ذكرتيني بأختي امس كان منااااااحة في بيت امي ..
جاء زوجها وقال بياخذهم يعيدون عنده والله كانت صدمة لنا كلنا رغم اننا عارفين من قبل ما تجينا جدة انها ماراح تعيد معانا بس كان عندنا امل ان زوجها يغير رأيه ويخليها تعيد معانا
لكن والله جاء وقال ( ابدا يالله يعني يالله عيدوا هذه السنة عندي والسنين الجاية بنعيدها كلنا في جدة )
وتحولت وناستنا لبكاء مرير وعجيب ودموووووع من الكل والله الصغير قبل الكبير
امي اغمى عليها اكثر من مرة لكن زوجها معند يقول كل سنة عندكم عطوني سنة واحدة ونحن والله عاذرينه لكن شنسوي
ولما رجعت بيتي اولادي كملوا علي الناقص وصاروا يقولون كلام انا ما توقعت انه يطلع من الصغار..
تخيلوا بنات يقولون ( ياماما يعني يوم العيد لما نروح بيت امي ما نلاقي بنات خالة منتظرينا في الدرج ؟؟)
ما نلاقي ولد خالة عند الباب ومعاه العيدية ؟؟
وما نلاقي خالة في بيت امي ؟؟
خلاص ما نبغى نعيد في جدة ؟ خلاص بنروح معاهم بيتهم نعيد عندهم !!
والله ياماما العيد نحن نعترف به مع خالة وبناتها ؟؟
ورجعوا لي البكاء والدموووع والله صحيت اليوم وجهي وعيوني منفوخة من كثر ما بكيت .. والله يا بنات من يوم يومنا وهم يعيدون معانا وهذه اول مرة نعيد بدونهم .. الله يرعاهم وين ماكانوا..
اعذروني يا بنات صدعت روسكم لكن حبيت افضفض !!
حياتنا حلوة مع الروماتويد - التجمع الرابع لمريضات الروماتويد
متابعة النقاش، صفحة 4