مراحب وكل عام وانتم بخير
السالفه اني بلغت وانا صغيره يمكن في سادس وكنت ابدا ما ابي امي تعرف لانه اذا عرفت امي خلاص انتشر الخبر والكل بيعرف واذا عرفو تبدا التعليقات الي مالها داعي والمزح الثقيل وانا حساسه وخجوله ما اتحمل
فكنت اجيب اقمشه او ملابس لي ما ابغاها واشققها احطها تحت اكرمكم الله اعذروني اخواتي على كلامي بس مضطره اقولكم السالفه المهم تخيلو القماش يجلس علي يوم كامل لحد ما يمتلي اكرمكم الله ثم البس ثان وثالث وكنت ما ارميها في الزباله اخاف ان امي تكتشفها فكان عندنا حمام فوق ما يدخله احد فكنت اجمعها داخل الكرسي الفرنجي واذا نامو اهلي اخذتها ورميتها وفي يوم من الايام نسيت ان ارميها وكانت هناك كميه من الاقمشه داخل الافرنجي نسيتها
وقدر الله ان تجي وحده تقرب لنا ما يحتاج اصرح من تكون سكنت في الدور العلوي واكتشفت الجريمه وجت للوالده وخبرتها وجابت البلاوي وو رتها امي ودخلت امي علي وهزئتني وانا بغيت انتحر من الفشيله احس ان الدنياء دارت بي يعني يا ليت ربي اخذ روحي قبل ما اتعرض لهذا الموقف او اسوي الي سويته بس قدر الله وما شاء فعل الحرمه هذي ما قدرت احط عيني بعينها خصوصا انها يوم شافتني بدت تسئل امي من متى وهي كذا
تخيلو يا بنات انهم اقصد ها الحرمه وامي وحتى جدتي ما نسو ها السالفه ويحسسوني انها توها صايره مع العلم اني الان عمري كبير ومتخرجه من الجامعه لي سنوات طويله اذكر مره كنا نصلح حمام وقالت ها الحرمه وهي تطالعني ها بتحطون كرسي فرنجي وتقولها بطريقة استهزاء وانا اسوي نفسي ما سمعت ومع ذالك تعيد نفس الشي يعني تذكري الجريمه ومره كنا في منتزه جالسين وقالت جدتي بعض الناس الي كانو يجمعون داخل الكرسي انا يوم سمعتها تكدرت وضاق خلقي وكرهت الدنياء بكبرها وامي بعد كل مره تذكرني بها السالفه
وكنت اموت 100 مره او اطعن 1000 مره بسكين اذا سمعت مثل ها الكلام
الموضوع مغلق