لا ياقلبي مافي فرق
العصير نعمه والاكل نعمه
وانتي قلتيها العصير لشخص واحد
اما الصحن تجلسين عليه ما تدرين من الي اكل قبلك مغسل ايده او لا مريض والا متعافي
واحد من اقاربي يقول
انهم مره باستراحه لما حطوا الاكل
نص الرجال قاموا حتى ايدينهم ما غسلوها
والشباب والمراهقين كانوا يلعبون كوره وبس نادوهم ياكلون
على طول من الملعب على السفره مباشره ماغسلوا يعني تخيلي العرق والقرف
وهم يقلبون باللحم وياكلون ب ايديهم من غير ملاعق
غير الاطفال الي اعمارهم 8 و9 واكلهم انواع البربسه لانهم متعودين على الملاعق وشافوا الناس ياكلون بايدينهم وصاروا يقلدون والاكل يتناثر
اسألك بالله
بتشتهين تاكلين من نفس الصحن
معليش حبيبتي لانضحك على بعض
انا ضدالاسراف مليونين بالميه
وفيه فرق لما احط ذبيحتين اقلط عليها الرجال واخلي الباقي للنساء
ولما احط ذبيحة للرجال ووحده للنساء
والي يقولون الصومال >>> الله يفرج همهم ويغنيهم من سعته
اقولهم خلاص اجل ماله داعي المفاطيح واصناف السلطات والمقبلات والحلويات والمشروبات والفواكه ...الخ
كل وحده اذا جت عزيمه حطت ميه شكل وميه لون
مع القهوه حلا ومع الشاهي معجنات ومكسرات وبعدها عشاء وبعد العشاء قهوه تركيه
واخرتها ما اناكل ربع الاكل بزعم انها سنعه وسفرتها حلوه هذا الاسراف اما تقسيم الاكل مو اسراف
معليش البنات الي يقولون نعمه وحرام
ابغى يفهموني يمكن عقلي صغير ما افهم
الحين لو عندك عزيمه رجال وحريم
وحطيتي ذبحتين
قلطتي الرجال على الذبيحتين شي طبيعي بيبقى لانه بيصير كثير عليهم
وقلطوا الحريم بعدهم وكلوا علشان النعمه حرام لهنا اوكي
طيب ليه ما يصير ذبيحه للرجال وبياكلونها وماراح يبقى شي لانها على قدهم
والذبيحة الثانيه يقلطون عليها الحريم وماراح يبقى
نفس الكميه ونفس الاشخاص
كيف تبذير فهموني ؟؟؟؟ كيف احنا ما نحترم النعمه
يعني احترام النعمه اني اكل باقي غيري ؟؟؟؟؟؟؟
الي يقولون شوفوا اول وحالهم وجوعهم
طيب الحمدالله الحين الوضع تغير
الناس عندهم اواني وصحون وحافظات
ونقدر نحط سفره مرتبه من غير اسراف وحده للحريم ووحده للرجال
علشان اول جوع لازم نستمر على نفس العاده ؟ ليه
طيب اذا هذا منطقكم
ليه ماتعيشون ببيوت طين ليه الرخام والاثاث ؟ اول ماكانوا الناس عايشين كذا
ليه الوحده فبيتها شغاله اول الناس ماعندهم شغالات
ليه عندكم مكيفات ؟ هذا اجدادنا اول متحملين الحر وعاشوا
ليه الرفاهيه ؟ ليه نتطور
وبعدين لازم تفهمون شغله
الناس تختلف لو انتي ما تتقرفين فيه ناس تتقرف
يعني لما قلت قبل
عادي تشربين باقي عصير وحده والروج مطبع عالكاس
اغلبكم بيقول لا
بس فيه ناس عادي ممكن يشربون وماعندهم مشكله
وفيه ناس عادي تمسح ملعقه وحده قبلها بمنديل وتاكل فيها وغيرها تموت جوع ولا تسويها
الناس مختلفه ولازم تتقبلون الاختلاف
ليه التريقه وياي وحديثه نعمه وهالكلام الي ماله داعي
جارتي قالتلي 000000000 وانصدمت [استوفى حقه من النقاش]
متابعة النقاش، صفحة 32