ماالهدف من ذهابك للسوق ..؟؟ موضوع طرح للنقاش ..؟؟

السلام عليكم ورحمة الله وبركاته
هلا اخواتي الغاليات


عندي موضوع وحبيت اطرحه عليكم ونتناقش فيه ..

ليش سيدتي المرأة تحبين الذهاب
للسووووووواق

وهل انتي مدمنة سووق
وكم مره تروحين للسوق
وهل انتي تشترين الي تبين والا بس تبين تشترين وبس
وفيه حريم يشترون اشياء مجرد ماترجع للبيت تحطهم على جنب
وهل فعلا انتي محتاجه لاغراض اللي تشترينه
وهل ممكن انك تاجلين الاغراض هذي ليوم ثاني
وايش اكثر شي يجذبك في السوق
وكم المبلغ اللي تصرفينه في الشهر في السوق ..

ودي تناقشون معي هذا الموضوع
وتطرحون افكاركم..؟؟
انتظر ردودكم ..

23 تعليق 1,658 مشاهدة

شاركي في النقاش

سجلي الدخول لإضافة تعليق.

التعليقات

21
  1. @bnt_aboy_2

    والله يا ام ابراهيم كنت اموت بنزلة السوق وما اخلي شيء نفسي فيه وطبعا البسه ما احطه على جنب
    بس بالفترة الأخيرة ومع هالأنفتاح الماصخ اللي طب على بناتنا وهالسفور اللي ما قد حصل صرت اكرهه وما انزل الا كني اسرق بسرعة بسرعة ومشي حالك يا بنت لأني اتأثر من هالمناظر
    قبل امس كنت نازل وزوجي ايكيا لحاجات معينة وحاسب زوجي وجلست استناه لحد ما يطلع بنتي من الألعاب والقى ذيك ((((((((((((((الأم)))))))))) اللي حسافة عليها كلنة ام كاشفة وعياية كتف فراشة مع بنتها المراهقة وزيها طبعا باللبس والشكل والله انها تتضحك وتسولف بكل قلة حياء مع الكاشيرية وكلهم شباب سعوديين والضحك ما يحتااااج حده
    فصرت اكره هالسوق من هالمواقف اللي ما اقدر فيها اغير المنكرات اللي تصير
  2. @myaaad_aamry

    أنا عن نفسي أموت بنزلة السوق وأشتري بكثره وكل اللي نفسي فيه أشتريه وما أتردد أبد
    وخاصه في هذي الأيام أنزل بكثره للاني أجهز لزواجي

    ادعوا لي ياأخوات إن الله يوفقني في زواجي وأكون قرة عين له ويكون قرة عين لي
  3. ياربييي...جيتي على الداء اللي مستفحل فيني ..

    أنا من يوم التزمت والحمد لله تغيرت فيني اشياء كثيييرة ..الا شئ واحد عجزت اكرهه ..

    الا وهو ...السوق وحب التسوق ..حتى لو مااشتري شي ..بس كذا صار عندي روتين اسبوعي ..ان ماطلعت امي وخواتي الثنتين معي وجرجرت بزراني معي ورحنا للمجمع ..

    تطلع براسي ستين الف نخلة ..المشكلة امي تقول لي ..خلي هااالنخل يطلع براسك ابرك لنا من الروحة للسوق ..دبلتي كبدنا (( ادري قلة بيفهمون الكلمة ..خخخ)) ..

    بس مافيه فايدة ..مشكلتي اني اطفش من القعدة بالبيت طول الاسبوع ..ومااصدق يجي الاربعاء واروح عند اهلي عشان نتمشى ..بس مشكلتنا ان مافيه اماكن سنعة للتمشية غير المجمعات ..
    يعني نتفرج على هالبضايع شوي ..لو لقينا شي سنع خذيناه ..نلعب البزران ونتعشى ((بس حاليا مع الريجيم مافيه عشى ))..ثم نرجع للبيت ..

    تصدقون ان بيوم عرفة وانا حاجة دعيت ربي من كل قلبي اني اكره الاسواق وانا سالمة ..

    قولوا لي وش هو الحل ..؟؟..خاصة اذا ماعندي لا اخوان ولا اخوات متزوجين ..مغير وجهي بوجه امي وخواتي اللي اصغر مني ..ومافيه سوالف ابدا..ابدا..
  4. <<<<<<<<<<<<تموت على الاسواق

    احب اروح السووووووووق كثير


    خاصة هالفتره

    زوجي شوي ويذبحني
    والله مل وله الحق

    بس بصراحه مضطره برجع ولازم اجيب هدايا للكل
    <<<تبرر الموقف

    بس اول ايه اروح السوق واحبه
    لكن ماروح الا وقت الحاجه
    بس عاد
    طلعيني اذا دخلت :D

    والسبب اني احب التجديد

    بحاوب على اسئلتك
    انا مدمنه وجدا بس احيانا ادمان من بعيد لبعيد
    اذ كنت محتاجه كل يوم -مبالغه ترى- :icon28:
    اشتري اللي يعجبني بس متأكده اني بستخدمه
    ممكن ااجلها لكن تكبر في راسي وافكر بها داااااااايم
    يجذبني الملابس الجديده والعطورات
    اصرف على حسب
    هاليومين مسويه خلل في الميزانيه


    موضوعك حلو يوسع الصدر :39: :30:

    تصدقون عاد
    نهاية الاسبوع بروح السوق وبس افكر في الروحه وش اجيب وش اشتري
    يوميا
    وازعج زوجي بالكلام عن اللي محتاجته ومرتبه له
    بس مدري عادي الموضوع
    والا انا رايحه فيها :D
  5. @aabk_alazhar

    وهل انتي مدمنة سووق
    لا لان محد يطاوعني كان تلقيني يوميا

    وكم مره تروحين للسوق
    تقريبا مرتين الى ثلاث بالشهر

    وهل انتي تشترين الي تبين والا بس تبين تشترين وبس
    طبعا اشتري اللي ابيه


    وهل فعلا انتي محتاجه لاغراض اللي تشترينه
    اكيد

    وهل ممكن انك تاجلين الاغراض هذي ليوم ثاني
    نعم على حسب الظروف

    وايش اكثر شي يجذبك في السوق
    والله مافي شي يجذب مع هالغثى اللي يقهرون بس تكوني مضطره تزلي السوق

    وكم المبلغ اللي تصرفينه في الشهر في السوق .
    على حسب الاغراض

    شاكره لك على الموضوع. الحلو

    دمتي في رعاية الله

تابعي تجارب أخرى من هذا القسم.