ااااااااه يايمه اظلمت دنياي من عقبك

ذكرتك و انبعث فيني حزن يستوطن اعماقي=و تمنى شوفتك قلب (ن) يضيق الكون من همه
ذكرتك يوم انا و ردة صغيرة وانتي الساقي=سقيتي من حنانك طفل قبلك ما نطق فمه
تمنيتك ونار الضيق تحرق قلبي احراقي=تخيلتك مثل منتي معي بالبيت يا يمه
خيالك كل ما جاني توقف صوت خفاقي=اشوفك و اسمع الضحكة و ريحة عطرك اشمه
فقدتك يا بعد عمري و حبي و اطهر اشواقي=فقدت ايام ما ترجع فقدت البيت و اللمة
رحلتي بالفرح كله و بعدك ما بقى باقي=و تركتي وحشة الذكرى تجر الروح يا يمه
يا اغلى قلب ودعني و مثله صعب انا الاقي=يا اروع من عن الدنيا رحل و اطهر ثرى ضمه
تعالي و اسقي عروقي و لمي يابس اوراقي=تعالي و احضني قلب (ن) تخالط حزنه بدمه
ابيك تجين وتشوفين وشلون الفضا ضاقي=و كيف الهم بفراقك سرى و سط الحشا سمه
احس بقلبك الطيب يعاني لوعة افراقي=و دمع عيونك يبلل تراب القبر و يضمه
عساك بجنة الفردوس عند الخالق الباقي=وعسا حزن (ن) سكن قلبي يزيل و ينكشف غمه

بنات نصيحه تبرون امكم وبوكم قبل تفقدونهم وخاصه الام
امي فارقتني ليلة العيد وانطفى نور الدنيا بفراقها
اتمنى لواضمها وابوس راسها ماني مستوعبه فراقها
ربي يصبرني ويجبر قلبي
ويرحمها ويجعل قبرها روضه من رياض الجنه
ويجمعني بها في جنات النعيم

25 تعليق 3,554 مشاهدة

شاركي في النقاش

سجلي الدخول لإضافة تعليق.

التعليقات

25
  1. سماصافى
    الله يرحمها ويغفر لها انا كذلك امى توفيت قبل 5 ايام قلبى وعينى تبكى على فرقاها مافى اغلى من الام الله يرحمها ويغفر لنا ولهم اللهم آمين
    الله يرحمها ويغفرلها ويسكنها الفردوس الأعلى ،، :(
    ادعي لها وتصدقي عنها واعتمري عنها وحجي عنها هذا اقل شيء تفعلينه ..
    الله يصبرك حبيبتي :)

تابعي تجارب أخرى من هذا القسم.