ما ودي اخون اهل زوجي بسبب اخوي ابو عين زايغه

السلام عليكم ورحمة الله وبركاته
بنات انا عندي مشكلة وماني عارفة له اي حل المشكلة باختصار ان اخت زوجي زارتني العيد الي فات وجلسنا انا وياها في الصالة وفجأة دخل علينا اخوي من ابوي لانه ماكان يعلم بوجودها وقف قدامنا وهو مبحلق عيونه فيها وبعدين انتبه وطلع بعدها صار اخوي يزورني دائما ويسألني عنها لدرجة انه طلب مني اني اعلمه اذا جت هي عندي عشان يدخل ويشوفها ويليت على كذا طلب مني بعد اعزمها مخصوص يعني بالعربي يبيني اسوي معاه تمثيلة عشان يشوفها مرة ثانية قالها لي بصراحة طبعا انا رفضت هل الشي رفض قاطع المشكلة انه هددني اذا ماسويت الي يبيه بيعلم زوجي اني انا الي اعزم اخته عندي عشان اخلي اخوي يشوفها وهدفي هو افساد زواج اخوي من بنت خالته لاني اكره امه الي هي زوجة ابوي واكره اختها وبنتها الي هي زوجة اخوي بنات انا في مشكلة كبيرة الآن اخت زوجي مسافرة بسبب عملها واخوي مو ناسي وطلب اعزمها في اجازة الحج الجاية وانا حاسة ان زوجي بيصدق كلامه وايضا انا ماودي اخون زوجي واخته وعائلته وانا عارفة ان اخوي هذا عينه زايغة على البنات لاكن ماتصورتها لهل الدرجة ارجوكم ساعدوني ولا تقولون لي علمي زوجك لاني ما اقدر اخوي بيكذبني ويسوي لي مشاكل مع امه وزوجته

147 تعليق 17,960 مشاهدة

شاركي في النقاش

سجلي الدخول لإضافة تعليق.

التعليقات

140
  1. @barby3

    عقلو صغير ومارح بعمل شي
    اخصريك منه
    قوليلو انا اخاف الله
    ولو على خراب بيتي
    وقوليله ان جوزك درا بالسالفه وياويلك منه
    او اعزميه بما اخته تزورك بس يحضور جوزك وناس كمان عشان مايقدر يدخل
  2. @gn26

    سجلي صوته بالجوال وهو يطلب منك وبكذا زوجك يعرف من الفاسد منكم

    ما اقول الا لا حول ولا قوة الا بالله
  3. @hlm_23

    مشكلتك محيره والله

    بس لو بينك وبين زوجك ثقه كبيره ويصدقك انتي بالدرجه الأولى قولي له لأن فيه خراب بيتك انتي واذا ساعدتي اخوك وسكتتي عنه حرام اللي تسويه لأن اخوك بيتمادى اكثر مو غرضه يشوفها بس
  4. @hoaaa_oam_adm

    والله قويه لا عاد تكلمي اخوك فتره طنشيه وبعد فتره اذا كلمك قوليله انك زعلتي بسبب اللي قاله وعيب كذا وفهميه

تابعي تجارب أخرى من هذا القسم.