السلام عليكم , مثل ماانتم شايفين بعنوان الموضوع ,
طول عمري ادعي ربي اني ماآخذ سعودي ( عندي نظريه ان مافيه سعودي سنع بهالحياه ) طبعا ادري مو الكل , لكن هالفكره ماهي راضيه تروح من بالي
وترى انا قلت ليش هالنظريه ترسبت بمخي بموضوع سابق ,, كله من منتدى عالم حواء , من كثر مااشوف مشاكل الحريم , حسيت ان كل رجالنا كذا
ادري فيه منهم الزين والشين ,, لكن خلاص انا عافت نفسي اتزوج سعودي
عاد سبحان الله , بالعطله الصيفيه الي راحت هذي , كنا انا واهلي رايحين دبي نتمشى ونغير جو
المهم مالكم بالتفصيل , الزبده ان فيه اماراتي خطبني
تدرون ليش محتاره فيه
1- وسيم ماشاء الله
2- موظف وراتبه جدا عالي
3- اني بسكن بدبي ( دبي المدينه الراقيه العالميه ) دبي مدينه تجنن بكل مافيها
يعني لو يخيروني اسكن بالقصيم ولا دبي اكيد بختار دبي
بس الي متردده عشانه ,
اني انا اولا رايحه لآولى جامعه صغيره , وغير كذا قبلتني جامعة الاميره نوره بالرياض وانا الحين بالرياض عشان ادرس فيها , والجامعه تجنن والكل يمدحها ولا ابي اضيع فرصه دراستي عشان موضوع زواج
بنفس الوقت اقول ,, اخاف ارفضه ويجيني سعودي هههههههههههههههههه
لانه صراحه بغض النظر عن الشكليات الخارجيه , الولد محترم وهو من طرف صديقة اختي اماراتيه وابد مافيه شي ينعاب
,
وانا مدري وش رايكم انتم ؟
ملاحظه : حتى لو وافقت انا مستحيل اتزوج بدري , وهو قال لآهلي خطبه بس وانا انتظرها لمين تخلص الجامعه اربع سنين
ملاحظه ثانيه : تراي استخرت اكثر من مره , بس مازلت محتاره , فيه شي بداخلي يقول ودي وفيه شي ثاني يقول لا
الموضوع مغلق