وش رأيكم بصراحة زوجي وايش ردة فعلك لو كنتي بمكاني؟

السلام عليكم

كيفكم ياحوايئات يارب تكونوا بصحة وعافية وتدوم السعادة عليكم ...
انا دايما لما يكون عندي استفسار او لما اكون محتاجة استشارة يكون اول شيء افكر فيه هو منتداي الغالي لاني احس ان فيه عضوات عاقلات وثقة :)...وحبيت اقولكم سالفه من سوالفي هي بسيطه بس انا ردة فعلي عليها احسها غريبة شوي وبشوف لو تكونوا مكاني اش بتسوون .. طبعا انا متزوجة ليا شهرين الحمد لله ومع اننا لسا بدري الا اني احس زوجي مستعجل ع الاولاد وانا دايما احس " واعوذ بالله" اني ماراح اقدر انجب خصوصا ان عندي شوية مشاكل بس ماقلتله ع هالاحساس ومره كنا خارجين نتمشى وقلتله تخيل لو مايجونا اطفال هو بدون تردد وبكل صراحه قال لي نشوف السبب من مين ونتعالج واذا مافيه علاج ان كان السبب مني اطلقك وتشوفي حياتك وان كان السبب منك اتزوج عليك!! ..
طبعا انا انصدمت:( وماعرفت اش ارد بس قلتله انت صريح مره مره وقوي بصراحتك بعد قال هذا هو الصدق وبيني وبين نفسي عارفة ان هذا هو الصدق اصلا انا حاسبتها كذا خصوصا بسالفة الزواج اما انو يتركني لو يطلع العيب منو لا ماحسبتها كذا وقلتله اصلا انا ماابيك تتركني بس توقعت انو يجاملني وقال انا عمري مافكرت انو مايجيني عيال ولا عمرها خطرت ببالي بس شيلي هالفكرة من رأسك .
انا احسني بوقتها عادي بس بعدين مو قادرة اشيل كلامه من رأسي اقول لو جاملني ع الاقل .. بالله انتو لو بمكاني كيف كان تصرفتوا احس في طريقه افضل من اللي سويتها :42:..
يالله انتظر تجاوبكم وارائكم ... علشان استشيركم بأمور ثانيه احتاجها منكم واعتبروها مساعدة لاخت لكم في الله ماراح تنساكم من دعواتها .

72 تعليق 6,236 مشاهدة

شاركي في النقاش

سجلي الدخول لإضافة تعليق.

التعليقات

69
  1. @ghla_rohh_4

    الصراحه دايم توجع .. لانها الحقيقه ..الله يرزقك بالذريه الصالحه ياااااااااااااااارب
    انا احب الصراحه احسن ما يعيشك في وهم ... الله يسهل اموركم
  2. @memooo

    لالاتوسوسين ان شاءالله ربي بيرزقك بالذرية الصالحة عاجلا غير اجل بس كثري استغفار
  3. @almzyon_33

    أشوف كلامه واقعي جدا ومنطقي وقال رأيه بكل صراحه بدون مجاملات وهذا زوج في نظري ناجح بلا لف ودوران كل شي عنده دوغري
  4. @thrthr_hoaaa

    يااااحيااتي انت احس بدري عليكم الكلام في هذا الموضوع

    توك عرووووس عيشي وانبسطي والمفروض ماكااان قلتيله

    شئ كل حاجه باءرادة رب العالمين انا كان عندي نفس احساسك

    حتى من قبل الزواج لكن الحمدلله ربي رزقني عقبال ماتعبيله

    البيت كتاكيت ياااارب
  5. @alftah_almhthbh

    لما قال يطلقك يقصد عشان مايبي يحرمك من الاطفال .. مو معناته انه مايحبك ..
    وترى هذا مجرد كلام ، لكن الواقع يختلف ، اكيد الواقع انه متعلق فيك ومو بالسهوله تفترقون لاقدر الله
    او انه يتزوج عليك !! .
    الله يحفظكم ويبعد عنكم كل مكروه ويرزقكم الذريه الصالحه

تابعي تجارب أخرى من هذا القسم.