في مرة بغيت اموت

مرة كنت صغيرة بعدي مارحت المدرسة

كنت مع ابوي في السيارة جايين من الشمال الصبح

مادري ايش طلبت منه قال لا

قلت اذا لا الحين بفتح باب السيارة وانزل

ابوي قال انزلي يعني مش مهتم

مايدري ان بنته خبلة وتسويها

والله افتح الباب والسيارة تمشي

ماوعيت الا بشي اسود قريب من وجهي

ترا كان الشارع

لفت الدنيا فيني ومت من الخوف قمت اصرخ ولا ادري ايش اللي يصير

ابوي المسكين تخسبق مسك رجلي وانا يدي في الشارع والسيارة تمشي ويحاول يخفف

أشوا انه قدر يتحكم في الموقف ووقف السيارة وسحبني

يعني لو ما مسكني و طحت على وجهي كان تغيرت معالمي :(

بس يدي عورتني لاني حطيتها بالشارع مثل الواحد اللي يبي يسوي جمباز

و الحمدلله ربنا لطف ان ماكان في سيارات ورانا والحمدلله اني كنت قاعدة قدام عنده عشان يقدر يمسكني


ولو طحت بيدوسني التاير اللي ورا وانا نتفة والله اشهد اني بالفظ انفاسي

ولكن ما أخطأك لم يكن ليصيبك

وما اصابك لم يكن ليخطأك

رفعت الافلام وجفت الصحف


بصراحة موقف يضحك و يبكي :(

بس احسن شي سواه ابوي بعدين

انه ضربني حتى أتأدب هههههههههههههههههههههه

وانتوا كم مرة صادكم موقف خطير بغيتوا تموتون ولكن مامتو ومازلتم أحياء ترزقون :27:


برجع لكم بعدين مع مواقف ثانية بغيت اروح فيها ولكن الله سلم :icon28:

140 تعليق 19,539 مشاهدة

شاركي في النقاش

سجلي الدخول لإضافة تعليق.

التعليقات

138
  1. @rsam_aayon

    هههههههههههههههههههههههههههههههه
    يامهبوووله
    تنتحرين ..؟؟
    هههههههههههههه


    في مره صار لنا هالموقف
    بس مع ولد اختي الصغير
    كان في حضن الخدامه والخدامه عند الباب (باب السياره)
    وكان يلعب في الباب

    وفجأه فتحت الباب
    خخخخخخخخخخخخخخخخخ
    كان بيطيحون مع بعض
    بس الحمدلله السياره كانت تمشي بشويش
    ووقفت

    مشكوره على الموضوع
    بااااي
  2. الف الحمد لله عالسلامة يا خبلة

    هههههههههههههههههه

    يعني يا تسويلي اللي ابغى يا اموت نفسي :30:

    انا ما فبالي اللحين الا مرة وانا كبيرة بس قبل ما اتزوج

    كنت مسوية شاي وتوي شايلة الابريق من على النار

    وطلعت مستعجلة بودي لابوي عندو رجال

    وانا امشي بسررررعة وإز بموية عالارض وما انتبهت لها

    وجيت بتزحلق ويا دوب سلمت

    الحمد لله ولا كان صدري راح فيها تشوه وعنست فبيت اهلي

    مشكـــــــــــــــووورة هنودة عالموضوع اللي يقلب المآسي

    محبتكم الدرة المكنونة
    :27:
  3. شكلك عصبيه يوم انتي صغيره :16: :16:
    ذكرتيني بموقف قد صار لي قبل كم سنه
    دخلت ابي انام يوم انسدحت كنت في وسط الغرفه شوي مت من البرد قمت غيرت مكاني نمت تحت المكيف يوم غفوة الا طاحت المروحه بس الحمدلله اني غيرت مكاني كان الحين في خبر كان""""
    طلعت لاهلي زي الجنونه اتكلم ابقول المروحه طاحت عجزت قمت ااشر على الغرفه هم تركوني وراحو ركض للغرفه وماتو من الضحك علي بس صدق خفت

تابعي تجارب أخرى من هذا القسم.