احكموا بيني وبين سي السيد وطالبة الجامعة الله لا يوفقها

السلام عليكم ورحمة الله وبركاته
حياك الله اختي
شوفي حبيبتي انا والعياذ من كلمة انا عندي مبدا في التعامل مع زوجي
انه مهما بدرت منه تصرفات خارجه عن ارادته مع اي انسان ثاني سواء رجال او حرمه
انه مالي دعوى على اي احد من هذولا الناس
انا لي فيه هو يعني الحساب يكون بيني وبينه ولا اروح ادور لا فلان ولا فلانه
يعني مهما بدر من الطالبه هذي
انا مالي علاقه فيها ابد انا لي علاقه في زوجي وبس لانه هو الي طور العلاقه معاها من الاول سواء بحسن نيه او العكس
يعني من رائي انه مهما بدر من هالطالبه حتى لو والعياذ من كلمة لو وصلت لمرحلة المعاكسه برضو انا الوم زوجي ولا بنات الناس كل وحده تحكمها اخلاقها عساني كمان ابغى اروح اربي بنات الناس
لا ياحبيبتي لاتنزلي مستواكِ لهذا التفكير واترفعي عنه
لأنه صدقيني والله اذا ربي رايد انه العلاقه تتطور رايحه تتطور حتى لو راقبتيه 24 ساعه
واذا ربي ماهو رايدلها انها تتطور ماهو رايح يصير شي حتى لو تجي وادق بابك
بس انتي استودعي نفسك وزوجك وبيتك لرب العالمين وادعي ان ربي يصرفها عنكم بخيرها وشرها
وربي يهون عليك امرك.

ههههههههههههههههههه الله يهديك بس

احسك غلطتي لا تزعلي
يعني يمكن هي ما تدري ان الرسالة بالمكتبات سبحن الله ساعات ادور على شي واتعب وبعد سنوات اكتشف انه بمتناول الايد
ثاني شي هو مدة دقيقتي مدة قصيرة مهيب طويله وحتى ثاني يوم قلت مدة المكالمة لو كانت نيته سيئة كان فلها وتكلم اقل شي ربع ساعة وهي نفس الشي
ثالث شي صراحة بالفعل تصرفك لما اتصلتي فيها وهزئتيها بهالشكل قللتي من قيمته واستصغرتيه خليتيه ما يسوا شي الحين بالله البنت شو راح تقول للناس؟ فلان زوجته تتجسس عليه ومتحكمة فيه؟ ترا الرجال كل شي ولا سمعته وكرامته
انتي حطك نفسك مكانه حد طلب منه خدمة ولبى الخدمة باحترام وبعدين تروحين انتي تدخلين عرض وتتصرفين هالتصرف
مافيها شي لو كان تواصل محدود جدا ومؤقت جدا للحصول على حاجة ومثل ما قلتي انتي واثقة فيه وهو لو ماكان واثق ماكان كلمك بالموضوع يا حليله
الحريم كانوا يروحون للرسول ويسألون بشتى المواضيع وهذا شي حلال
طبعا ما اقارن زوجك بالرسول لكن زوجك له رتبة في الدراسة تخليه قدوة ومطلب للطلاب
بعدين انتي بهالتصرف ممكن تخليه يعاندك ويتعمد انه يكلمها علشان يسترد كرامته
الحين انتي اشتريله هدية وراضية واعترفي بغلطك وقوليله ان حتى نساء الرسول كانت تغار واطلبي منه السماح وخلاص ما عاد تتصرفي هالشكل
ومرة ثانية خليكي عقلانية وواقعية اكثر من انك عاطفية
وترى في نسوان محترمات جدا عادي يتصلوا برجال محترمين وملتزمين ويطلبوا مساعدتهم وبعلم امهم وابوهم لان بيئاتهم فيها تحرر وثقة مو نفس البيئة اللي انتي نشأتي فيها،،حطي هالنقطة فبالك بيئاتهم وشخصياتهم مو نفس بيئتك وشخصيتك
نفس الشي المشايخ ومفسرين الاحلام والمسؤولين بالوزارات والمحاكم في اتصالات بينهم وبين نسوان تحصل
واحسني الظن الله يصلح بينك وبينه
ولاتزعلي من كلامي بس لاني اشوف الموضوع من وجهه نظر بعيدة وحاطة نفسي مكان زوجك واحس ردة فعلك طبيعية جدا

ياقلبي مافيها شي هي طلبت علم من زوجك ماطلبت شي ثاني
زوجي تخيلي يدق احيانا على حريم يطلبهم رسايلهم يرسلونها على ايميله لانا ندرس برى السعوديه واحيانا يستفسر عن رسالتها ايش هدفها ونتايجها وماماتت الدنيا
راقبي من بعيد ولاتنسي انه هذا طلب العلم والحين زوجك ماراح يقولك كل شي وهذي كانت غلطتي من قبلك