◎☻◎ تجمـــع أمهـــات أحـــلى كتـــاكيـــت مــــن الـــولاد☺ إلــــى 6 أشــ☺ــر ◎☻◎

متابعة النقاش، صفحة 243

شاركي في النقاش

سجلي الدخول لإضافة تعليق.

التعليقات

1,991
  1. البسة الامريكية
    سلام يا امهات اشلونكم واشلون الصغار الطعمين ان شاء الله راح انظم لكم ولتجمعك تجمع الكتاكيت لبى قلوبهم بنات >>>>>>>>> سوري قصدي امهات بنتي من فترة زكمت وصدرها مليان بلغم وربي راحمتها ماتقدر ترضع وربي لمن اسمع صوتها وهي تون وتتزحر يتقطع …
    مساء الخيرات

    جرح الزمن

    الله يشفي بنتج يارب
    طيب جربي تغيرين نوع الحفاظ حقها يمكن النوع اللي تستخدمينه مو مناسبها

    البسه امريكيه

    حبوبه بالنسبه للبلغم انا جربت لولدي شاي الزعتر
    طبعا ولدي مايحب يشرب الاعشاب ابدا
    ف صرت احط عليه الحليب وارضعه
    وماشالله خف عليه كثير .. صار يطلع البلغم بالترجيع
    جربيه والله يشفي بنتج

    عالم الروائع

    ماشالله تبارك الله.. ربي يحفظ لج بناتج ويخليهم لج
    وعقبال ماتمسكين انتي عيالهم وتفرحين فيهم

    شهد العسل

    حبوبه اذا ترجيع بنتج وايد اسالي الدكتور
    لكن في اطفال عادي يظلون يرجعون على خفيف الى الست شهور

    بندوله

    مشكوره حبوبه عالدعوه ربي يستجيب
    وبالنسبه للسيريلاك افضل نوع كبدايه هو القمح
    والكميه اذا تحطين ملعقتين حليب عالرضعه حطي وحده حليب وبنفس ملعقة مكيال الحليب حطي ملعقة سيريلاك ..واذا تحطين 3 ملاعق حليب استبدليها بملعقة سيرلاك وملعقتين حليب

    ام الغلا ودودي
    متمكيجه
    ورد وجوري


    منورين حبوبات

    ليدي لين

    ربي يطمن قلبج على بنتج
    بدري على الجلوس لحالها .. بس جلسيها بالجلاسه
    ويختلف من طفل الى طفل .. يتراوح عمر الاطفال فترة جلوسهم بين الست شهور الى 8 شهور
    وكل ما حاولتي انتي تساعدينها على الجلوس كان افضل عشان عضلات جسمها تشدّ وتبدأ تتعلم كيف تتوزان يمساعدتج ..

    مملوحه

    طيب ولدج ليش يصيح ؟!؟
    عشان الرضاعه يعني ؟!؟

    كرزه

    ماتشوف شر بنتج ربي يشفيها
    واللهايه اذا على اعوجاج الاسنان ماعليه .. صار تقويم الاسنان الحين موضه ههههاي
    بس والله اهم شي عندي انه يسكت
    وجدول الاكل عجبني .. يعطيج الف عافيه حبوبه

    شجرة الدر

    يسلمو حبوبه عالدعوه .. ولك مثلها
    وربي يحفظ لج عيالج يارب ويبلغج فيهم
    والكرسي موجود جنب العربانات وكراسي الاكل حقت الاطفال في تويز ار اص
  2. @hlm_alfrashat

    وه برهومي زعلان ويقول وين توقيع ماما !!!



    لاني مسنترة بالتجمع قدامنا شهرين حتى نتخرج ونروح لبيت جديد ...


    انا اليوم غبت عن الدوام برهومي مسخن بس سخونة غريبة في يديه وباطن رجليه وراسه بس اما باقي الجسم عادي ورحت للدكتور وقال حرارته عادية بس هو مزكم شوي واختي تقول يمكن اسنان لان له كم يوم مسهل الله يكرمكم مادري مو بدري على الاسنان
  3. @toleen_2

    هلا صبايا

    انا مدري انضميت لكم ولا لا خخخ الموهيم في حالة اني ما انضميت بطاقة تعريفية ببنوتتي عمرها 3 شهور و 20 يوم

    طبعا عندي موضوع عن محاولة العودة للرضاعه الطبيعية بعد الفطام ادخلو ادعموني فيه هنا

    http://forum.hawaaworld.com/showthread.php?t=3281897

    عندي اسئلة هنا

    مرات بنتي تتبرز يوميا و مرات تجلس يومين او 3 ايام و تتبرز عادي ما يكون قاسي ولا احسها تتألم ماشاء الله من بطنها

    المغص يارب لك الحمد مو مره اعاني منه نادر بس الغازات فظيعه و ريحتها مره قويه ولاحظت اني اثناء الرضاعه (صناعي) يكون ريحة الغازات مره كريهة .. غريبة ولا عادي - للمعلومية حليبها سيميلاك ادفانس

    الشيء الثاني وزنها الحين وزنتها في البيت اني طلعت في الميزان شفت وزني بعدين شلتها ووزنت انا وياها مره ثانيه طلع لي تقريبا 6 كيلو هل طبيعي ؟؟

    موعد تطعيمتها حقة 4 شهور الاسبوع الجاي ان شاء الله مره قلقانه عليها لاني جديدة في استراليا واول مره اطعمها هنا التطعيمة الماضية حقة شهرين تحزن سخنت و انتفخت اللي في فخذها مره وجلست تبكي ..

    ايش عندكم نصايح لهالشيء

    طبعا انا مو ناويه ادخل لها سيريلاك ولا اكل ابدا الا بعد ما تدخل سته شهور ان شاء الله لأني دخت من كثر ما قرأت بحوث و كتب طبية ووو الخ واستقريت على اني ماراح ادخل لها اي شيء غير الحليب الا بعمر 6 شهور عشان احميها من الحساسية و الاعرضا الاخرى اللي يسببها ادخال الاكل في مرحلة مبكرة (احترم وجهات النظر المختلفة طبعا) ..

    عندي سؤال : بنتي احسها تطفش بسرعه يعني عندها الفرشه اللي فيها العاب على الارض وعندها زي المخدة كأنها كرسي احطها عليها و العبها كثير واكلمها ووو الخ بس تمل بسرعه خاصة لما احطها بالارض لما تنقلب ماشاء الله تعصب مدري ايش اسوي ؟؟

    احسها بدأت تتعبني من هالناحية

    الشيء الثاني لما نكون في السيارة تطفشني برضوو تمل من القعدة في الكرسي حق السيارة وطبعا مستحيل اخذها عندي ايش عندكم حل ؟؟ حطيت لها العاب بس تمل بسرعه

    كمان الحفايظ ماخذه على مقاسها يعني للبنات اللي من 4 الى 8 كيلو لكن احسها صغيره اغيرها للي اكبر حتى لو مو وزنها ؟؟

    راح اغير الحليب طبعا ضروري لان حليبها مو متوفر هنا في البلد فايش رايكم ايش من طريقة اتبع ؟؟


    ازعجتكم بأسئلتي بس طبعا ام لاول مره خخخ
  4. حلم الفراشات

    مايشوف شر برهومي .. بدري على التسنين .. لكن والله سمعت عن حالات نادره يسننون الاطفال من عمر 3 شهور ..
    اقري على ولدج وماعليه شر ان شالله

    تولين

    ياووووويلي ذكرتيني بأيام الغربه باستراليا .. اووووووف الحمدلله اننا خلصنا ورجعنا بالسلامه
    انتي وين باستراليا ؟!؟ انا كنت في كوينزلاند مدينة توومبا .. قريبه من برزبن و جولدكوست
    بالنسبه لريحة الغازات غريبه ان ريحتها كريهه !! لأنها مابدأت تاكل عشان تصير ريحته كريهه
    حتى البراز في هالعمر تكون ريحته مو مره قويه لأنه بس حليب ياكل الطفل
    طيب جربي اذا غيرتي لها الحليب وشوفي يمكن يتغير برازها
    وبالنسبه لوزن بنتج فهو طبيعي اللهم بارك .. الوزن الطبيعي لعمر 3 شهور يتراوح من 4.3 الى 7 كيلو
    وبالنسبه للتطعيم تفائلي يقولون عادة اذا تطعيمة الشهرين تعب منها البيبي مايتألم من تطعيمة الاربع شهور ..
    اهم شي عطيها ادول قبل التطعيمه عشان ماتسخن ..
    وترا كل الاطفال يطفشون بسرعه .. وانتظري لين تبدا تسنن راح تطفش اكثر وتطفشك معاها ههههاي الله يعين .. جربي اكثر من شغله لها .. انا نفس حالتج شريت العاب والمفرش اللي بالارض وكله بسرعه يطفش منه .. حاولي كل شوي تغيرين مكانها ووضعية جلوسها .. جربي تقرين لها قصص وهي في حضنج ووريها صور القصه .. في اطفال يميلون للهدوء اكثر من ازعاج الالعاب .. وربي يهديها لج
    وعارفه حالة كرسي السياره خصوصا باستراليا لأن ممنوع تحطينها بحضنج .. بالبدايه راح تعذبج لكن شوي شوي راح تتعود عليه ان شالله .. والحفايظ مو شرط تلتزمين بالوزن .. اذا حاسه انها صغيره خذي اكبر
    وربي يهون عليج غربتج ويحفظ لج بنتج
  5. @grh_alzmn_12

    اليوم طعمت بنتي تطعيمة الشهرين

    هل لازم ترتفع حرارتها حتى تكون التطعيمة ناجحة ومناعتها قوية

    لأنها ما ارتفعت عند بنتي

    طمنوني الله يطمنكم

تابعي تجارب أخرى من هذا القسم.