خلااااااااااااااص تعبت من تصرفات زوجي كرهني فيه...

في عالمنا الواقعي طبعا مافي أحد نفضفض له .. لكن ماقررت أكتب مشكلتي إلا بعد ماطفح الكيل وخلاص انهرت.. وأعرفكم ماتقصرون ماشاءالله..
طول الوقت أنا وزوجي مضاربات والسبب هو الله يصلحه الخلافات البسيطة يقعد زعلان عليها شهور..تخيلوا وطول هالشهور وأنا أراضيه سواء كنت غلطانه أو ماني غلطانه ومافي فائدة..خلاااااااااص تعبت بس يخاصم فيني وبشخصي..وصار لنا منتقلين بيت جديد سنة وأنا ماني مرتاحه فيه يعني شئ موبيدي وجيت قلتله ماني مرتاحه تخيلوا قعد يخاصم .. يعني مومعقول كذا ..وتخيلوا على إيش يزعل وأراضيه؟؟؟ أنا ماشاءالله صوتي طبيعته عالي..يعني موعالي صراخ.. جهوري يعني أكيد فاهمين علي.. وفجأة وإحنا نتكلم يقولي أرخي صوتك ياحيوانه وقومي اقلبي وجهك عني ..وأنا ضعيفة مندمجة بالسالفه..وكل شئ موحلو بحياته أنا سببه يعني مثلا أجيه بكل أسلوب حلو وجميل ويكون رايق وقتها أقوله ليه ماتترك التدخين يقعد يقولي أنت تخليني أدخن ..من جد أسلوبه يرفع الضغط.. وفي كم شيبه برأسه طول الوقت يقعد يقولي جيبتلي الشيب.. وكمان يقولي أنت السبب أصحابي بعدوا عني ماأحد صار يتصل علي..وأنا والله بريئة ماسويت شئ...مرات أضحك ومرات أبكي من كلامه اللامنطقي..
والله إني جالسه أبكي من القهر آلان ..عمري ماكلفت عليه بشئ وآخرتها يسوي كذا..وهاليومين طالعي يقولي أنت مختله أنت مريضة أنت نكد وكلي تراب ..
لين قبل يومين سوالي مشكلة وبيوديني لأهلي تدرون على إيش؟ أنا وقتها كنت سهرانه كملي يوم وعليها صاحيه مانمت وقتها هرجني وأنا أهرجه عاادي بس تعرفون السهران كيف النوم يسويبه وفجأة قام يصرخ ليش تكلمني وأنت معصبه وأقوله هذا فيس وأشر على وجهي سهران مو معصب..وأراضيه ومافي فائدة ويقولي والله لأدفعك ثمنها غالي .. من جد العالم وجدوا حلول وصعدوا لسطح القمر ورجالنا لسى بتخلفهم .. نفسي أجمعهم كلهم وألقي عليهم محاضرات وندوات عشان يستيقظون من التأخر والتخلف اللي هم فيه,,وأؤكد إنه 99 بالمئة من حالات الانفصال سببها الرجل..
والله جبتله هدية في رمضان ولافي فائدة كل ماله يزيد قسوة وكل شويه يهددني بأهلي..ولنا سنة على هذا الحال مع التفاهات اللي هو قاعد يسويها .. الله يسعدكم أعطوني حل لأني تعبانه ومقهورة واللي عندها رد جارح ترى الللي فيني مكفيني..

57 تعليق 27,157 مشاهدة

شاركي في النقاش

سجلي الدخول لإضافة تعليق.

التعليقات

53
  1. @shmooooaa

    اقري سورة البقره يوميا وادعي في صلاتك وقولي يارب سخره لي واصلحه لي واكثري من الاستغفار وايضا قولي ربنا هب لنا من ازواجنا وذرياتنا قرة اعين واجعلنا للمتقين اماما

    ولا تتاسفين كثير واذا زعل اتركيه وقولي اصلا انت تدور لزعل من اي مكان واذا انا مو غلطانه مراح اتاسف وحتى الاسف ما يسوي شي معاك عشان كذا مراح اتاسف
    او طنشيه ولا تتاسفين وخليك ساكته وبس سوي اللي واجب عليك من طبخ وغسيل وطنشيه لا تكلمينه واكشخي والبسي واعتبريه مو موجود في البيت
  2. @zman_fat

    ربي يفرج همك ويصلح حالك ياحبيبتي انتي اذا شفتيه يزاعق لا تنرفزين خلي نفسيته تهدأ لوحد ياختي كذا المدخنين نفسيتهم بخشومهم --

تابعي تجارب أخرى من هذا القسم.