قصة ولادتي ًًًالحمد لله ًً

السلام عليكم

يوم 15 رمضان رحت مراجعه عاديه عند الكتوره كان باقي لي 10 ايام ويخلص التاسع تكشفت علي من تحت لقته مفتوح 4سم تقول عندك الألم قلت لها لا ماعندي اي اللم سوت لي تخطيط مافي الألم كان زوجي معاي رجعت عند الدكتوره قالت لازم تدخلين المستشفى نسوي لك طلق صناعي ما ارتحت للموضوع اتصلت بامي قالت لي ليش يسوون لك طلق وانتي مابعد خلصتي التاسع وكانت رافضه وانا ما كنت مرتاحه للموضوع  بس زوجي أصر علي وكل ما كلمته يقول كله من امك اسمعي كلامي وخلينا نخلص قلت له خلاص مب اليوم بدخل خلها بكره لانه مب مستعده نفسيا

قال خلاص رجعت البيت وشربت حليب بالدارسين وكنت امشي وواااايد وبعدها قريت سورة يس وسورة مريم

اليوم الي بعده رحت المستشفى الظهر حطوا لي طلق صناعي بدا الطلق يحمى وكل اشوي الدكتوره تفحص ما يفتح عندي بسرعه والطلق يحمى وانا ماعدا استحمل الألم تعبت كثير

جى المغرب صار مفتوح 6سم وكيس الماي انفتح بس في مشكله الجنين كان فوق مايبي ينزل خلوني أنام على جنب ولا في اي فايده خلاص نزلوني غرفت الولاده انفتح عندي 7سم ووالجنين مب راضي ينزل

تعبت كثير بدى نبض الجنين ينزل والأكسجين يقل بعدها أقروا لي عمليه قيصريه

دخلوني غرفة العمليات والكل كانوا يستعدون بس مستشفى زفت أنا كنت ميته من الألم وهم يستنون التامين يغطي العمليه او لا الدكتوره جنت يوم تأخروا أسمعها وانا بالعمليات انتظر تقول المره لتموت واحنا ننتظر

شوي ويدخل طبيب التخدير ويحط الكمامه ويقول خلاص الحين بتانمين وبعدها ما حسيت الا أنا في
غرفة النقاهه وشوف زوجي قدامي يقول الحمد لله على سلامتك

الله لايروي وحده التعب الي شفته بس اسأل الله الأجر

والله بعدها تذكرت كلام أمي أني لا استعجل توني بس هاذي المستشفيات الربحيه وتمنيت أني ولدت
بمستشفى حكومي الله يعز الحكومه

والله مستشفى حمد لنساء والولاده فيه احسن الدكاتره خبره وأحسن الأجهزة

بعدها زوجي حس بتأنيب الضمير لانه اجبرني ادخل المستشفى  

14 تعليق 1,483 مشاهدة

شاركي في النقاش

سجلي الدخول لإضافة تعليق.

التعليقات

14
  1. كل شي اباجرة ان شالله
    والف الحمدالله على سلامتك وتتربى البنوتة في عزك ولا تفكرين في اللي فات خلاص
  2. @nor_okly_nor

    ألف الحمدالله على سلامتك هذا هي المستشفيات الخاصه لازم تستعجل وتبي تدور الأربح عشان مصلحتها بس الحمدالله أنتي بخير والبيبي بخير هذا أهم شي

تابعي تجارب أخرى من هذا القسم.