شاركي في النقاش

سجلي الدخول لإضافة تعليق.

التعليقات

2,000

  1. ام حفصة القادمة
    يا اوكسى انتى قلتى لوزه ان الجرجير والخضار حيزودوا عندها اللبن فانا فهمت براسى الحلوه دى انهم بيرفعوا هرمون اللبن زى الحلبه مثلا لو انا فهمت غلط فهمينى براحه من غير قرص ولا عض ولا سيخ محمى :icon33:
    حبيبة قلبى يا ام حفصة معلش اغفريلى عصبيتى .. شوفى يا قمر ادرار اللبن بيتحكم فيه هورمون اللبن سليم ومفهوم لكن الست المرضع اللى لبنها قليل فى صدرها مش السبب بيكون الهورمون قليل الهورمون عندها بيبقى تمام لكن ادرار اللبن قليل طب ليه ؟

    هورمون اللبن بينبه الغدد اللبنية انها تفرز لبن بالظبط زى مايكون عندك خدامة وبتأمريها انك تعملك طبخة .. الامر وصل واتفهم لكن مستحيل يتنفذ الا بالتغذية الصحيحة زى الخدامة مش حتنفذ امرك الا لما تديها فلوس تنزل تشترى الطلبات ( قال ياجارية اطبخى .. ياسيدى كلف )

    فالمرضع لازم تفهم ان مكونات اللبن بيكون
    1- الماء
    2- سكريات
    3- بروتينات
    4- فيتامينات واملاح معدنية ( الاملاح المعدنية تشمل الكالسيوم - الحديد - الماغنسيوم )

    طبعا اكلنا اللى احنا بناكله من مكرونه وخبز ورز بيتحول فى الآخر لسكريات تمام - اللحوم والدجاج والسمك مصدر البروتينات .. يتبقى الفيتامينات والاملاح المعدنية فدى مصدرها الرئيسى الخضار النىء وخصوصا الورقيات

    كمان بيتحكم فى عملية ادرار الحليب عملية المص اللى بيقوم بيها الطفل ..

    عرفتى يا ام حفصة .. لكن اللى مش بترضع اصلا وهورمون اللبن عندها قليل فلا الخضار ولا غيره بيعلى الهورمون

  2. @mama1983_1

    انا جيت بالاخبار الحلوه
    الحمد لله يابنات المقابله كانت اكثر من رائعه تنظيم ايه ومعرفه الحاله بالتفاصيل ماشاء الله بصوا انا حكيلكم من الاول
    اول حاجه دخلت لدكتوره روايه وهيا ايرانيه بس بتكلم عربي كويس اخدت مني التاريخ المرضي كامل بالتفاصيل واطلعت على تحاليلي والله طلعت دكتوره فاهمه مش زي كل المساعدين الي مروا عليا بيفتوا من غير فهم المهم بعد ما خلصنا قالت لي غالبا دكتور مايكل حيقولك على اوبشن جديد احنا بنعمله انا استبشرت خير
    المهم دخلت بقى على الدكتور بعد ما قراء ملفي قبل ما ادخل الراجل متفائل جدا ولا حسسني ان حالتي ميؤس منها ولا حاجه بالعكس قالي دكتور متجوزه مهندس ده انتوا حطلعوا عيال اذكياء جدا ده اول كلمه قال لينا تخيلوا مبتسم ومتفائل كده الحمد لله قالي يا دكتوره انا شايف ان احسن حل لحالتك هيا الnatural ivf قلت له والله يادكتور ده الي انا بفكر فيه بالضبط قالي اه طالما انتي مش بطلعي اكثر من بويضه او اثنين ولسه التبويض عندك شغال يبقى احسن حل هو اننا نتابع التبويض ونشتغل على البويضه ده وده حيرفع من نسب النجاح في حالتك جدا والتكلفه قليله جدا بالنسبه للعاديه تقريبا ال3 محاولات بسعر محاوله واحده عاديه بعد كده عملت السونار طبعا الدكتوره هيا الي بتكشف وهو واقف جنبها بيعلق على الاشعه بس قالي ماشاء الله انا شايف الجسم الاصفر بتاع الشهر الي فات بس عندك مشكله بطانه الرحم عندك سميكه جدا جدا (سبحان الله وانا الي كل الدكاتره الي مريت عليهم اقولهم ياجماعه انا بطانه الرحم عندي سميكه جدا ومحتاجه اعمل كحت يقولولي لا بالعكس كل ماتكون سميكه كل ماتكون ممتازه) الدكتور قالي ده في حد ذاته بيصعب الحمل احنا ننتظر الدوره تيجي وتعالي اليوم الخامس نشوف بطانه الرحم والتبويض لو لسه سميكه لازم نعمل منظار رحمي ونعمل كحت ( يارب اخيرا حد قالهولي اخيرا سمعت الكلمه السحريه ده منظار رحمي الحمد لله يارب ) وقالي لازم مسحه من عنق الرحم وخرج وفضلت الدكتوره رويه قالتلها انا كل عمليه اقول للدكتور يادكتور بطانه الرحم وحشه سميكه يولي لا ما تقلقيش ممتازه يادكتور متاكد انا مش محتاجه كحت يقولي لا قامت الدكتوره رويه قالت لي بصي دايما لما تحسي انك محتاجه حاجه اعمليها امشي وراء قلبك انتي مش دكتوره
    الحمد لله بجد يابنات انطباعي عن الدكتور ده انه بجد فاهم قوي ماشاء الله هو على فكره عنده مركز هنا في دبي وتبع مستشفى الامارات ابوظبي وكمان مركز في امريكا ومركز في بيروت بس منظم جدا جدا جدا وتقريبا كل الي شفتهم النهارده معايا امريكان وواحده اماراتيه

  3. @daao_hlollh

    فاطمة الزهراء912
    مشمشتى اذيك يا قمر بت يا وداع رمال بتسلم عليكى سلام خصوصى وبتسلم على كل البنات
    الله يسلمك ويسلمها يافاطمة
    والله مفتقداها قوي وكل ما بتجيبو بسيرتها بيحز في نفسي بعدها
    ربنا يصلح لها الحال يارب ويجازيها عننا خير
    مشمشة
    الف سلامة علي هدي العسولة
    قطوس
    هل هلالك
    ايه يابنتي الغيبة الطويلة دي؟
    كده حتوقع عليكي جزاءات:39:
    اوكسي
    الله ينور يامدرسة
    حاوة المعلومات دي وطريقة عرضك طبعا ماشاء الله
    ماما
    الحمد لله
    انك ارتحتي للدكتور
    ربنا يجعله سبب وعلي ايده الخير يارب

  4. @mtfayl_gda_1985

    اللهم لك الحمد
    انا جيت اطمنكو ان نسبة الصفرا بدأت تقل
    الحمدلله يارب

    الدكتور قالنا التغذية كل ساعتين هو ده العلاج

    بس موضوع الشرقه ده مخليني زي المجنونه

    على فكرة انا منسيتكومشي في الدعوات
    ربنا يكرمكو كلكو عن قريب

  5. @fatm_alzhraaa912

    متفائلة جدا 1985
    اللهم لك الحمد انا جيت اطمنكو ان نسبة الصفرا بدأت تقل الحمدلله يارب الدكتور قالنا التغذية كل ساعتين هو ده العلاج بس موضوع الشرقه ده مخليني زي المجنونه على فكرة انا منسيتكومشي في الدعوات ربنا يكرمكو كلكو عن قريب
    قطوس يا عسل اذيك كنتى مختفية فين يا بنتى ربنا يطمنا عليكى



    الحمد لله يا ماما انك ارتحتى للدكتور وما شاء الله واضح انة فاهم ربنا يجعلة سبب لحملك قادر يا كريم وتجبلنا بنوتة عبقرية زى امها كدة وتبقى شخصية علمية معملية فزة هههههههههه




    والله هى كمان مفتقدة التجمع بس هى واخدة قرار لا رجعة فية وبعدين هى اصلا مش فاضية لانها رجعت شغلها تانى فالوقت عندها على القد ربنا يعينها ويقويها واحنا اللى يهمنا انها تبقى بخير وبس




    الحمد لله يا حبيبتى ربنا يطمنك عليهم وتفرحى بيهم يارب وموضوع الشرقة دا عادى فى اطفال كتير كدة انتى بس متقلقيش نفسك وافرحى بيهم واستمتعى مضيعيش فرحتك بالقلق وان شاء الله هيبقوا زى الفل

تابعي تجارب أخرى من هذا القسم.