الله يعيننا على هالدنيا بخير ......ولدي حبيبي والبلك بيري

@aloaaaaan_alhya

السلام عليكم ورحمة الله

بادخل في الموضوع على طول
هذا يا خواتي ولدي الله يحفظه بثاني متوسط وهو من النوع النظيف ........اقصد تفكيره نظيف يعني ماله بالنت وهالحركات طييييب مره

ومن فتره وهو يطالبنا بالبلاك بيري (الله يكفينا شره)وانا احاول اقنعه وكذا وكذا وكل يوم يروح اقول الحمد لله مكسب

بس اليوم خلاص انتهى صبره ووالله اني رحمته يقول كل عيال الجيران واصغر مني ومعهم

وانا منب اسوء الناس وانا ما ابي الاشياء الوصخه انا ابي اصير مثل الشباب

وحتى بالاجتماعات صار مع هالبزارين والله ان بعضهم اولى ابتدائي

والله اني ما ودي ينكسر خاطر وليدي ياناس احبه ما ابيه يضيع ما ابيه يتلوث تفكيره ابيه كذا نظيف والله اني محتااااره ما ادري وش الحل :(
حالتنا الماديه زينه نقدر نشتري اللي يبي بس ما ابي البلاك بيري

ياحلوات الله يوفقكن شورو علي ترى كثير ناس مثلي

الله يعافيكم اللي تعرف آرء ناس مختصين الله يوفقه تتحفتي فيه

احيانا اقول في نفسي هو في يوم من الايام راح يتعرض لهذي الاشياء هي مسألة وقت بس ماودي اضعف ونشتريه الله يوفقكم بالدنيا والاخره

وانا استغرب الناس كيف يعطونه اطفال حرام عليهم والطفل ذكي وعنده حب الاستطلاع والناس تقول ابد ما فيه شي:(

42 تعليق 3,577 مشاهدة

0 0

شاركي في النقاش

سجلي الدخول لإضافة تعليق.

التعليقات

42

  1. @shmokhy_kbryaaa

    طيب عادي اشتريله بلاك بيري بس شرط ماتفعلينه الخدمه دامك خايفه عليه
    والله ان هالزمن يااختي يخوووف والواحد يحااااول قد مايقدر يبعد عياله عن هالاشياء
    والله انه فتنه هالجوال الله يكفي الجميع شر
    وربي يرزقك بره وتشوفينه من الصالحين ومن أئمة الحرم
    ماعندي رد بس حبيت أشاركك
    بالتوفيق والله يعينك ويعننا ع تربية ذرياتنا ويحميهم من كل شر ومن كل فتنه
    آمين

  3. @sdyraoyh_kshkhh

    أنا أشوف من ناحيتي ماتحرمينه منه عشان مايحس با النقص
    بس ماتعطيه اياه الا بشروط
    مثلا مايحط رقم سري لجواله
    وانك تاخذيه تتفرجي عليه متى مابغيتي
    وانو مايلهيه عن دراسته .. وكذا يعني

    ومن البدايه قولي ليه اذا ماصارت الشروط اللي قلت لك عنها راح اسحبه منك
    انا ماقلت لك ها الطريقه إلا مجربتها مع خواتي اللي كبره وحده بثاني متوسط والثانيه بثالث متوسط
    بس زدت شرط انهم ماياخذونه معهم لغرف نومهم فوق لا يخلونه تحت وهم معنا بس وفي الطلعات ..لكن ماتقعدبه في غرفتها ولحالها ..والحمدلله لنا شهر من عطيناهم وهم مطبقين الشروط ...

  4. @aloaaaaan_alhya

    صاحبة الموضوع
    شموخي كبرياء

    الله يجزاك الجنه ويفرح نظرتك بصلاح ذريتك وهذا اقتراح ممكن وانتظر منكم ياحلوات باقي الاقتراحات

    الا كبريائي
    بارك الله فيكم على الرد السريع ووالله انك صادقه فيه ناس مررره تاركين لعيالهم الحبل على الغارب لا ويقولون الله الحافظ اكيد الله الحافظ بس انتي سبب من اسباب الحفظ

    سديراويه كشخه
    حلوه طريقتك والله يوفقك للخير
    بس انا ابيه يكون له قناعاته الخاصه مايكون إمعه الناس إذا طاحوا بشي موب لازم كل العالم تسويه

    تعرفون اللي يقول يمسي الحليم فيه حيرانا هذولا حنا ياللي ودنا نحافظ على عيالنا

  5. @ssant_ghlayss

    يا اختي كيف لو تجين عندنا في جماعتنا تلاقين امهات يشترون البلاك لبناتهم الصغار
    واللي يقهر انك لو تفتحي جوالاتهم كل المصائب فيها
    ما اقول غير الله يهديهم
    اشتريله ايفون احس انه ارحم من البلاك
    او ايباد حمليله البررامج الحلوه الهادفه

تابعي تجارب أخرى من هذا القسم.