ابوي بيفصل خواتي من الجامعه عشان زوجته؟؟ وش الحل

مساااااااائكم وررررررد

القصه مثل العنواان ابووي يبي ياخذ مكافأت خواتي بالجامعه وحده منهم مستجده والثانيه ثاني سنه واقسامهم حلوووه ونسبهم حلووه وشاطراات
مهددهم لو ما اعطووه الصرافه
بيخليهم بالبيت
طبعاا يبي الصرافات عشان يصرف على زوجته الثانيه
هو يستلم 9 الالاف وله دخل ثااني 3 الالاف وعليهاا
ومبسووط
بس كذاا طمع قال ايش بيصرف عليهم:44:
وهو من تزوج الثانيه مايصررف عليهم ولا يحزنون حالتهم كسيفه مررره
اهانات وضررب وسب وفوق هذا زوجته زي الضيفه بالبيت ولا قالها قوومي سوي الغدااء قالت انا مو شغاله عند احد
وبالمقابل خواتي يدرسون ويكرفون ويطبخوون وهي تاكل وتنام وشقتها كنها فندق تنظفهاا وتنام فيهاا بس
قاعد 24 ساعه تحت
لاتقولون امك امي مسكينه لاحتاجت باعت من ذهبهاا حتى اغراض المدرسه قضتهاا للبنات وابووي ولا سائل ولاهمه
اخواني واحد بالجامعه حالته حاله طالب ويالله مكافأته تصررفه
الثاني موضف بس مديون وزوجته وعياله يعني حاله :44:
الباقي طلالاب يدرسوون
:09:
تعبنااا نفسيااا من المشاكل
حتى يووم تزوجناا مشاكل ابووي ومعاملته لامي وخواتي لاحقتنا
كله كووم ومكافأت خواتي كووم
وش يسوون يعطوونه ويدرسون ويتعبوون ولاياخذون شيء منهااا واللي يقهرر انه بيصرفه على اللي ماتتسمى زوجته الله لايوفقهاا
بالله مو قمة اللقهر
ولا مايعطوونه وينظربوون وينفصلون ويضيع مستقبلهم على شيء يقهرر

ايش الحل تكفوون ساعدوووووووني
علمااا انه مايصررف عليهم ولا يقضي بالبيت الا اساسيات وبهواش بعد
وعند زوجته كل شيء تبيه
لها ولعيالهااا
ومايعدل بينها وبي امي ابد في كل شيء
لا في مناسبات ولا اعياد ولا دراسه كلهااا مايعطيهم رياال
فهمتوا موقفهم قولولي كيف نتصررف
الله يرضى عليكم
:44:

37 تعليق 4,013 مشاهدة

شاركي في النقاش

سجلي الدخول لإضافة تعليق.

التعليقات

37
  1. لا حول ولاقوة الا بالله

    ربنا يهديه ويصلح حالكم

    تعالي شوفي فرحتي ببنت زوجي وهي في الجامعة وربي ماوسعتني الدنيا كنت ازن على راسها تسجل بالجامعه
    واكلم قرايبها انه يقنعوها لحدت ماسجلت ربنا يسعدها ويحقق امانيها هي واخوانها واولادي كلهم
    في دا الزمان ماينفع البنت الا دراستها

    ربنا يوفق اخواتك وتشوفيهم بااعلى المراتب
  2. @gh_ngd_la_4

    لازم واحد يوقف ابوك عند حده واذا كان لكم عم اخو لابوكم اشكو ابوكم عنده

    واذا تعقدت الامور خلي خواتك يروحون يعيشون عند اخوك المتزوج

    ويعفون اخوك من مصاريفهم ويصرفون على انفسهم من مكافأتهم

    ويفتكون من ذل ابوك وزوجته

    وبالنسبة انه ممكن يفصلهم حتى لو عاشوا عند ابوك اسألوا محامي كيف تحولون ولاية خواتك لأخوك

    والله يفك ازمتكم وحسبي الله على كل زوجة أب ظالمة جعلها تشوفه بعياله وحريمهم وجعله تذوق اللي ذاقته امك

    وبعد حسبي الله على كل زوج يفرق بين زوجاته ويظلم وحده على حساب الثانية جعله يشوف عقاب الله بالدنيا قبل الآخرة
  3. @amnyat_tflh_2

    الله يهديه ابووك حاط عينه على مكافأه هالمسكينــآت
    خلها تكفي مصروفهم وكتب الجامعه ومصاريف الجامعه ماتنتهي الله يهديه بسس
    بس يااختي لاتستسلموون هذا مستقبلهم وخلهم يشدون حيلهم ويتمسكون بدراستهم هذا املهم الوحيد من بعد الله
    عشان يتخرجون ويتوظفون ويعوضون نفسهم وامك المسكينه

    وششي يقهر يضغط ع بناته الي جزء منه عشان زوجته

    واذا ع المكافأه يقولون له مانقدر لانها يادوب تكفي مصروف الجامعه

    وربي يعينكم ويهدي ابوك لكم دعواتي لكم ان ربي يفرج همكم :(
  4. صاحبة الموضوع
    الله يسعدكم كلكم

    ياحبيتي اخوي ساكن بشقه صغيره ببيت اهلي مايقدرون يروحون خواتي عده ولوفرضا ان اخووي براا وبيروحون له تبين ابووي يذبحهم ويسووي مشاكل مع اخووي وامي وش ذنبهاا
    غير كذاا اعمامي ملووا من مشاكل ابوي ولوتدخل عمي ابوي بيقول له مالك دخل بيني وبين بناتي وبيقلب السالفه على امي والبنات وبيقولهم ليش تطلعون اسرار البيت
    وبالنسبه للمحاممي مايمديها ابد ابد بيصير مشاكل اكثررر
    الله يجزاكم خيرر

تابعي تجارب أخرى من هذا القسم.