اتصلت باختي وقهرتني بالسوالف

كيفكم بنات

توني رحت ابي اكلم اهلي وردت علي اختي وكنت ابيها تعطيني اخبارهم بعد امس لأنهم مسويين عشاء

لعمي وعياله فقلت لها كيف المناسبه امس ومين حضر وشوي إلا تقولي امس مره كان زفت وقلت لها ليه

قالت حليمه رجعت لعادتها القديمه وعرفت انها تقصد بنات عمي يا بنات هذولي بنات عمي كنت احترمهم و

حسبة اخواتي لكن حسيتم مزودينها هالسنين الأخيره بزياده يعني يزعلون من ولا شيء وبعد فتره يقولون

حنا مالنا داعي ليش نتزاعل ومن هذا الكلام يعني يزعلون من نفوسهم ويرضون من نفوسهم قبل اذاتزاعلوا

مع اهلي يجلسون فتره بسيطه ويرجعون يكلمونهم لكن الحين صار بالشهور

المهم انه امس زعلانين علشان ليه امي ما كلمت امهم وقالت تعالي مع ان هذا الشيء ما كان بيننا يعني

الرجال يخبرون الحريم المهم في العصر ما جو ا ارسلت امي اختي تشوف ليه تأخروا قالوا لها توكم تتكلمون

وجو متى على العشاء وما يعطون اهلي وجه يعني كلها نضراتهم استحقار وجالسين بالمجلس ومو عوايدهم

كانوا على طول معنا يدخلون المطبخ ويسولفون معنا وحنا نفس الطريقه لما نروح عندهم المهم ويمسكون

وحده من الضيوف وهاتك يا حش تقول اختي المشكله قدامنا استحقار وحش يعني لو من ورانا اهون وتقول و

حنا ساكتين وامي المسكينه تقول روحوا سولفوا معهم وامي اساسا لو بأكلمها عارفه انها مارح تقولي باللي

صار علشان ما تبغى مشاكل وهي طبعها كذا ما ادري ضغف شخصيه او ايش تقول اختي والله جالسين انا

واختي الثانيه في الصاله بعدما نضفنا المطبخ لوحدنا وشكلنا يحزن وحنا نطالع ببعض وساكتين المهم غيراشياء

كثيره ثانيه ما يمديني اكتبها الحين

وش رايكم فيهم :angry2: