ابي مشورتكن والموضوع مرررررره خطير

السلام عليك
اخباركم ياحوائيات فديتكن
انا مشكلتي زوجي ابي اقول قصتي من البدايه اعذروني راح اطول بس ابي مشورتكن وش اسوي
انا تزوجت وعمري 16 واللحين عمري 19 يعني لي سنتين متزوجه بس ماعندي اطفال يمكن خيره اني ماحملت اوكي اول سنه زواج كانت مره حلوه ومافي مشاكل وكان مره كويس معي ويخاف علي والسنه الثانيه انقلب فوق تحت ماعاد هو الاولي ماعاد يسولف معي واذا جلسنا جلسنا على التلفزيةن والكل ساكت ولاما اتكلم ولا كاني اتكلم اسكتي ابي اتابع كل شي يتابعه لوبرنامج سخيف اهم شي مايسولف معي قبل فتره اكتشفت انه يكلم بنت وانا كاني مادري عنه ولا حسسته اني اعرف هاذي اول مشكله المشكله الثانيه ماينام عندي بالغرفه ولاما اقوله تعال نام بالغرفه يقولي انا مااحب انام الاعند التلفزيون وانا عكسه مااحب انام وعندي ازعاج اوكي المشكله الثالثه لي سنتين متزوجه بحياته ماقال ليش ماحملت ولا نروح لمستشفى نشوف ليس ماحملتي ولاما اجيب طاري المستشفى يحاول يتهرب وفوق هاذا كله صاير جماد البس واكشخ ولا كان احد معي ومقصر حتى من الناحيه الزوجيه يعني صاير اذا نام معي بالاسبوع زين عكس السنه الاولى كان يومي وكنت مااطيق السالفه هذيك لانه كان متعبني كانه دوام يوميا واللحين البس واكشخه ولا كانه ما يشوف وكل ذا كان عندي عادي بس اليوم صار شي انجنيت منه كنت طالعه مع اختي نتمشى ولامارجعت مالقيته بالبيت وجلست على اللاب توب واشوف ولا الاخ كان يتابع مقاطع سس عاد انتو كملوها ولا فيه اثار مناديل اخ ياخواتي وش اسوي انصحوني دلوني ارشدوني اطلب الطلاق ولا اتحمل ولا اصارحه نسيت اقولكم البنت اللي يكلمها يبي يتزوجها ودايم يلمح لي تخيلي اتزوج عادي عندك وانا ياغافل لك الله
هو خايف اني اقول لاحد او اطلب الطلاق واخته متزوجه اخوي وخايف على مصلحه اخته اكثر مني
مره قالي تخيلي اني متزوج قلت له عادي انا ماتجي علي وحده ثانيه يعني ننفصل قال حتى لو انفصلتي ابوك وامك مو دايمين لك واخوانك ماراح يتحملونك تخيلو يعني مقال لا يحياتي وانا مااستغني عنك وانا احبك اوف وش اسوي والله مليت