بنتي أحرجتني اليوم بالدانوب!

مساء الخير بنات..
اليوم رحت للدانوب وهو سوبر ماركت كبير للي مايعرفه..المهم أني رحت اتقضى مع زوجي وعيالي الدانوب اللي بجمب صحارى وأخ\ت عربية وزوجي عربية لأن الأغراض كثيرة والثلاجة بالمرة فاضية وكان زوجي معاه ولدي الصغير وانا معاي بنتي عمرها ثلاث سنوات ..المهم كنا نتقضى سوا بس قال زوجي أنت خليك هينا عند قسم البهارات والتمور وهو راح للمخبز يطلب بيتزا طبعا المخبز التابع لسوبر ماركت .
مر من قبالي أنا وبنتي ثنين رجال وهو ماشاء الله سمين بالمرة والله العظيم أني ما انتبهت له الا يوم قالت بنتي بصوت مرتفع ماما شوفي كرشته يالله انحرجت بالمرررررررره وحاولت الف بالعربية عنهم واصرفها اقول شوفي بابا وينه وتعيد الجملة ثانية :09:والله اني تفشلت ..
المشكلة انها صغيرة ولا كان وريتها شغلها بالبيت ..
المشكلة أن بنتي والله اها هادية بالمرة وثقيلة بس مادري وش جاها اليوم:icon33:
وقبل كم يوم كنت بسنتر بوينت ومر من عندنا واحد شباب وشعره كدش بس بشكل مبالغ الشعر منتفش وكثير وملفلف حتى انا لفت نظري المنظر مقزز وتجيك بنتي وأنا وياها قدامه وجها لوجه قالت شوفي ماما شعره يضحك :eek:
ياالله هالبزران يفشلون ويحرجون ..وش رايكم؟؟

136 تعليق 16,306 مشاهدة

شاركي في النقاش

سجلي الدخول لإضافة تعليق.

التعليقات

132
  1. @mars4042

    شوفي لا تعلقي ع موقفها قدام احد ولاتحكي احد ايش صار
    شكلها المره الاولى بسنتر وينت حكيت احد عن الموقف قدامها او لو حتى انتي زوجك علقتو او اي كلمة
    عشان كذا عادت الحركة الاطفال يحبو يلفتو الانتباة و قولي لها حرام تتريقي ع الناس كذا يزعلو بعدين يروحو البيت يجلسو يبكو حرااام
  2. @mafy

    دخلت بعرف وشنو الدانوب الله يسعدها عادي صغار ياكثر مواقفهم اهم شي ماتقول كلام وسخ

تابعي تجارب أخرى من هذا القسم.